كويتي سعودي وينك مساعدتك الله يجزيك الجنه ،،، ضروري

لا تحرقين اعصابك يا اختي

وش السوال؟

هلا اختي

اسالي والكل هنا راح يساعد بالشي اللي يعرفه000


ربي يوفقك ويسهلك اموركـ


مووووفقه

سيمبل جيررررل

ماهو انا على حسابي....اسئلي وراح اسااعدكــ باللي اقدر عليه..

ولا يضيق صدركـ ابدا

الله يجزاكم كل خير يارب ،،،

اسئلتي هي ،،،اول سؤال م كم احتاج من المبلغ ل6 شهور للسكن والاكل حنا شخصين انا والوالد علما بأن احتمال بأن السكن يكون ب500 يورو من غير المعهد ،،، طبعا بالريال السعودي هل يكفي 35 الف ريال او لا ؟

ثاني شئ هل يطلبون مبلغ معين بالحساب حتى يعطوني الفيزا ؟

ايش الاشياء الي اخذها معي للسفارة ؟

ايش افضل تأمين طبي ؟؟ وكيف احصل عليه واذا ممكن احد يفيدني واحصل على التأمين لان قرأت من طلباتهم ان يكون معي التأمين الصحي فكيف احصل عليه قبل الفيزا ؟

هل ايرلندا جيده لتعليم اللغه ؟؟ هل الشعب طيب ؟
وماهي الاشياء المهمه الي احتاجها هناك ؟ وياليت احد منكم يكون بدبلن ودي اشوف سعوديين لاني احتاجكم من جد

والله يجزاكم الجنه ويريحكم ويفرج لكم كل كربة وييسر امركم ويوفقكم يارب

اختكم نور

ايه بعد ابغى اعرف كيف اعبي الابليكيشن وهل لازم اعبيه قبل ما اروح السفارة او اروح هناك وهم يساعدوني بتعبئته

والابليكيشن للوالد كيف اعبيه والا نفس الابليكشن ؟؟؟؟

ممكن احد منكم يساعدني في تعبئته لو سمحتوا الله يجزاكم الجنة ،،، انا استلمت القبول من المعهد وباقي اروح الرياض اسوي الفيزا

لازم احجز قبل التذاكر والا يكفي اكتب اليوم الي راح اروح فيه ؟

تكفون احد يرد علي والله محتاجه مساعدتكم من جد

والله ماتوقعت هذا التجاهل منكم ،،،، وين كلامكم ؟؟؟؟ انا اختكم وطالبه مساعدتكم ////

عموما جزاكم الله خيرا ومشكور

اهم شئ مايكون قبولك 3 اشهر او اقل لازم اكثر ..عشان الفيزا

وبما انك على حسابك يطلبون منك تدفعين قيمه الكورس وبعد الدفع القبول يكون فيه انه تم دفع الكورس كامل وتاخذي معك هذي الورقه للسفاره . بالاضافه الى خطاب خطي من الوالد بانه يتكفل بتحمل كافه مصاريف الدراسه والمعيشه بالاضافه الى ضمان مالي من البنك ومايكون فيه اقل من 7 الاف يورو اي مايعادل تقريبا 40 الف ريال طبعا الابلكيشن لك و للوالد ومبلغ الفيزا بالاضافه الى الصور.

بالنسبه لـ 35 الف لمده 6 اشهر ان شاء الله تكفي لـ سكن خصوصا ان اول شهر بتدفعي قيمه تأمين اضافه لقيمه التأجير يعني راح تدفعي ايجار 7 اشهر بالاضافه الى مصاريف الاكل والشرب والمواصلات بس خلي لك مبلغ احتياط يعني محد يدري عن الظروف لكن ان شاء الله تكفي...
بالنسبه للتأمين مو مطلوب من السفاره عشان استخراج الفيزا .

ان شاء الله الاموور بسيطه وحياك لو بغيني شئ كمااان وموفقه ان شاء الله

يعطيك العافية اختي أماني حالمه جزاك الله الف خير والله يريح قلبك ويطمنك ،،،

انا دفعت مبلغ الكورس للمعهد بالكامل وارسلوا لي ورقة بأني دفعت كامل ،،، بس أسأل اذا ال35 الف كافية للأكل والشرب مع السكن

وبالنسبة للتامين ايش افضل تأمين وكيف اسويه ؟؟؟

والله يارب يوفقك ويسعدك

أختي الكريمة

أولاً لاتخافي ولا تنزعجي الموضوع أن شاء الله مو صعب كما تتوقعيه رايح أعطيك الخطوات اللي تصير عادةً في الدراسة هنا في دبلن أ, إيرلندا عموما:

1- تروحي موقع الملحقية وتشوفي المعاهد مع انه ممكن انتي بأعتقادي ممكن تروحي اي معهد لانك جاية على حسابك بس احسن تروحي معهد معتمد عشان لو تبي تنضافي للبعثة أن شاء الله تكون اسهل مع الملحقية .

2- ترسلي لهم ايميل للمعهد وتقولي ابغا ادرس عندكم بيقولوا لك ارسلي لنا ضمان مالي اذا انتي في بعثة او ارسلي لنا ورقة من ابوكي تضمن لنا انه راح يدفع لك وتسددي رسومهم بيرسلونك رقم حسابهم وتسددي وبيرسلوا لك الفبول.
3- بعدها تدخلي على موقع السفارة الايرلندية بالرياض وتحملي الابلكيشون حق الفيزا - وهو سهل تعبئته وممكن اساعدكم في تعبئته بس أنا مو عارف طريقة للتواصل معكم.
4- بعدها بتكملي المتطلبات خصوصاً كشف حساب للوالد مع الابلكيشون وتروحي السفارة وتسددي الرسوم وان شا الله يعطونك الفيزا وفيزا الوالد كمرافق.
5- بعدها ترتبوا انفسكم وتجيبوا ملابس شتوية لأنه برد الحين وتحجزوا رحلة على طيران اتحاد الامارات وتيجوا دبلنز
6- في المطار بيطلبوا منكم القبول والضمان فأنتي بتعطيهم خطاب أبوكي وأنه هو السبونسر حقك يعني الداعم المالي لك.
7- ممكن تتواصلي مع المعهد انه يدور لك سكن واذا ما ادوكي خبر فيه موقع اسمه www.daft.ie اذا عندك لغة ممكن تبحثي فيه ولاتشيلي هم اذا تحتاجي مساعدة بالسكن بحاول ادور لكم على سكن.
8- توصلوا بالسلامة وتروحي للمعهد وتتمشي في المدينة بس تكلفة الشقق هنا في الشعر على حسب خبرتي القصيرة أنه ما تقل عن 800 الى 1200 يورو بس ممكن تكلفة معيشتكم الشهرية بتكون من 600 الى 800 يورو يعني حوالي 2000 يورو شهريا في ستة شهور 12000 يورو حوالي 60 الف ريال غير تكاليف المعهد وهاذي ارقام لاحظتها في ذا الوقت في مدينة دبلن.

الشعب معظمه طيب - وعلى حسب إفادة أمي الايرلندية ( امزح أم العائلة ) تقول انه لغتهم 90% منها انجليزي وعشره بالميه ايرش يعني تقول لو تبي لغة انجليزية صافيه رح انجلترا - لانه سالتها قلت انتم تتكلمون سريع وعليهم جمل قصيرة غير طبيعية بس عموما لغتهم مو مره صعبه تفهمي عليهم ولو ما فهمت اكثر لهم من كلمة سوري ثم يبدون يهدوون لحد ما افهم عليهم -

السعوديين والعرب والخليجين هنا موجودين لا تخافي الحاجات اللي تحتاجينها الملابس واغراضك الشخصية من عطورات وغيرها وكذلك بعض المستلزمات المكتبية مثل شوية اقلام وكم دفتر ملاحظات اقصد واحد اثنين بس لانها هنا غالية شوي مقارنة بأسعار السعودية - على كلام الناس اللي هنا يقولوا البرد بيظل لحد شهر 4 يعني خلي اغلب ملابسكم شتوية.

بالنسبة للتأمين الطبي أنا ما عندي خلفية عنه بس ممكن نسألك أو تسألي الملحقية ايش الشركات اللي يتعاملوا معها واذا جيتي او من عندك تشتركي معاهم.

ممكن تكتبي اليوم فقط اللي بتروحي فيه واي استفسار عن الابليكشون حاضرين لمساعدتك - وممكن تحجزي لو حابه تجي قريب عشان الزحمة لان الرحلة تروح ابو ظبي يعني مو بس اللي رايحين فيها بيروحوا لايرلندا - اغلبهم عمال - بس رحلاتهم ما عليها كويسه احياناً


اي سؤال احنا حاضرين وتيجوا بالسلامة والله يكتب لنا ولكم التوفيق - تحياتي