تقرير كل من اصدر الفيزا الايرلندية ...يدخل هنا لنستفيد منة

يا جماعة تعرفون ان الضمان المالي مهم لاصدار الفيزا ,,,ماادري هل الضمان المالي موجود عند السفارة الايرلندية او احناج اني اطلع الوزارة لاستلامة وهل اقدر ان احصل علية في نفس اليوم ام لا
ردوا على اسنفساراتي بليييييييييييييييييييييييز

سؤال مهم جدا وان شاءالله احد يفيدنا

للرفع
سبحان الله وبحمده

أنا رحت للوزارة علشان يسوون لي خطاب للسفاره اللي هو بين قوسين ( الضمان المالي )
يعطونك ورقه تكتب فيها المعلومات التاليه ... رقم الأحوال .. رقم الطلب .. رقم ترشيح الابتعاث .. امممممم اسم المعهد .. الظاهر بس ذولي .. اضافة الى صورة من قبول المعهد وصورة من الجواز ..
وبعدها تاخذ الضمان وتروح للسفارة ..

انا كنت باخذ الضمان المالي لكن كنت ناسي جوازي بالرس .. ولا كان معي له صوره علشان كذا بروح يوم الاثنين واطلعها

لكن لا يهمكم اتصلت على السفاره وسألتهم وش الخطوات

قالوا تجينا ومعك الخطاب اللي من الوزارة ... وقبل ماتجينا تعبي البلاكيشن << مادري اسمه صح والا لا .. اللي بالموقع .. وصورة للجواز وصورتين شخصيه .. وتنتظر اعتقد اقل من اسبوع وتطلع لك الفيزا ..

وبعدها تروح للوزارة وتنتظر امر الاركاب ... هذا اللي اعرفه وبسويه

الضمان المالي تحصل عليه ان شاء الله في ساعه و ممكن اقل >>> الصراحه ما كان في زحمه واجد

والطلبات بالنسبة لي اخذوا اصل القبول وصورة من الجواز

وبرضوا قرار الابتعاث وامر الاركاب تحصل عليه من نفس اليوم ان شاء الله في ساعه الى ساعتين >> لكن ما ادري كيف الوزارة الحين زحمه واجد ولا بعد ؟؟؟

الفيزا الايرلندية الحمدلله حصلت عليها في اقل من 24 ساعه سلمت اوراقي بالصباح الساعه 9 و وصلني اتصالهم الساعه 5 عصر بشرط انه ما يهنق النظام عندهم > على حسب كلام الموظفة العربية بالسفارة ..


وصف السفارة :

1-تدخل حي السفارات ومن عند دوار رقم 3 خذ يمين
2-حيقابلك دوار رقم 9 خذ من عنده يمين
3-بعد امكن 20 متر خذ يسار
4-بعد ما تأخذ اول لفة يمين
5-حتشوف السفارة على يسارك في الزاوية
( بعد الخطوه رقم 2 لو تمشي على طول حيقابلك السفارة البريطانية حتكون على يدك اليسار وتشوف عليها حراسة مشدده )





الاوراق اللي قدمتها للسفارة :

2 صور شخصية مكشوف الراس (اعتقد 3.5*4.5 )
صورة شهادة الجامعه + كشف الدرجات
خطاب القبول الجامعي او المعهد ( الاصل )
الضمان المالي ( الاصل )
الابلكيشن
الجواز


بالنسبة لتعبئة لابلكيشن ممكن تراجع موضوع القيصر2 راح يفيدك ..



عند استلام الجواز رجعولي الضمان المالي و خطاب القبول






المستندات المطلوبة لاصدار امر الاركاب :

1- صور من قرار الابتعاث
2- اصل الجواز للمبتعث والمرافقين بالاضافة الى صور الجوازات
3-صورة من صفحة التاشيرة للمبتعث والمرافقين للدول الغير العربية
4- صورة بطاقة الاحوال للاعزب وصورة دفتر العائلة للمرافقين ان وجدوا





بالتوفيق للجميع ..

اخ e.w انت اخذت الضمان المالي من وزارة التعليم العالي في شارع التخصصي او اخذتة من ووكالة الوزارة للابنعاث في حي الغدير انا من الشرقية وابغى اروح على خطوات صحيحة

روح لفرع الوزارة لبرنامج الابتعاث اللي بطريق العليا تخلي فرع وزارة الداخلية الاحوال المدنية على يمينك و هايبر بنده ( اسواق العزيزية ) على يسارك وتمشي على طول وبعد ما تخرج من النفق تحصلها على يمينك طبعا ً تلف لها من الخلف

لا تغلط وتروح اللي بالمعذر ما راح تحصل احد يفيدك هناك ..



توصل بالسلامة ..