عاااجل جدااااااااااااا اللاب توب ؟؟؟؟؟

عادي حتى لو الكمبيوتر كله مو اصلي
محد يسأل ولا شيء.
المهم في المطار تكون معاكم ورقه قبول المعهد.
توصلون بالسلامه.

اخواني ، أخواتي ..
كثرة المواضيع التي تدور حول شيء معين لن تكون لها الفائدة الكبيرة للملتقى ،
ومن الامس ولله الحمد تم فصل منتدى ايرلندا عن منتدى بريطانيا وأصبحنا نعمل بشكل مستقل الآن ،
لذلك نريد الرقي بمنتدنا وبأفكاره وبطرح المواضيع وكذلك في اسلوب الرد على المتسائلين لتعم الفائدة بشكل أكبر لنا ولكم ،

الموضوع المطروح سبق وتمت الاجابه عليه أكثر من مره ، سواءً في موضوع مستقل او في موضوع عام فيه الاجابات الكثيرة حول معظم التساؤولات ،
بخصوص التساؤول حول اللاب توب وغيره ،،
في المطارات العامه ، يتم فتح غطاء اللاب توب فقط دون السؤال عن تشغيله وعن جودة البرامج التي يحتويه ،
وبعد ذلك يقومون بوضع اللاب توب تحت اجهزة كشف الممنوعات ، ولو كان بداخل اللاب توب مثلاً شيء حاد او ممنوع
فسوف يتم مصادرته وتفتشيه تفتيش دقيق وشخصي .. إلخ ،
مطار هيثرو الذي يعتبر من اكثر المطارات ازدحاماً بالعالم ، واكثر الجنسيات العالميه تأتي إليه ، لا يتم تفتيش اللاب توب بشكل دقيق
كل ما في الامر ،، فقط فتح غطاء اللاب توب وتمريره تحت جهاز الكشف كما في الصورة التاليه :

خط سير رحلتي الرياض ابوظبي دبلن محد قالي وين انت رايح فتطمن الامور بسيطه
بس فيه شغلة كادت تعقدلي الامور انا ماكنت مجهز الا ورقة قبول اللغه بس الموظف ماكتفى فيها قال ورقة القبول ماتعطيك الحق تجيب اهلك معاك وطلب مني ورقه الحمد لله اني كنت جايبها الا وهي الاوراق الي قدمتها عشان اطلع فيها الفيزا من الرياض مكتوبه بالانجلش وموضح فيها بالضبط ليش انا جاي ايرلندا وكم راح اجلس تقريبا انا جي ماستر وراح اجلس تقريبا 3سنوات.
وسالني هل يوجد مكان ستقيم فيه حاليا فاعطيته حجز الفندق
الامور بسيطه بس حبيت افيدكم.

انا تفتش لاب توبي في مطار هيثرو....وعديت لأن برامجي اصليه

الا تقول بس مايكروسوفت مو اصلي؟؟؟

هع
هو اهم شيء

ياليت الشباب يفيدونا بشكل اكبر عن هذا الموضوع

لاني انا بإذن الله مسافر بعد شهرونصف تقريبا يعني لازم كل البرامج اصليه ولا لا
بمعنى الميكروسفت حقي (نظام التشغيل اصلي) لكن سمعت من بعض الشباب يقول ما يكفي انه اصلي لابد يكون عليه ستكر وحقي اصلي ركبته عند احد المحلات ومتأكد انه اصلي لكن ما عليه ستكر مثل اجهزة جرير فيقولون يدققون عليه وان كان اصلي لازم ستكر
ارجو الافااادة

لكن فيه بعض البرامج مثل صوتيات Real player وفوتوشوب وزي كذا غير اصليه لابد منها ولا لا
وعندي بعض السيديات بعضها برامج وبعضها محاضرات وقران هل يشيكون عى السيديات او الUSB
تكفى افيدونا بكل ما تقدرون عن اللاب توب والاجهزة الالكترونية بشكل عام لاني خايف بصراحة

انا دخلت ايرلندا اول مره ومعي لاب توب فيه الويندوز وباقي البرامج ( كلهم نسخه )
ومعي سيديات منسوووخه كمان .. وما فتشووووه !

انا مريت .. يمكن انت ما تمر !
يا عزيزي ،، اللي ابي اقوله ،، اني مريت في مطار دبلن حوالي 8 مرات ( ذهاب واياب )
وما قالوا شغل اللاب توب خلنا نشوف اصلي او لا .!
وما دققوا في شي ...

شفت الصورة اللي موجوده في ردي السابق ؟؟
التفتيش بالضبط زي كذا ..،



وبلاش وجع راس مع اللاب توب ،، ترا فيه اشياء اهم انها تكون في يدك ، واللي هو القبول ، لأنه يسهل عملية دخولك لإيرلندا

ماقصرت اخوي وأسأل الله يجزاك الفردوس الاعلى
ومشكور على ردك وتفاعلك
والموضوع بالنسبة لي يهمني لاني على باب سفر ودي اعرف اكثر عنه
طيب مطار دبلن مافيه مشكلة لكن مطار هيثرو هل يدققون فيه ام لا

عموما مثل ما تفضلت فيه امور مهمه القبول والضمان المالي وغيرها الكثير
والله يوفقنا واياكم

مطار هيثرو دخلته 4 مرات تقريباً ، وان شاء الله الخامسه يوم الاحد القادم
كل مره اروح .. اللاب توب ( ويندوز اصلي ) والبرامج نسخه ..
لكن كل اللي صار معي هو ،، مرور اللاب توب تحت الجهاز .. دون الامر بتشغيله ،،
لو عثروا على مممنوعات ( اشياء حاده - .. الخ ) ممكن ما يقولون شغله خلنا نشوف اصلي او لا .. بيصادرونه !

وانا في مطار هيثرو كمان جبت معي سيديات منسوووخه ومسلسلات ومسرحيات وافلام في على سيديات والهاردسك
وكمان الهاردسك مليااان برررامج كثيررررة .. وما اعتقد فيها الا 10% اصلي هههه

الله يوفقك ويسهل امورك ،،
المشكلة مثل ما قلت عزيزي ،، تسمع من هنا وهنا ،، وكلام كثير حول هالموضوع بالذات ،، لكن انا قلت اللي صار معي ،
وان شاء الله ما تشوووفوون الا اللي يسركم ،،

طيب اخوي بما انك ماشاء الله مسافر على ذي المطارات
هل كلها فيها وايرلس للنت يعني اول ما اشغل الجهاز يشبك مباشرة عشان نضيع وقتنا ونكلم اهلنا

وسوال اخر
يقال ان الخطوط السعودية ما فيه دايركت الى دبلن لازم لندن وتغير الطيارة وتنتقل من كان الى مكان
عن طريق الباص ويمكن تضيع وتقلع عنك الطيارة خصوصا اني اول مرة اروح ما اعرف ولا شي عن الصالات وغيرها
فما العمل هل يوجد مرشدين سعوديين يستقبلوننا ويرشدوننا الى الصالات الاخرى ام ماذا

وجزاك الله خير على تحملك للاسئلتي

بالتوفيق