سؤال بسيط

وهل يجب علي المرافق لن يدرس ..

لاننرافق لاينوي الدراسه حيروح ويرجعلي كل ما يستطيع وهو زوجي ولكن الوالده حتجلس معايا .هل ممكن تحصل مشاكل؟

واللهي لو انتي عندك اللغه وحابه تختبري هنا بالسعوديه شئ حلو بحيث انك تختصري على نفسك الوقت

بس خلي في بالك ان جامعات ايرلندا دراستها تبدأ في شهر سبتمبر
فين وكم ماعندي فكره..

طبعا الاعلان عن الاسماء بيطلع بالجرايد وبتشوفيه بالمنتدى بس باقي عليه

تسلمو علي الرد الله يغطيكم العافيه بس عندي سوال اخر لوما عندكم مانع ...

انا اتصفحت جامعات مدن ايرلندا ولم اجد تخصص يناسبني لأن انا تخصصي نظري ادارة خدمات صحية ومستشفيات وفي موقع الوزارة حطيت دراسة تأمين حسيته اقرب شي لأني انا درست تأمين صحي ضمن دراستي فما رايكم ؟؟ايش يناسبني وهل تامين يعتبر امتداد لتخصصي ولكم جزيل الشكر والتقدير

السلام عليكم
أخت israa tبالنسبة لإختبار الآيلتس فيكون في british council في المنطقة الشرقية والرياض وجدة << انا اختبرته في الشرقية يكون التسجيل في british council في ابراج الراشد ومن هناك تقدري تحددي التاريخ ويعطونك مكان الاختبار وموعده او تقدري تسجلي عن طريق موقعهم الخاص للمجلس الثقافي البريطاني .. السعر 2010 هو ب 825 ريال على ما اعتقد
بالنسبالة لنا طلعت النتايج في شوال يعنيSep.ولذالك سافرنا في January اعتقد هذا اللي بصير معاكم بعد << صحيح المدة طويلة بس الدراسة في ايرلندا تسوى الانتظار
بالنسبة للمرافق الكثير من اللي معانا المرافق يروح عنهم بعد اسبوعين فإما يظلوا لحالهم او تكون معاهم الوالدة مثل حالتك بس مافي اي مشاكل بس إذا اكتشفوا يقوموا بأخذ كل ما صرفه المحرم ( راتبه) هذا اللي اعرفه
انشاء الله اكون افدتك

تسلمين اخت صبرية علي ردك
بس معليش راح اتعبك معايا شوي انا علي حسب تخصصي وهو ادارة مستشفيات وخدمات صحية فأنا مقيدة بين جامعات دبلن وجالوي علي حسب بحثي البسيط وايش رايك وش احسن من ناحية الايجارات الارخص والامان لأنه راح يكون معي بنتي 8 سنوات وابني مولود؟؟؟ واختبار الاتجليزي الا قلت عليه هل اختبره الان او انتظر خبر الموافقة من الوزارة ؟؟وهل هذا الاختبار يغنيني عن دراسة اللغه هناك ؟؟

وشكرا عزيزتي صبرية

سامحيني اخت صبريه علي كثرة الاسئله ولكن عندي سؤال اخر وهو هل ابدأ في البحث عن قبول الجامعات من الان او انتظر الي ان انتهي من دراسة اللغه هناك مع العلم انه اذا كانت اجابتك ان ابحث عن قبول الان ممكن الجامعة تعطيني قبول وموعد محدد للدراسة وانا لا اعلم متي حأروح ايرلندا ولا اعرف متي حأخلص اللغه ؟؟

وشكرا

السلام عليكم
بالنسبة لدبلن فهي تعتبر أكثر آمان من جالوي ولكنها أغلى بالنسبة للإيجارات .. لكن في دبلن توجد ميزة بأنها هي المنطقة الوحيدة ع حسب علمي التي توجد بها مدارس للسعودين تابعة للملحقية ,, والميزة الثانية بدبن بأن معظم الجامعات تحتوي ع حضانة وهذا بيكون مناسب لك عشان المولود
بالنسبة للإختبار انا اقول تختبرية من الآن افضل لانه اذا ما الغى فترة اللغة بيقللها ع الاقل .. فمثلا ادرسي سمستر لغة طول ما تبحثي عن قبول لك من الجامعة وفي هذي الفترة يكون عندك الآيلس اللي تقدري تراسلين به الجامعات .. واذا وصلتي ايرلندا اكيد في الكثير من المبتعثين بيساعدونك للحصول لك ع القبول
وانا من وجهة نظري انتظري خبر قبول الوزارة لانه اذا من الان حصلتي ع قبول مثل ما تفضلتي ممكن يحددونك في وقت ممكن بعدك ما تكوني موجودة في ايرلندا
وإنشاء الله اكون افدتك بالللي اقدر عليه ..والله ولي التوفيق