معهد الـDCU يجبر الطالبات التحدث مع الرجال

اختي
السفارة لمن رحنا نسجل جوازاتنا عندهم
سالونا عن تعامل الايرلنديين معنا وقالوا انه دا شئ يهمهم
فلو كان هناك شئ يزعجك منهم تقدري تقولي الشئ دا للسفارة في دبلن 2 بالفرب من fitizwilliam square

اختي لايستطيع المعهد اجبارك ان تتحدثي مع رجال او تجلسي بالقرب منهم وانت حره وهذه مرحله لغه ليست مرحلة دراسة اكاديميه
يعني انتي براحتك واذا استدعى الامر اتخذي موقف مع المدرس اللي يجبرك او مع مدير المعهد وانتي من حقك تطالبي باللي ترتاحين له والمعهد ليس من صالحهم ازعاجك لأن وجودك مكسب مادي فلا تتهتمي لضغوطهم.

وبالنسبه للملحقيه مستحيل تطلب هذا الشيء منهم .حتى ولو قالو المعهد ان الملحقيه طلبت (والمعهد بعيد عن المصداقيه في هذا الموضوع)

وانا تحدثت مع احد المسئولين في الملحقيه بشأن هذا الموضوع وقال نحن هدفنا استمرار الطلاب بالدراسه بدون اي ضغوط سلبيه على الطلاب وبأمكانه تغير المعهد اذا اراد ذلك.
نصيحه(لاتخضعي لضغوط الغير واخضعي فقط لقناعاتك)


وفقك الله..

انا معهدي dcu لكن دراستي ب8/6 لسى مابديت لكن قلقت لاني ان شاء الله منقبه

طيب اذا رفضت طلبهم ايش بيسوون ...؟؟

طيب كيف معاملتهم هذا المعهد ...؟

هذا التصرف من المعهد يعتبر تعدي على الحرية الشخصية و أيضا إساءة معاملة
لازم توضحوا لهم أنكم مش مرتاحين للوضع و أنكم عارفين حقوقكم و ما تقبلوا أحد يجبركم تعملوا شئ ما تبغوا تعملوه
و بعدين انتو جايين بارادتكم للبلد و دافعين فلوس و مدخلين للبلد و للجامعة و تقدروا بكرة تسيبوهم و تروحو لمعهد يحسن التعامل معكم
و لازم توضحوا انكم على اتصال بالملحقية و عارفين حقوقكم و فعلا لازم تكونوا متصلين بالملحقية و توصلوا شكواكم للمشرفين بلندن.
هذي بعض الجمل تساعد في توضيح وجهة نظركن:
I don't feel comfortable talking to men in the class at this point
و ممكن يقولو انكم بعدين حتتعاملوا مع رجال في دراستكن بالمستقبل فوضحوا لهم:
I know, but at this point I'm still not ready to deal with men in class
but we don't agree to be forced to do something we're not comfortable with especially one-to-one activities
يعني انا بصراحة مقدرة وضعكم انه ممكن تقبلوا تشاركوا في الفصل بشكل عام و في مجموعة كبيرة بس التمارين اللي شخص لشخص و مع رجل .. هذي وقاحة يطلبوا منكم تعملوا كذا و انتو مش راضين.
,
we know our rights, and we're in constant contact with our supervisors in the embassy, and if you will continue to force us to do something against our will, we will transfer to another English Institute>
و طبعا هم يقدروا و يحترموا توضيح الاختلاف في وجهة النظر اذا كان باسلوب مهذب و قوي في نفس الوقت و حيتفهموا الوضع أكيد

انا ادرس بالجامعة و غير منقبة بس ما أرضى ابدا أحد يفرض علي شي أنا مش مرتاحة أعمله. فلازم معهدكم هذا يتوقف عند حده و إلا اشتكوا للملحقية و اتركوهم لمعهد آخر معترف فيه.و ربنا ييسر لكم أموركم

أشكركم جميعا على ردودكم
بس أنا مستغربة من جرأة المعهد هذا مع أنهم عارفين وجهة نظرنا من هذا الموضوع ولكنهم مصرين ولم يمر يوم إلا ونقع معهم في مجادلات حول هذا الموضوع ويحاولوا إقناعنا وإحراجنا بعض الأحيان في مواقف نحن في غنا عنها ,وأصبحت الدراسة هاجس لنا والله وأصبحنا متوترين ، فعلا لازم نحاول نوقف المعهد عند حده وأرجوا مشاركة الأخوات المنقبات في المعهد في هذا الموضوع وطرح وجهات نظرهم . وأرجو من لديه صلة بالملحقية إيصال مشكلتنا .

انا لسى ما درست


المشكلة عندهم حاليا انك منقبة او كيف

هم يسوو كذا مع المنقبات بس ؟؟


و ودي اعرف عزيزتي كم نسبة المنقبات فية و هل تحصل لكم مضايقات غير هذي ؟؟

امممممممم بعض النظر عن رائيي عن موضوع الاختلاط ,,

وبعض النظر عن ان المعهد يجبر الطلاب على الاختلاط في المعهد وفي الكلاس ,,

لاكن السؤال الي المفروض تسأل نفسها اي بنت جايه بعثه فيي بلد برى حدود السعوديه الاختلاط عندهم شي عايدي وشي طبيعي ..

اختي الكلام هذا لك ولغيرك من الي يقرون الموضوع والردود اذا ماختلطتي مع الطلاب في الكلاس في معهد اللغه فأكيد راح تختلطين مع الطلاب في الجامعه ,,,وهذا شي شبه الزاامي !!

واذا ماكنتي تتدرين عن نظام القروبات في الجامعات أسألي عنه وراح تعرفين موضوع االاختلاط الحقيقي ...

بكره راح يجبرك الدكتور في الجامعه تسوين بحث مع طالب او مجموعه طلاب يعني قروب وراح تكونون مع بعض اكثر الوقت في المكتبه وغيرها لما تنهين بحثك ...

أختي انا مو اقول هذا الكلام اقصد عاايدي اختلطي ولا عليك وكذاا ...لالا

بس المفروض قبل تجين يكون عندك فكره عن الموضوع من قبل ...

وبالنسبه لموضوعك في المعهد انهم الزموكم على الاختلاط في الكلاس بصراحه مالومهم لو قسموكم قسمين قرووب البنات وقروب العيال ماصار فيه فايده ولا راح احد يستفيد ... خاصه اذا كان المعهد مثل معهدكم المشهور بالزحمه السعوديين ..

اختي معاي انا في معهدي طالبات سعوديات منقبات ومحجبات كثير واذا طلب مننا المدرس اننا نكون في قروب واحد عايدي نتكلم وكلنا بكل احترام ونلزم حدود انفسنا لاننا كلنا جاايين للفايده ..

قبل يكون عندنا زحمه في معهدنا من الطلاب السعوديين كانو يفرقوناا كل سعودي في كلاس بلحاله والحين صار كل كلاس فيه طالبين او ثلاثه ومرات نكون في قروب ..

تحياتي

بالنسبة للأخوات اللي يسألوا لا تفهموني غلط الوضع مطمئمن ولا تشيلوا هم أي شي بالعكس مرتاحين ومصرين على رأينا ونسبة المنقبات كثير بالمعهد وبعضهم بالعباية السوداء وماعليهم من أحد بس هذي النقطة هي اللي ضايقتنا وان شاء الله يخلونا على راحتنا .
الأخ ريوضي :
أولا أشكرك على طرح وجهة نظرك واسمحلي أن أعلق تعليق بسيط عليها :
أولا محد جاب طاري الاختلاط وأكيد جميع المبتعثات عارفين انه فيه اختلاط
أنا أتكلم عن المعهد لاحظ المعهد وليس الجامعة
هل تعلم ان في بريطانيا وأمريكا واستراليا بعض الطالبات أجبروا المعاهد أن يفتحوا لهم فصول خاصة لهم وفعلا المعاهد هذه وافقت لشروطهم " حاليا أختي تدرس في بريطانيا في الجامعة وهي منقبة ولم يجبرها أحد على التحدث مع رجال "
هل تعلم أن الفصول اللي في معهد DCU جميعها سعوديين يعني مافيه أجانب معانا فما الحكمة إني أتكلم مع سعودي وما أتكلم مع سعودية .

انا مع الاخ ريوضي وكلامك صحيح ...
حتى لو كنتي تتكلمي عن معهد ؟
اغلب المعاهد مليانه سعوديين وماحتلاقي مكان ليكي لوحدك وليسى كمان حيجو دفعات غير الموجودة لازم تتأقلمو ع الوضع
وبعدين وش حيصير اذا اتكلمتي مع سعودي ماحيصير شئ انا بالمعهد كنت بقروب فيه سعوديين بالعكس محترمين واحرص من اي احد تاني عليك.
وبغض النظر عن اي كلام واسمحيلي ممكن ماتتفقي مع رائي
الي ماتقدر تتماشئ مع الوضع هنا الاولي انها ماخرجت ودرست بالسعوديه
احنا صحيح الدوله دافعه ملايين بس مو معني كدا انها تقدر تغير كل شئ ممهما كان كل مكان لو نظامو
واذا مااختلطو باحد ماحتقدرو تتعلمو