حوار دول الابتعاث لبرنامج خادم الحرمين المرحله السادسه (ايرلندا) بح

طيب اي من الدول تدرس الطب البشري باللغة الأنجليزية لاني ماتخيل ادرس بغير اللغة e
وكيف نظام الدراسة فيها بالنسبة للطب
واللة بس اتوقع مايقبلون الانظمام للبعثة على حسب ماسمعت من ناس
تكفوووووون نبي تفاعل

بولندا
ايرلندا
امريكا
انقلترا
اسكوتلندا
استراليا
نيوزيلاندا
المجر
كندا
والظاهر هولندا والتشيك وبعض دول شرق اسيا
كلهم يدرسون بالانقلش

بس النظام يختلف في امريكا وكندا
والظاهر ان استراليا وبعض الدول المذكوره اعلاه معاهم
لازم تاخذ الباكالوريوس في اي تخصص علمي او ماشابه بعدين تختبر MCAT شبيه بالتحصيلي وتجيب درجه قويه تقدم على الطب وتدرس طب 4 سنوات يعني المجموع 8 سنوات
اما دول اوروبا على طول طب و7 سنوات

والظاهر ماعاد فيه الا انك تدرس على حسابك يالغلا وبتنتظر الالتحاق الا اذا كان عندك فيتامين (و)
بتمشي امورك على طووووول

وبالتوفيق

والله يالغلا الحال من بعضه

نفس حكايتي

بس انت المفروض انك ماتخلي شي ماتسجل فيه

وترى حتى لو انك مطابق لشروط برنامجهم مانضمامك للبرنامج موباكيد يالغلا

الحين ماعاد ينفع الا وااااااااااااااااااااسطه والا فلووووووووس وبسسسسسسسس<< بعد توفيق الله طبعا


وبالتوفييق

الله يعين خلووا املكم بااله قوي ومدام مستويااتكم زينه تمشي اموركم بااذن واحد احد
انا كنت اتمنى لاقبوول في كليه الطلب بالحرس الوطني لكن اولواسطه لها دور والمقااعد محدووده
وقدمت على البحرين وبعد فيها واسطات والله يعين لكن طبعا راح اقدم على الجامعات السعوديه ليش ما اقدم عشان عيون الموسى قال لا تقدمون
هو مو ضاامن لي شي لو ضمني لي الجامعه اللي بيها يحلها الحلال لكن قدموا وما عليكم من احد

السلام عليكم .. انا حسب اعتقادي ان سبب عدم وجود ايرلندا لهذي السنة ان المرحلة الخامسة اللي انا من ضمنها بعدنا ما ناخذ مقاعدنا لان مقاعدنابتكون للسنة Sep.2011 والان ناخذ medical commitment program لهذه السنة فأتوقع انهم بيفتحوها للسنة الجاية فما يصير عندهم تراكم طلابي بلا فائدة << هذي فقط وجهة نظر

وعليكم السلام

طيب يصير حالنا من حالكم

لان الاكيد انو زينا زيكم
بنجي وبندرس سنة اللغه والسنه اللي بعدها نكون في الجامعه

يعني نفس الحكايه لا تراكم ولا شي

هم خايفين من التراكم في نفس البلد

يقالهم كل السعوديه بتهاجر لايرلندا

تراهم اذا فكروا في ايرلندا بيطلع لها 200 طالب بالكثير


وبالاخير حتى لو زادوا الطلاب السعوديين في نفس الدوله وش بيصير يعني
ياخي كل واحد ادرى بنفسه وكل واحد يقدر يصرف نفسه وبعدين اذا خايفين ع اللغه ابشركم ماني مخاوي كل طلاب ايرلندا

وبعدين ما شاءالله الميزانيه تبعنا تعادل ميزانية ثلاث دولة عملاقه

يعني اللي ابي اوصله انو المفروض مافيه شي اسمه طالب يدرس على حسابه الخاص

يعني اذا بس يدرس لغه على حسابه اوكي عشان نقول مابيروح يلعب



وحسبي الله ونعم الوكيل

الله يعينكم

بس من لاعب عليك وقايل ميزانيتنا ثلاث دول عملاقه ههههه

حبيبي اسلوبك هذا يشككني ف انك مطيح الميانه معي من سنين ماشاءالله عليك

المهم في برنامج الاتجاه المعاكس مذيع قناة الجزيره الدكتور فيصل القاسم في يوم الاثنين 10/8/1427 هـ - الموافق 4/9/2006 م

صح ان هالمذيع درزي سفيه ومن اكبر الحاقدين على بلدنا حماها الله لكن الحسابات حسابات خبير استراتيجي

كان الموضوع عن ميزانية الدفاع << لاحظ فقط مقارنة في ميزانية الدفاع

وقيل كالتالي:
(هل يعقل أن ميزانية الدفاع السعودية تفوق ميزانيات (إسرائيل وتركيا وإيران) مجتمعة بينما لا يصمد الجيش السعودي ساعة واحدة أمام الجيش الإريتري؟)

وهذا شي واقعي واحنا شايفينه بعيوننا والكلشايف ان السعوديه من الدول المانحه الحين

والكل شايف مئات المليارات اللي اريح للبنان ومدارسهم ولو يدخل لبناني واحد لبعض مدارسنا كان هم صاروا يتبرعون لنا

وهذا الرابط عشان تتاكد ياعسل في السطر التاسع
http://www.aljazeera.net/channel/arc...chiveId=369109


واللي نتذكره في عام 2008 م ميزانية المملكه حفظها الله فوق التريليون

وهذا الخبر

تم الإعلان اليوم عن أرقام الميزانية السعودية للعام 2008 :
- تحقيق إيرادات بقيمة تريليون ومئة مليار ريال .
- تسجيل فائض في الميزانية بقيمة 590 مليار ريال
- حجم الانفاق الفعلي بلغ 510 مليار ريال .

الأرقام المتوقعة للميزانية السعودية للعام 2009 :
- الحجم المتوقع للانفاق يبلغ 475 مليار ريال .
- العجز المتوقع يبلغ 65 مليار ريال .
- الحجم المتوقع للإيرادات يبلغ 410 مليار .

وهذا المعلن والخافي اعظم

كل هالخيرات الله لا يغير علينا والتبرعات لخلق الله احنا احق فيها
ليه ندرس على حسابنا؟؟

وعلى فكره انا لما اقول دول عملاقه المقصود عملاقة اقتصاديا وليس في المساحه والشكل على الخريطه

وعذري من الاداره والاعضاء على الاطاله وع الكلام اللي يمكن لا يرتبط للمنتدى بصله بس لازم انزل نفسي لمستواك عشان تعرف شي في هالدنيا اللي عايش فيها ولا تدري وين ربك حاطك فيه


وبالتوفيق