بخصوص مبتعثين الحاسب بايرلندا ..ايرش

عليكم السلاام .،،

الله يوفقك ويسهل أمورك ويجيك القبول ،،،

عموماً ، دفعتنا كانت مختلفة ،، عطو طلاب الماستر قبول لغة فقط ،،
وقالوا لهم انتم دبروا اموركم وهاتوا لنفسكم قبول الجامعه
لأنكم ماستر ،، لازم تروحون وتشوفون الجامعه المناسبة لكم ، التخصص المناسب لميولكم ... إلخ
وفعلا وصلنا ايرلندا بقبول لغة فقط ،، وبعدها بدينا نشوف الجامعات وبدينا نقدم وحده وحده .،


بالنسبة للتحويل ..
انا انصحك انك تدرس اللغة في ايرلندا ،، لسبب واحد
- قلة السعوديين مقارنة ببريطانيا .،
لكن الدفعه الخامسة اغلبها راح تكون في ( تريلي - معهدي DCU , UCD )
الله يعيــن ان شاء الله وما يصير تكدس في الفصول ...،
مو مشكلة يصير عدد كبير بالمعهد .. لكن ان شاء الله بالكلاس الواحد ما يزيد عن 3 طلاب عرب ،،


بالنسبة للتحويل
لما تخلص اللغة وتجيب الايلتس 5 ، 5.5 او 6
مع انه مطلوب منك 6 لكن انا اقولك لو تجيب 5 كمان راح اجيب لك قبول في بريطانيا ،،
التحويل من ايرلندا الى بريطانيا لا يتطلب معامله مع الوزاره وانما مع الملحقية فقط ، لأنهم تابعين لملحقية وحده
ولطلاب الدراسات العليا المجال مفتوح أكثر ، ولكن يشترط أن يكون معك آيلتس+ قبول جامعي.

لو جبت الـسته في الايلتس أهلاً وسهلا ،، تقدر تبدأ في سبتمبر أو يناير .،
لكن في ايرلندا .. المجال محدد في سبتمبر فقط .. ما فيه ماستر حاسب في يناير .،
وهذا اللي يخلي بريطانيا أفضل ... اممم مع العلم ان ترنتي تغطي على جامعات كثييييييييييرة في بريطانيا


امم الفيزا البريطانية ،، تقدر تطلعها من ايرلندا ..
اهم شي تكون اوراقك كااااااااااااااامله .. وقيمتها 167 يورو او 176 يورو < نسيت الرقم بالضبط ! خخخخ
والملحقية تعوضك عن هذا المبلغ بعدين .،
الفيزا اخذت معي 4 ايام وطلعت


بالتوفيق

أخي ايرش الله يوفقك في دراستك ويعلم الله اني استفدت كثير منك وكذلك أكثر الأعضاء وتمنياتي لك بالتوفيق .
بالنسبة لاستفساري بعد اذن صاحب الموضوع
مرافقي خريج كلية المعلمين حاسب وانا اخترت جامعة كورك لتخصصي وعند البحث في جامعة كورك وجدت علوم حاسب ماستر فهل لديك معلومات عن هذا التخصص وهل يناسب كلية معلمين وهل يتم قبول خريجي كليات المعلمين بسهولة .وما هو رأيك في كورك .
أكرر شكري لك

الله يعطيك العافية آيرش والله عاجز عن شكرك ..

انت صادق جامعة ترنتي حلوة بس مافيه تخصصات حاسب كثير لا وبعد المكتبب نهج يقول مافيه .. مصيبة

وانا بصراحة عيني على جامعة بوتسموث . ولا بورمث ولا ساوثهامبتون ..
ماأدري .. على العموم الله يوفقك ..

اما بالنسبة لخريجي كلية المعلمين انا منهم بس مكتب نهج يقولي مافيه تخصص علوم الحاسب بايرلندا للماستر

مالقيت اذا انتي mpc لقيتي ماأستر فهم الأفضل لنا لتقاربه مما درسنا ولو حصلتي الماستر تقدري تتخصصي بعدين بالدكتوراه باللي تبين

حسب ماأعرف وبالتوفيق للجميع ..

ما عليك منهم ..
لما توصل ايرلندا قدم بنفسك ع DIT مثلاً
انا قبلوني اني ادرس معهم هذا التخصص
MSc in Applied Computing for Technologists

انت قدم ما راح تخسر شي ...
بس مو الان .. لما توصل لأيرلندا وتشوف الجامعات بنفسك ..،

يوجد تخصص علوم حاسب في كورك
http://www.ucc.ie/calendar/postgradu...html#computing
مارأيك فيه أخي ايرش وهل نستطيع دراسة اللعة في كورك لأني سمعت ان قبول اللغة السنة هذي في دبلن

اممممم
From the first sight
اقدر اقولك انه مو مسموح لك تدرسه
This Masters Degree is a part-time

لازم تختاااار Full time
وعلى فكره .، اللغة لو تبيها بالمريخ ... روح ادرسها
مين قال لازم دوووبلين < كذا ينطقون دبلن اهل ايرلندا خخ

المهم ... انت لما توصل ايرلندا .. ولو فرضنا ان القبول جاك من دبلن اوكى
وانت مشتهي انك تروح كورك وتدرس هناك ...
مافيه أي مشكلة ،،
كلم المشرف .. شوف الضمان المالي متى ينتهي ... واتفق معه انك راح تنتقل الى كورك
بيقولك ... هات لي قبولك الجديد واخلاء الطرف من المعهد القديم + كشف حضور وغياب وخطاب باليد لتغيير المعهد وتعبي الاستماره اللي في الموقع حق الملحقية ( استمارة تغيير معهد اللغة ) وخلصنا ،،

مافيش حاجة صعيبه ان شاء الله ،،
بالتوفيق

اخي ايرش الماستر علوم حاسب full timeفي كورك على نفس الرابط يوجد تخصصات كثيرة يمكن قريت اللي فوقه زي ماهي مكتوبة كذا
MSc (COMPUTING SCIENCE)

The MSc is a full-time taught Masters' Degree programme running for 12 months from the date of first registration for the programme. Students take taught modules in teaching Periods 1 and 2, followed by a research/development project from May to September
المعذرة على كثرة الاستفسارات

سووووري ما انتبهت للي تحت ..

ايوا ميه ميه ،، تقدر تدرس هناك اللغة والجامعه ..

Learn English in Ireland :: Cork Language Centre :: Welcome
هذا رابط معهد
University College Cork (UCC): University Language Centre(English as a Foreign Language):
وهذا للجامعه .،
واحب اطمنك ما تقدر تسوي الايلتس الا في مكانين ( كورك - UCD )

والله اني ارتحت كثير والله يوفقك في دراستك ويكتبلك اللي فيه الخير لك
وشكلي حبيت كورك خلاص