طلاب معهد atlantic بجالواي الرجاء الدخول

المعهد معتمد
اما طريقة الوصول الى قالوي عن طريق الباص 15 يورو او القطار 50 يورو

انا أدرس بالمعهد وهو معتمد صح لكن المستوى مش ولا بد ..

وهالحين صار عدد السعوديين فيه اكثر من 50 طالب وطالبه هالاسبوع الجاي هذا جايين تقريبا 26 طالب سعودي ماشاء الله تبارك الله

يعني تكدس .جد حرام مساكين والله مدري كيف راح يستفيدون والمعهد مره صغير والحين بعد بعض المدرسين اجازه فا جايبين متدربين او مدري ايش ايسموهم ومستوياتهم سيئه جداً والله فقط تضييع وقت ..انا الحين اخذت اجازه ماقدرت اروح واضيع وقتي على استاذ فااااااشل لانه صراحه حرام اسابيع تروح ومدفوعه على ولا شئ

غير ان الكتاب اللي يدرسونه حاليا يقولون عليه حق الصيف english to go
عادي يعطونك ورقه فيها القاعده ويقولون لك افهمها لحـالك وحل الواجب وانتهى الموضوع يعني سيئ سيئ

طبعا لو بتجي على جولوي سهله بالباص من عند المطار بـ15 يورو 3 ساعات تقريبا لانه لابد يوقف بالستي سنتر في دبلن
موفق يارب بس والله انصحك لوجه الله لو تلقى لك معهد افضل روح له لان اتلانتك ليس الافضل

يعطيكي العافية أماني حالمة ، العيافي

على الرد والمعلومات الثمينة

بس انا عندي قبول لغة في EF من اول بس تم إقافه من الملحقية بعدين جابوا لنا قبول على معهد DPL في دبلن

بس احنا نرغب في الدراسة بجالواي رحت وجبت قبول على حسابي في معهد اتنلتك

أرجوا منكم إذا كنتم تعرفون معاهد لغة في جالواي انكم ما تبخلون علي

وشكرا

هذا مشكله جولوي مافيها الامعهد واحد بس معتمد وحتى الجامعه مالها معهد يعني كل المبتعثين على اتلانتك حتى اللي تبع الـموسسه يجون بعضهم عليهم

فيه معهدين ثانين لكنهم مو معتمدين وماعندي عنهم فكره اذا هم افضل او لا

موفق يارب

انا درست في المعهد بس ما كان فيه سعودين على ايامي , ومستوى المعهد كان جدا ممتاز ’’ يمكن ما تحسون انه ممتاز وتحسون انه عادي قاعدة واقرا وخلاص ,, بس هوا فعلا ممتاز خاصة اذا اختلطتوا مع الاجانب اللي فيه ,

عموما اذا تبغوا فائدة اكبر لا تاخذو كورسات جنرال , خذو كورسات كامبردج . اللي هي First English certificat هذه الكورسات تكون اكثر جدية ويكون كورس كامل مش بنظام الاسابيع زي الجنروال

وبالتوفيق

هذه الكورسات اللي اقصدها
Examination Programmes

بس على فكرة الافضل تاخذو في البداية جنرال لمدة 3 شهور على الاقل بعدين تاخذو الكورسات هذه , هي غالبا لازم يكون مستوى الطالب انترميديت عشان يقدر ياخذ الكورسات هذه ما ينفع اللي لسى ما يعرف انجلش كويس

وعلى فكرة ترا الجنرال مفيد جدااا , بس ما تحسون بفائدته في البداية تحسون انه كلام فاضي , لكن هي هذه الطريقة الصحيحة لتعلم اللغة . وصدقوني ما تعرفون قيمة المعهد هذا الا اذا طلعتوا منه

يمكن الحين عيبه ان امتلى سعودين , لكن حاولوا وقت البريك تجلسوا مع الاجانب وتتكلموا انجلش طول الوقت

من قبل 4 شهور كان المعهد بالنسبه لي جيداً جداً .. أما الآن فمستواه جدا متدني بسبب تكدس السعودين والسبب الثاني كل يوم والثاني مغييرين التيشرات .. حاليا يدرسنا متدرب ههههههههههههههههه مافي منهج بس سوالف مالها داعي ومضيعه وقت ومدرسنا الاساسي يدرس قروب خاص جاي من ألمانيا :@

انا اذكر كلامك يوم قلتي ان المعهد مستواه متوسط وفعلا يوم جينا فيه سعوديين قليل وعرب قليل ايضا ومستواه متوسط لكنه مايأهلني للايلتس ويبغى لي وقت لو بظل عليه اكثر من سنه عشان اتطور بس حاليا المستوى صراحه سيئ وصاير لعبه كل شوي متدرب تخيلي يدخلون متدربين اثنين بفتره وحده يعني تضييع وقت
غير بعض المدرسيين اللي يدرسون تخيلي انا مدرسي فرنسي وتعرفين الفرنسيين فيه حروف ماينطقونها من h ويكون البروناون مختلف .
غير انهم يشيلون المدرسين ويبدلونهم لمده اسابيع ثم يرجعونهم او يغيرونهم نهائي وهكذا دواليك
ولو في علمك المبتعثين الكورسات اللي جايبينها لهم على افتراض انها اكاديميه ولكن هذا بس اسم فقط لا اكاديمي ولا يحزنون كلو نفس الشي المختلف بس انه مكثف يعني عندك مورنينج وافترنون وعندهم الايلتس ومافيه الا مدرس واحد بس ممتاز بس هم يغيرون المدرسين كل 10 اسابيع يعني مو بكيفنا نختاره
وقبل فتره متكلمين مع المدير عشان المعهد والنظام وقال ان عدد السعوديين 17 بالمئه من عدد الطلاب الكلي وهذا قبل ماشاء الله الدفعه الجديده من الطلاب اللي تقريبا اكثر من 30 طالب وانتي عارفه المعهد مره صغير .
عموما الله يعنينا بصراحه عليه وعل فكره ترا هم يذكرونك وبالذات اذا تذكرين الينا الايطاليه

موفقه ان شاء الله