مبتعث مجتهد Senior Member
أيرلندا
أحمد بلس , ذكر. مبتعث مجتهد Senior Member. من السعودية
, مبتعث فى أيرلندا
, تخصصى قانون
, بجامعة الجامعة الوطنية بكورك
- الجامعة الوطنية بكورك
- قانون
- ذكر
- كورك, ياخي أقول كورك تقول ولاية !!!
- السعودية
- Jul 2010
المزيدl February 18th, 2011, 04:15 AM
February 18th, 2011, 04:15 AM
رحلتي من المدينة لـجدة ( واجلس سبع ساعات بمطار جدة )
ومن جدة لبريطانيا .. وراحة ساعتيين وعلى كورك مباشرة
^
^
^
شيء يقهر صح ؟؟
اجل سبع ساعات في جدة ..!! وين عايشين فيه .. عاد اللي يسمعني يقول متعمد احطها سبع ساعات ...مدري انا اتفرج على محلات مطار جدة ! ولا اخذ جوله بجدة اوقف على الكوارث اللي صارت واقدم توصيات لأمانة جدة ... صراحة مدري ليش يبون يجلسوني سبع ساعات .. للدرجة خايفييين علي ما تبوني أطلع .. ترا كلها سنتين وراجع ماراح اطول والله .. هههههههه دحييم يقول خلنا نروح نتفرج على نافورة الملك فهد ونصورها .. نبي سوي لها شرح في معهدنا اذا طلعونا على السبورة .. كأني اتخيل بنت يابانية فاكة ضحك علي وانا اششرح لااآآ ومتحمس دحيم ييقول بييشتري بروجكتر نعرض الصور فيه أقدر اخلي رحلتي اللي في المدينة متأخرة ؟؟ يعني قبل موعد اقلاعي لبريطانيا بساعتين كذااا ؟؟
ايه اذا وصلت ان شاء الله مطار لندن ...... << يــــا اني بعبي كاميرتي صور من هالتوحفـهـ
سؤالي
اذا ضعت في مطار لندن وش اسوي ؟؟ <<<<< برآآآ
لا جد ماني طالع لييين تعلموني مكان الجلوس في لندن على بال ماتجي طيارتي لكورك .. وكيف ينادون علي وانا ماافهم انقليزي .. اخاف اضيع في المطار .. وكيف اعرف رقم تذكرتي ؟ وبعدين خايف على شنطتي الكبيرة فيها عطر اشتريته من سيتي سنتر عطر اماراتي غالي بمية وخمسين ومعه كريم حق بشرة وبخور عود << مجموعة يعني وفيها اشياء كثيرة وحلوة .. جنز لون رصاصي ياخذ العقل وواحد لون اسود لبسته عند اهلي أمي بغت تنهبل على شكلي قامت تقرا علي وتتفتف .. قلت يمة الله يرضى عليك مو الحين ترا باقي اسبوعين .. التفت ورا لقيت وحدة من خواتي مندمجة في التصوير وكذاااا حسيت كأني بأفلام هوليود واني اتكلم انجليزي وانا معصب ويطلع كلام عربي عند رجولي << يقال انه ترجمة انا على طول يوم شفت الوضع كذا رحت لغرفتي ماشي سبعمية أخاف يجي أخوي عنده كامييرا احترافيه ولو شافني كذا ييدخلني الاستديو حقه مير وش يفكني منه بعدين . ونسيت اعلمكم اشتريت أبوات وانتوا بكرامه ضد الماء تعرفون أمطار وكذااا اخاف اتزحلق في الطريق وانا ماشي للمعهد بعدين مين يلقط وجهي .. يحق لي أخاف على شنطتي يضيعونها الانجليز ولا يتقاسمون اغراضي موظفين المطار ...<< كنت بشتري قدر ضغط زي اللي عند الاء العتيبي بس خفت السيكوريتي يصفقني به على راسي .. طالع بر أنت .. ثم ادوخ على بلاط مطار لندن ... وانا على فكرة بتعود على الاكلات الايرلندية وش لي وش للرز والكبسسة .. بلاقدر ضغط بلا هم
يعني بالعربي رحلة شنطتي زي رحلتي ؟؟ .. تنزل معي في مطار جدة ومطار لندن ومطار كورك وادفع رسوم زييادة الكيلوات عند كل مطار ..؟؟؟؟؟
ياربي أحس اني ناسي شيء ..
اممم باقي شيء وشووو .. ايه اللاب توب معنا لاب توب انا ومحور المنتدى توشيبا غالي مرررة معالج آي فااايف اتفقنا يوم عندي ويوم عنده واذا رحنا لعوايل يوم ازوره ويوم يزورني << مو عشانه عشان اللاب وشسسسمه نخاف ينسسرق فيه ملفاتنا مهمة وفييه فيلم انجلييزي مو مترجم نزلته وتعبت عليه ونتعلم الانقليزي عليييه ونبي نشيل اللاب توب جنبنا في الطيارة يجي ولا لا ... على فكرة اللاب توب فيه صورة لي صورني دحيم ووراي سفارة ايرلندا وحفظناها بسطح المكتب وخفت تنحذف ولا يخرب اللاب توب تهاوشت مع دحيم ينقلها على الـ ( D ) وعيــا قال اخاف يمتلي ملفات وزعلت واشتريت ذاكرة وحطيت فييها الصورة اوريها عيالي وحرمتي بعد عشرين سنة . وعادي ادخل الطيارة بفلاش ميموري ؟؟ سؤال أخير هو من وين ادور لي عوايل من غير الاعتماد عالمعهد ؟؟ << بس حولوني على موقع انا اعرف احوس وامشي اموري مدري موقع ( دافت ) فيه بحث عن عوايل ولا اشاعات .. أكدوا لي لاني دخلته وحطيت خيار ( مشاركة ) واخترت كورك .. جتني نتايج كثيرة ترجمت وحدة منها كاتبين بنص الشرح يوجد ثنتين من الاناث .. انا مباشرة جتني برردة بجسسمي وجبهتي بدت تعررق ومدري ليه طفيت السماعات لا ارادي مع ان مالها شغل .. ابي موقع نظيف سي يآآآآ
هههههههههههههههههههههههههههههههههههههههههههههههههه ههههههههههههههههههههههههههههههه
هههههههههههههههههههههههههههههههههههههههههههههههههه هه
دخلت الموضوع اقول متى سافر احمد كأنه قال سفره 2 مارس!!!!
بصراحة ضحكتني عالصبح ...حلوه الحكايه
بس جد ماعندي فكره عن اسئلتك
ان شالله تلقى اللي يفيدك
موفق
أمل رغم الصعوبات February 18th, 2011, 05:48 AM
7 " مساء الخير
حسب ما اعرف لان احنا كلنا رايحين ع الخطوط الاجنبيه فلازم نكون في المطار قبل الاقلاع ب 3 او 4 ساعات يعني انا رحلتي 4ونص لازم اكون من وحده في المطار <<<< ليش لا تسالني حسب خبرتي
واصلا شنطتك ما راح تستلمها الا في كورك يعني لمن تنزل بلندن ما يعطونك الشنط وفيه لكم مسار اظن اسمه بالانجليزي ترانزيت ..
هذا الي عندي
ان شاء الله اكون افدتك
نفسي في الببعثه بس؟ February 18th, 2011, 06:03 AM
7 " ههههههههههههههههه
الله يرجك انت ومحور المنتدى >> احسكم تبون تعلمون الايرلنديين اللغه العربيه خخخخخخخخخ
الله يسهل اموركم
بالنسبه للسكن
انا حجزت عن طريق موقع المعهد وريحت راسي
بلا مكاتب وزرف 500-1000 ريال على شي تااافه
ado0o0le February 18th, 2011, 12:37 PM
7 " الله يوفقتا وإياكم .. رحلة علمية موفقة ..
بندرونا February 18th, 2011, 12:55 PM
7 "
February 18th, 2011, 04:15 AM
ومن جدة لبريطانيا .. وراحة ساعتيين وعلى كورك مباشرة
^
^
شيء يقهر صح ؟؟
التفت ورا لقيت وحدة من خواتي مندمجة في التصوير وكذاااا حسيت كأني بأفلام هوليود واني اتكلم انجليزي وانا معصب ويطلع كلام عربي عند رجولي << يقال انه ترجمة
انا على طول يوم شفت الوضع كذا رحت لغرفتي ماشي سبعمية أخاف يجي أخوي عنده كامييرا احترافيه ولو شافني كذا ييدخلني الاستديو حقه مير وش يفكني منه بعدين .
معنا لاب توب انا ومحور المنتدى توشيبا غالي مرررة معالج آي فااايف
اتفقنا يوم عندي ويوم عنده واذا رحنا لعوايل يوم ازوره ويوم يزورني << مو عشانه عشان اللاب
وشسسسمه نخاف ينسسرق فيه ملفاتنا مهمة وفييه فيلم انجلييزي مو مترجم نزلته وتعبت عليه ونتعلم الانقليزي عليييه ونبي نشيل اللاب توب جنبنا في الطيارة يجي ولا لا ...
على فكرة اللاب توب فيه صورة لي صورني دحيم ووراي سفارة ايرلندا وحفظناها بسطح المكتب وخفت تنحذف ولا يخرب اللاب توب تهاوشت مع دحيم ينقلها على الـ ( D ) وعيــا قال اخاف يمتلي ملفات وزعلت واشتريت ذاكرة وحطيت فييها الصورة اوريها عيالي وحرمتي بعد عشرين سنة .
وعادي ادخل الطيارة بفلاش ميموري ؟؟
مدري موقع ( دافت ) فيه بحث عن عوايل ولا اشاعات .. أكدوا لي لاني دخلته وحطيت خيار ( مشاركة ) واخترت كورك .. جتني نتايج كثيرة ترجمت وحدة منها كاتبين بنص الشرح يوجد ثنتين من الاناث .. انا مباشرة جتني برردة بجسسمي وجبهتي بدت تعررق ومدري ليه طفيت السماعات لا ارادي مع ان مالها شغل .. ابي موقع نظيف