استفسار مدة امر الالحاق

ياليت والله نحصل اجابه لهالموضوع لأن انا مثلك

الالحاق مو سهل وياخذ وقت وعاد انت وحظك انا لي 5 اشهر واكثر ولا صار شئ

بس انت ايش تبغى تدخل لان هنا افضل شئ طب ومقاعد الطب تبع برنامج الملك عبدالله للابتعاث .وغيره من التخصصات لازم تسال اول
لان عندهم شروط كثيره مو سهله يعني

وفعلا لازم تدرس سنه لغه وعدد ساعات معين وبعدين تقدم طلب الالحاق بمعنى(عند استيفاء الشروط) يقبلون طلب الالحاق

الله يكتب لك التوفيق وتيسير الامور يارب

انا ناوي طب باذن الله واكيد ودي اني اقبل في برنامج خادم الحرمين الشريفين وتقريبا شروطهم مطابقه علي بس اللي باقي التحصيلي وانا مو حاس اني بجيب درجه اللي طالبينها لاني ما احس اني حليت زين
ف اتوقع 80% اطلع على حسابي

يعني انتي الحين يبيلك تخلصين اللغه بعدين تدرسين الساعات المطلوبه في الباكالوريوس وبعدين تقدمين طلبك يعني فوق السنه يبيلك

طيب كيف يعني انا وحظي يعني ممكن يصير الالحاق قبل يعني وانا ادرس اللغه يعني بعد خمس شهور من وصولي او اقل؟

وش تعتمد عليه سرعة الالحاق ؟

تعتمد على الحظ انا لي 5 اشهر الحين ولا شئ
وكلمت احدهم وقالو لي الالحاق فيها مو سهل كان رحتي يوم انك على حسابك امريكا ولا كندا وفعلا لو اني رايحه هناك كان الحقت لكن سبحان الله مكتوب
جايه بـ1-3 والى الان مافيه شئ ولا يرضون يرفعون الملف الا باكتمال الشروط ولايرضون يفتحون ملف الا بقبول جامعه نهائي يعني مو فاونديشن ابداً مايرضون

الله يعنيك ويكتب لك التوفيق وماتدري ان شاء الله انك تجيب المعدل المطلوب وتصير من نصيبك البعثه ولا حاول تدخل على الموسى وكلمه يمكن يمشون لك امورك لو ماضبط التحصيلي معك لاقدر الله

افاا والله مالقيت اي دوله ابتعث لها كل ما اقرر على دوله تطلع الف مشكله
(امريكا وكندا دراسة باكالوريوس الطب فيها شغلتها شغله حيث انك لازم تاخذين الباكالوريوس في اي تخصص)
(بريطانيا مافيها الحاق)
وهذي ايرلندا تلحقهم

طيب تعرفين احد دخل على الموسى ومشت اموره
لاني ماتوقعهم بيدخلوني عليه


والله يعطيك الف عافيه على ردودك ودعواتك اللي ترد الروح

الله يوفقك وييسرلك من عنده دنيا واخره ويفرحك في هالالحاق قريب يارب,,,

انت ادعي بس ان اللي ييسر لك امورك واي دوله ترتاح لها اختارها وتذكر(وماتوفيقي الا بالله )
وتسلم على الدعوه والله هذا اللي احتاجه يا اخوي بها الوقت الله يجزيك الف خير

انت تفائل وحاول ..انا صراحه عرفت احد دخل على الموسى وسبحان الله بعد توفيق من الله ابتعث للمكان اللي يبغاه

بس لو عزمت امرك اضمن قبولك قبل كل شئ لان المقاعد محدوده جدا ً واحتمال انك تلقى قبول بيكون صعب جداً

والله يوفقك ان شاء الله وين ماكنت

اخوي الالحاق على حسب لغتك ماله دخل لا سنه تحضيريه ولا شي

انت لو تجيب اللغه بشهر وتاخذ الشهاده يحولوك الحاق على طوول

حتى مو شرط تجيب اليلتس في مستوى معين توصله باللغه ويحوللوك ملحق بأذن الله

الله يوفقك اخوي وييسرلك اموورك

من وين لك هذا الكلام؟؟؟
من خبره يعني ولا سامعه من احد؟؟

طلعت نسبتي في التحصيلي اليوم 73
وبرنامج الملك عبدالله المرحله السادسه طالبين 75



قسم بالله قهرررر

والحين شسوي بالله


(الحمدلله على كل شي)