كويتي ضيف عليكم ...لا حرمتم الاجر

أهلاً وسهلاً بك عزيزي في دارك الثاني ،، أهلاً بأهل الخليج كلهم ،،
وهذا المنتدى مخصص لكل من هو مغترب عن بلده ،، وكلنا عيال قريه وكلن يعرف أخيه ،،


أصبت ، إيرلندا تعتبر حالياً أحد أفضل الاماكن لدراسة اللغة الانجليزية نظراً لقلة الطلاب العرب المغتربين فيها ،
مقارنة ببريطانيا مثلا التي يوجد بها 20 ألف طالب "سعودي" ، أيرلندا أفضل !

وان شاء الله تكون قد وفقت فيما أخترته لنفسك ،
والله يقدرنا ونجاوبك باللي نعرفه ..

هلا والله بأهل الكوويت منووور المنتدى وحتنوور ايرلندااا ,,

اي خدمه اي استفسار عندك الموسوعه مشااء الله مشرفنا العزيز أيرش الله يخليه لنا

وانا في قالوي واي خدمه ابشر بعزك ,,

المهلي مايولي ....الله يبارك فيكم... انا صراحة فضلت بداية شهر مارس لنهاية يونيو ...بعيدا عن السياح واعتقد ان برودة الجو تبدأ بالانخفاض...وش رايكم الوقت حلو؟...ثانيا مثل ماانتم شايفيين الصورة حلو مزيون .. وعندي لحية...ياترى عندهم مشاكل معازيبنا في ايرلندا من اللحية؟ ثالثا وين افضل مكان للسكن في المدينة حقيقة انا افضل اسكن مع عايلة ..في الريف بعيد عن السيتي سنتر ؟؟؟.... رابعا ... بعدين نكمل معكم ... وجزاكم الله خيرا

اهلا وسهلا بك
نتمنى لك دراسة موفقة

لا اخوي انت على الراس والعين ...

وتقول عائشه رضي الله عنها سبحان من جمل الرجال بالحلى ,,

وان شاء الله مافي مشاكل معاهم لان الشعب الايرلندي مرره طيب وحبووب ,,

طبعا راح يسألونك أسأله ديينيه وكذا وانت مشاء الله عليك ان شاء الله راح تعرف ترد عليهم وتبين لهم وتوظح لهم ,,

توقيت دراستك كويس من ناحيه الجو,, الحين بداء الجو يزين مو مثل اول ثلج وبررد مرره والحين كويس بس راح يرجع يتقلب الجوو,,

بالنسبه للمدينه الميدنه كلها على بعضها صغيره وهاديه يعني حتى الستي سنتر شوي هادي مو مثل دبلن والمدين الكبيره ,, يعني مايحتاج تسكن بعيد عشان ماتتعب مع الباص لانه شوي يتأخر,,

راح تحصل عوائل كوويسه واسعارها كوويسه ,,, واذا تبي اكلم لك عائله عشان تحجز موعد معاهم اول ماتوصل ,, اول اعطيك ارقامهم كلمهم بنفسك ,,

اذا تبي اعطيك ايميل اقوى معهد لغه في قالوي ,,

واي خدمه تحت امرك ,,

أحييكم من كل قلبي على تفاعلكم وسرعة الردود وشكرا لجميع من مر وعلق....حقيقة أخي ريوضي أنا ابحث عن الجودة ... ومايهمني السعر أبشرك الخير واجد والحمدلله ...فياليت توصيني بأفضل معهد وأيضا افضل عايلة ( ابي عايلة نظيفة ومحترمة ويكون منزلهم وسيع وتوجد دورة مياه منفصله ) حتى لو سعرهم غالي ..وبنسبة لخطوط الطيران اكتشفت ان افضل طيران هو البريتش لانهم دايركت من الكويت لشانون ايربورت... وبلنسبة لمستواي باللغة الانجليزية انا قبل فترة كنت عند البريتش كونسل وقالولي مستواك بريانترميدت ..ياترى الثلاث او الاربع اشهر كافية ؟ ودمتم

ااالله يزودك من فضله ,,

اذا انت تبي مدينه قالوي ولا تبي غيرها فأفضل معهد في المدينه معهد أتلنتيك واسعاره كويسه ,,

واذا على العائله في عوائل كثيره وكل عائله احسن من الثانيه وانت روح واختار العائله الي تناسبك وسعرها مناسب لك ,,

وشروطك الي قلتها مقبوله ومن ابسط حقوقك وموجوده في اكثر العوائل ,,

اما سؤالك عن خطوط الطيران ماعندي خلفيه لانك راح تسافر من الكويت واكيد في خطوط طيران راح تكون مناسبه لك

وبنسبه لتحديد المستوى اول يوم توصل فيه للمعهد راح يختبرونك اختبارهم الخاص وراح يحددون مستواك ودام ان مدتك قصيره انصحك تاخذ كوورس مكثف ,,

وان شاء الله موفق ,,

ممتاز جزاك الله خير...... طيب وبالنسبة للتأمين الصحي سمعت أنه يسألونك عنه أول ماتوصل للمطار ....كيف اشترك فيه وشطريقته؟

العائله ارخص بلمدينه هذا على حد قرائاتي وعلمي وبحثي بلموضوع هذا والافضل مع العائله من ناحيه اكتساب لغه وامور كثيررررررررررررررررررررررررررررر