تم زيارة السفارة الايرلندية بالرياض ... حاضرين للاستفسارات..

الحمد لله على تيسير الامور والله يعينك على الخير ان شاء الله ويوفقك ويوفقنا جميعاً

انا اليوم رحت لهم عشان اقدم على فيز وطلعت لي الموظفه كم شئ ناقص فا تعطلت الله يعين ان شاء الله باكر تخلص الامور

بس الحلو بسفارة ايرلندا مافيها زحمه ابدا ولا ايش رايك؟

الله يعافيك اخوي ياليت لو تقولي ايش الاوراق اللي يبونها وهل يوجد فندق قريب من السفارة لان ناوي انزل فيه وشكرا
اتمنى الرد باسرع وقت

فندق ماريوت قريب من السفارة

وعليكم السلام جميعا .... حقيقة انصدمت من الهدوء المطبق هناك ... وكنت عامل حسابي زحمة ... فجيت مبكر ... سهران ... حركت من الكويت نص الليل ... ودخلت الرياض الساعه سبع ...وطوالي رحت السفارة ... خايف من الزحمة الي يقولون ...لقيت البوابة مسكرة والحارس يقول نفتح ثمان ونص ... المشكلة كانت بموقع السفارة بحي السفارات ... لاتوجد لوحات ارشادية والله يعطيهم العافية العساكر ماقصروا ...المهم طلب مني الحارس اوريه الابلكيشن من النت قبل ماادخل وريته وانتظرنا لغاية مادوموا ... الموظفات ... ودخلت مافيه غيري ..شيكت الموظفة على الاوراق وقالت شغلك مضبوط ... قلت المهم انا جاي من الكويت وش وضعكم كم تستغرق السالفه .. ق...الت حط رقمك ونبلغك ...قلت يعني احجز فندق قالت ان شاء الله ماتحتاج ... ورحت ضربت الفول والتميس ونمت بشقة فروشة ...وماقمت الا على صوت التلفون ..الساعه وحده كلمتني الموظفة قالت تعال استلم جوازك ...بس صراحة كنت دايخ وماشبعت نوم ....قلت فيه مجال ااخره الى المساء ... قالت حتى بعد العصر تعال نحطه لك عند الحارس ...وفعلا كملت النومه للساعه اربع .. وقمت وصليت ولله الحمد ...وطوالي على السفارة ...ومريت الحارس ووريته ورقة التسليم وعلى طول عطاني الجواز ...السفارة مكانها باخر الحي ...بعد ساحة الكندي ... بجانب قصر طويق ...ومبناها حلو ونظيف جدا ...وبعدها دقيت على معارفي بلرياض قلتهم زبطوا القهوة جاييكم ... لقيتهم مزبطين القهوة والمفطح ومسكوني للعشاء ...الله يجزاهم خير ....وعقبال الساعه الحادية عشر ليلا حركت لديرتي الله يفظه وماصليت الفجر الا فيها ... والحمدلله

الاوراق تختلف من شخص لاخر ...بلنسبة لي ... انا رايح لغة فقط ...قالوا نعطيك بس ثلاث اشهر ...قلت مو مشكلة ...كتاب تعريف من العمل يفييد الاستمرارية ... وكشف حساب بنكي لست اشهر ...وياحبذا لو فيه مبلغ حلو ...كتاب قبول من معهد لغة في ايرلندا شرط ان يشمل السكن والضمان الصحي ...وصورتين شخصيه ...و360 ريال ...ملاحظة ... الاوراق تختلف من شخص لاخر ...

يعطيكم العافيه يعني مايحتاج ناخذ مواعيد من السفارة ولا شي

على فكره اقرب فندق للسفارة الانتركونينتال برايي الشخصي (( عاد انا بنت يمكن اوهق اي احد بالاماكن هههههه ))

وياليت احد طيوب يكتب لنا من A-Z اللي اعرفه بس الموقع والبقية للحين

انا اشوف والله ان الشقق الفندقية افضل بكثير من الفنادق ....عموما مسالة ذوق ....يفضل راجعة مواضيع الاخوة بخصوص الحصول والتسجيل للفيزا .... انا طبقتها بالضبط ........الله يبيض وجوهم دنيا واخره ...