معهد الـ ef يطلــب الــ initial scholarship letter ..!!

March 5th, 2010, 03:16 PM

السلام عليكم ورحمه الله وبركاته ..

كيفكم يا أخوان وعساكم متجهزين لمرحله جديده في حياتكم .. عسى نشوفكم بخير وموفقين ورافعين الراس
بخش بالموضوع على طول ..

انا بعد شهر كامل من التواصل مع المعهد بخصوص التنسيق للسكن مع العائله الكريمه

جات المشرفه وقالت لي طيب يا Mr. اول يوم اللى راح يكون الاثنين 29/3 راح تكون في 3 أمور مهمه منك ..
قلتلها اتفضلي قولي .. واطربيني
قالت :
1 - تيجي تشرفنا الساعه 9 الصباح تكون متواجد بالمعهد .. قلت : حلو مافي مشاكل
قالت :
2 - تعمل اختبار تحديد مستوى في i-lab قبل تبدأ الدراسه .. قلت : ما عملته ولكن راح اعمله واذا ما عملته تراني ما اعرف علشان كذا سامحوني .. ضحكت وقالت : معليش لازم تعمله يا مستر .. قلت : okay
قالت :
3 - تجيب معاك intial scholarship letter في اول يوم حضور .. قلت : نعم ؟؟ ايش يطلع دا ؟؟
قالت : intial scholarship letter ما تعرفه ؟؟ .. قلت : خليني اشوف وارجع اكلمك لاني مانى فاهم ايش يطلع بصراحه واللغه عندي مضروبه وربي وانا اكلمها احسها راح تضحك هي وزميلاتها اللى حولها

قلت اجيكم وأسألكم ايش يطلع الــ intial scholarship letter بس ان شاء الله يكون السبلنق صحيح لكلامها ..
وبعدين هذا الشي .. احس انه الضمان المالي والله أعلم .. احد يفيدنا باالله ..

ودمتم ..

• نشر عبر تويتر
• نشر عبر فيسبوك
• نشر عبر جوجل