معهد International English Institute في كرايس تشرج والانضمام للبعثه

حياك الله أخوي ..

أولاً أشك في مصداقية المعهد بخصوص عدد العرب .. لأن عدد العرب والسعوديين في كرايستشيرش كبير جداً ولا يخلو معهد منهم .. ولو اخترت مدينة صغيرة أفضل لك بكثير من أجل التطور السريع في اللغة ..

بخصوص السعر غالي صراحة .. العوائل تاخذ 190 الى 200 دولار بس .. وأغلب المعاهد ما توصل لسعر 350 دولار بالأسبوع ..

في مكتب صاحبه كوري هنا أغلب السعوديين يجون عن طريقه ويعطي خصومات كبيره .. يعني تسجل عن طريقه بالمعهد أرخص من تروح بنفسك للمعهد .. وهذا من واقع تجربة .. أنا رحت بنفسي وسجلت بمعهد 325 دولار بالأسبوع .. وبعدي سجل أكثر من واحد بنفس المعهد ب 285 دولار بالأسبوع عن طريق المكتب .. فرق كبير اذا كانت المدة طويلة ..

بخصوص التقديم على الالحاق .. في السابق كان طالب البكالوريوس يقدر يقدم على الالحاق وهو في مرحلة اللغة .. مع العلم بأن الملحقية تستقبل طلبات أوراق المتقدمين للبكالوريوس وهم في مرحلة اللغة وكثير تم الحاقهم خلال الشهرين الماضيين .. وهنالك أنباء عن احتمال رفع أوراق طلاب البكالوريوس الى الوزارة من أجل الالحاق ..

الخيار الآخر وهو أنك تتحصل على قبول جامعة .. وتستطيع الحصول على درجة 5.5 باختبار الايلتس وقتها تقدر تدخل الجامعة ..

30 ساعة بالجامعة يدرسها الطالب في فصلين دراسيين .. وأعتقد بأن أسعار الجامعات للسنة الواحدة من 20 الى 30 ألف دولار نيوزلندي ..

مع العلم بأن الدولار النيوزلندي اليوم = 2.10 ريال سعودي ..

بالتوفيق ..

مشكور أخي الكريم

بس ابغى معلومات أكثر لأني بأسافر في نهاية مارس

كم تتوقعون يكفيني مع اني قليل الصرف في العادة وماهي الاوراق التي اخذها معي من هنا .

مساء الخير

الاخ ali_intr
نرجومنك توضيح كيف الوصول الي مكتب الي تقول وانا في السعوديه ؟
وهل يستطيع تامين معهد في قريه؟

ولك اخي التوفيق في الحياه الغربه