مساعدة لا تبخل علي بالرد في هذا الموضوع فلا اريد منك الا ان تفيدني والله يجزاك الف خير

الله يهديك حاط خط صغير وتبينا ياشيبان نقراه

أنت أكيد مقدم على لغة فإن كنت أبتسكن عند عائلة فالمفروض إنهم يستقبلونك في المطار وإن كانك بتسكن في سكن الطلاب في الجامعة فأنت عارف لازم وين الجامعة وتروح لها في الوقت المناسب
ولو إن ما فيه شيء مثل هذا
فتروح لفندق قريب وتسكن فيه على الأقل ثلاثة أيام وتشوف وضعك زين وترتب أوراقك
والفلوس يالحبيب أنا لو في مكانك ( ما حط البيض في سلة واحدة ) يعني آخذ كاش بلعملة المحلية وأحط الباقي في حسابي أو في حساب أخوي أسحب منه أو أخلي أخوي يحول لي

وفي الأخير ما عليش أعذرني أقول لك إنك مفرط شوي المفروض إنك مرتب أمورك على الأقل قبل أسبوعين من الآن

أسأل الله تعالى أن يوفقك ويسهل أمرك

هلا أخوي مرمر ز
الله يسعد جميع أوقات بالخير والمسرات
أنا راح أقولك تجربتي أنا جيت أيرلندا ما اعرف أحد هنا حجزت فندق عن طريق مكتب الطيار من الرياض
ويوم وصلت المطار أعطيت صاحب التكسي عنوان الفندق ووادني للفندق على طول. والملحقية في لندن والسفارة ماراح تستقبلك
أما بالنسبة للفلوس فأنا حولتها يورو من الرياض وخليتها معي في جيبي وأول مافتحت حساب سويتلها أيداع.
أتمنى اني افدتك,,,,,,,,,,,,

هلابك أخووي

لاتخااف ولا اي شي الوضع عاادي جدا وإن شاء الله راح يمديك

عشان ايرلندا صغيرة موب زي امريكا ولايات وحوسة

أول شي يحتاج انك تحجز فندق ثلاث ايام من السعودية مثلا من مكتب الطيار

واذا وصلت إن شاء الله مايحتاج احد يستقبلك إلا اذا انت منسق مع عائلة راح هم يستقبلوك

وتكسي وعلى الفندق واذا انت خارج دبلن على الباص على طول

وبالنسبة للفلوس حولهم من السعودية واذا اكثر من عشر الاف روح للي بالبطحاء احسن لك من البنووك

وخذهم معك كاش عادي جدا عشانك من اول ماتوصل تبي تحتاجهم للشقة مثلا وتبي تفتح حساب وتحط اللي يبقى

واي سؤال لايردك الا الكيبورد

يا شيخ الله يوفقكم انا وين احصل زيكم

ما شاء الله نشيطين وحركيين ( حركيين ) ههههه

ابو يزيد السعودي كلمة شكرا قليله في حقك الله يوفقك صبح ومساء وفي كل حزه

راضي الخاطر ما قصرت اخووووي الله يعطيك العافيه وانا اشهد ان امك جابت ولد

ابو عزوز بالله دورلي على واحد زيك ما تحصل واحد يشبه لك الله يوفقك والى الامام

وفي الاخير جزاكم الله الف خير جميعا بدوووون استثناء

استفسار اخير الله لايهينكم ممكن تعطوني عنوان معهد امرالد EMERALD
او عنوان سكن طلاب المعهد لكي اذهب اليه ( لكي)( فصيح الاخ)

وشكرا لكم

ربي يوفقك وينور دربك ,, ويهــــــ عليك الغربه ـــــــون ,, آميــــن

A.a.s 21

اللهم امين
ويوفقك ان شاء الله

مشكووووور

الله يوفقك اخوي مرمرز ..
حبيت اشاركك .. ياريت يكون معك نسخ كوبي .. من الاتي وانت طالع للمطار معك

طبعا الجواز وصورة منه وكذلك نسخ من التاشيرة

وايضا نسخ للضمان المالي

والمهم ايضا نسخ للقبول بالمعهد

وكذلك الصورة الشخصية مهمة ايضا لمراجعة الملحقية ومراسلتهم .. وبالطبع سجلك الاكاديمي والشهادة للتخرج من آخر مرحلة دراسية
لا تنسى تصرفلك مبلغ ويكون معك وانتبه على المبلغ اكثر من نفسك

الله يوفقك وان شاء الله تتسهل امورك ..

اهلين ،، هاذا عنوان المعهد :

Emerald Cultural Institute
10 Palmerston Park
Rathgar
Dublin 6
Ireland

Tel + 353 1 497 3361

Fax + 353 1 497 5008

بالتوفيق يارب

شكرا لك اخي الغااالي عبدالله ما قصرررت وتوصل ان شاااء الله بالسلامه

بالنسبه للاوراق ابشرك كل ورقه نسخت منها 20 ممكن اذا وزنوها في المطار تطلع 15 كيلو خخخخ

وبالنسبه للقرنقش لا تخاااف على حريص الله يوفقك دنيا واخررره