الحضانات والفيزاء

السلام عليكم
والله ياجماعه الوضع مع اسعار الحضانات بالمره ماينفع الكلام ماهو نافع ومافيه نتيجه
يعني ايش نسوي يبغونا نطر عشان يفهمون الوضع كيف المبتعث يدرس ويجيب درجات مع الاطفال
وعدم القدره على دفع مصاريف الحضانه الغاليه جدا لازم المسؤولين يشوفون لنا دبره وباسرع وقت ممكن
يعني الحكومه ماقصرت وابتعثتنا وانشاءالله ماهي بعاجزه عن ضم تكاليف الحضانه على الدوله تكفووووووووووووون ساعدونا
هل من مجيب؟؟!!!

والله يا اختي الغالية انا منزل هالموضع
وابي تفاعل معه لعلنا نستطيع نوصل صوتنا
خلهم يلغون مكافأة الطفل بس يتكفلون بالحضانه
من جد الأسعار غاااااااالية جداً جداً

فعلا والله الحضانات هنــا مره غاليه ومكافاه الطفل بسيطه يادوب تكفي احتيااته ولو كانت العايله عندها اكثر من طفل

مدري ايش راح يعملون الله يعينكم يارب

شرهتك على االي لقا الحضانه هنا لي شهر ادور ما لقيت اما الغلا فعلا غاليه مررررررررررره والله وانا اخوك صوتك ما يوصل الا بطريقه وحده
هي خلال اسبوع واحد ترسلون شكاوي جميع المبتعثين الى ايرلندا الى الملحقيه عن طريق الفاكس بخطاب خطي تقولون فيها انه المكافاة الطفل ما تكفي
اخوي دقق خلال اسبوع وبنفس الاسبوع الجميع يرسل اذا جاء الاسبوع الثاني لاحد يرسل علشان يدروون انه الكل يشتكي موب واحد والا اثنين بنفس الاسبوع وانتم ضبطوو مع الاعضاء وانا اول واحد مستعد ارسل
ومشكورين على هالموضوع

يالله انا معكم حددوا بس اسبوع ونرسل جميعا والحاضر يخبر الغائب

وبالتوفيق للجميع

وشهالاخبار؟!!
هذا وانا توي ماجيت وعندي اثنيييين ..

الاسعار غاليه يعني قد ايش توصل؟

واللي قرأته من حوالي الشهر بالجريده عن الموسى لما كان في بريطانيا انه طمئن الطلاب ان معاملة الحضانة وضمها لتكاليف المبتعث قدموها للشورى وللحين يدرسونها<==مدري هل هي اختراع مثلاً..

الله يسمعنا الاخبار الزينة

اقل حضانة تأخذ 120 يورو في الأسبوع

يعني 2300 و2300= 4600 هذي للحضانة
مدري بس كنت ماخذه فكره انها اغلى من كذا بكثير"مع انها للحين غاليه بس قدر اخف من قدر".. لدرجة اني من الان بديت اجمع مصروف الحضانة قبل ماانزنق في دبلن..واقعد انتظر مكافآة اخر الشهر..الله ييسرها ويااااارب تتكفل الدولة ببدل الحضانة او هما يشيلوا الحضانات زي المعاهد ونفتك..لاني اتوقع انها اكبر مشكلة راح تواجهنـا ميزانية الاطفاااال الله يحفظهم ويبارك فيهم

هونوها وتهون..

الله يعينكم وييسر لكم أموركم

ومن جد شيء يقهر

بس انا عندي لكم اقتراح أعرف واحد بكندا له أصدقاء يعملوه

عندهم بكندا البنات البرازيليات مستعدين يشتغلو أي شيء .... فهم يدفعو لهم مبلغ أقل من الحضانات مقابل حضانة الطفل بالبيت
وهذا الشيء له إيجابيات وله سلبيات

إيجابياته : إنه البيبي سيتر بتكون مخصصة فقط لطفلك او أطفالك , أرخص , ممكن تفاصل معها على السعر , ممكن تتشرط عليها في أي متطلبات خاصة ....
يعني تقريبا مثل الخادمة

سلبياته : إنك ممكن ما تتطمن على الطفل معاها بحكم إنها ممكن ما يكون عندها خبرة أو إنك تخاف تعامل الطفل بطريقة سيئة أثناء غيابك , ممكن الشيء هذا ما يكون نظامي عندكم ....

بس انا لو كنت مكانكم بأشوف لي وحدة بنت حلال عاطلة عن العمل ممكن تكون جارتكم أو وحدة بأحد العوائل التي يقيم معها زملائكم
وأشوف لو بالنظام وأقدر أكتب معها عقد يكون أفضل أو بطريقة ودية بس لازم تكون البنت مضمونة من ناحية النظافة والتعامل
وكل أسبوع والثاني اعطيها بخشيش ( أطعم الفم تستحي العين )

وسامحوني إن كان قصرت معكم بس يعلم ربي إني حاسس بكم
بس حاولو إنكم ما تشيلو هم وركزو على دراستكم وإن شاء الله الموضوع لو وصل لوالدنا خادم الحرمين الشريفين بيحس فيكم ويساعد الجميع

وهذا اللي أقدر أفيدكم فيه
ولو عجبتكم الفكرة أدعولي الله ييسر أموري وأنقبل وأطلع للبعثة

الله يوفقكم ويوفقني ويوفق الجميع
تحياتي للجميع