مشكلة السفر الى ايرلندا (خصوصا كورك) عن طريق بريطانيا

اذا تذكره الطيران وحده
خلاص مايحتاج تدخلين المطار
كلميهم انهم يوصلونها السعوديه في مطار كورك
ولمن تنزلين للندن كمان كلمي اي كاونتر تبع الخطوط الي بتسافرون عليها
وريه رقم الحجز وانه معك شنط وتبينها في السعوديه عشان تتأكدين اكثر
ولا يحتاج فيزا ترانزيت ولا شيء اذا الطيران تبعك كونكشن يعني (موب تذكرتين منفصله)
يعني البعض يشتري تذكره لندن الى السعوديه حالها و كورك الى لندن لحالها
وهنا تصير مشاكل اذا ما معك فيزا
بس اذا تذكره وحده مافيه مشاكل بس قولي لهم ابيها في السعوديه الشنط

افضل موقع حجوزات
clubtravel.ie
بس التذاكر غالبا غير مسترده والدفع بالماستر كارد او الليزر

والله يوفقك

جزاك الله خير اخي القيصر على الرد

أنا المره السابقة كانت رحلتي الى لندن كونكشن يعني تذكره وحده والشنط شحنتها من السعودية واستلمتها في كورك ومع ذلك طلبوا في مطار لندن فيزا ترانزيت أما الآن سويت حجزين منفصلين وحصلت على تذكرتين والسبب لأن الخطوط السعودية ماتوصل كورك فاضطريت اني احجز بنفسي على الايرلنقس.. ما أدري هل ممكن استخراج فيزا الترانزيت من مطار لندن عند الوصول أو لازم أقدم عليها من السفارة؟ المره السابقة طلعوها لي مطار لندن بس أخاف انها كانت حالة استثنائية !

احيانا يعقدونك ويأخرونك فقط عشان تأخذين الفيزا مره ثانيه(الشغله فيها فلوس)

بس ما عمري سمعت انهم رجعوا احد
لكن الله يعلم وش الي يصير

بس غريبه يطلبون الترازيت اذا بتستلمين العفش في السعوديه وكنكشن

بس على فكره اختي الايرلنقس ممكن تمنعك من طلوع الطياره اذا ما معك الفيزا وماعندك كونكشن
اعطيك المعلومه للاحاطه وما ابي اخوفك
لانها اضن سارت مع واحد في الطيران البريطاني bmi ورفضوا انه يطلع

روحوا المطار وتأكدوا اكثر ولاتروحون من عندهم الا وانتم متأكدين

انا افضل انكم تطلعون الفيزا البريطانيه في السعوديه لمده سنتين وتريحون نفوسكم

وبالتوفيق

أخي الكريم القيصر أشكر لك ردك وتفاعلك

أنا رحلتي جدة - لندن - كورك وليس العكس يعني ان شاء الله ما أواجه مشكلة مع الايرلنقس

بس الخوف من الامقريشن في مطار لندن لأنهم راح يقابلوني قبل كاونتر التشيك ان تبع الايرلنقس

فقط سؤال بخصوص الفيزا البريطانية اللي مدتها سنتين, هل هي فيزا ترانزيت أو نوع آخر ؟

السلام عليكم ورحمة الله وبركاته

والله يااختي انك صاادقه انا جيت على الخطوط البريطانيه وزيك بالمطار قالت لي ليه مامعاكي فيزا لبريطانيا بالرغم من اني تذكره واحده جده لندن - لندن كورك
قلت لها انا بس ترانزيت .. وغير طلبت تشوف قبولي
واسلوبها مرررا كان سيء ماتتخيلي قد ايش
عشان كدا قررت بعد كدا ان شاء الله لو ايه مااعدي على بريطانيا
شوفي خطوط على دبلن وارتاحي يوم فيها وبعدين تعالي على كورك
<<هذه خطتي للمرا الجايه
لكن اني اعدي على بريطانيا لاااااا
اتمنى اني افدتك لو بالقليل.

انا متأكد 100% انه اذا معك فيزا ايرلنديه موب لازم فيزا ترانزيت
وهذا الي قاله لي موظف الجوازات الي في بريطانيا
بس هم يبونك تدفعون فيزا عشان يستفيد الاقتصاد

ونفس الشيء تأكدي انه في السعوديه راح يسمحون لك تطلعين الطياره
لانهم حتى هم ما يخلون احد يطلع الطياره الا ومعه فيزا لاني اذكر قبل اطلع بريطانيا شيكوا على الفيزا بس قلت لهم على اي حال انا موب قاعد فيها انا ايرلندا
ممكن تقولين لهم انه معك تذكره ثانيه بس اهم شيء تتأكدي انه مافيه مشاكل

اما الفيزا سنتين سعرها تقريبا 280 يورو تقريبا او مايعادلها
وعادي تكون فيزا سياحيه ولمن توصلين المطار تقدرون تدخلون تتمشون شوي في المطار وترجعون
انا كانت عندي وقفه 4 ساعات وجيت داخل بريطانيا قالت لي موظفه الهجره وين يأ ابو الشباب كلها اربع ساعات
قلت بروح اشتري لي هديه واتمشى وارجع
وختمت لي دخول وبعدها رجعت

انا بالنسبه لي طلعتها عشان ما احد احد يوجع راسي
اذا رحت ترانزيت اقله شوف دافع لسفارتك فلوس 280 يورو وحرام فيكم
وكذا ما راح يقولي والله لازم فيزا ولا شنو .مع اني داري انه موب لازم فيزا
والشيء الثاني احيانا ازور بريطانيا

http://www.mbt3th.us/vb/forum124/thread273148.html

على العموم يوجد عده خطوط مثل الهولنديه وتروح مباشره الى كورك من دون لندن

بالتوفيق

اخت Reemi

الظاهر انك طحتي في نفس الموظفة اللي طحت فيها وحده أخلاقها شينة مررررره وتقول ان لازم يكون معي فيزا رغم اني قرأت في موقع السفارة البريطانية ان الشخص اذا كان معه فيزا من نوع D أو اقامة تخص البلد اللي هو مسافر لها الأغلب انه مايحتاج فيزا ترانزيت اللا اذا كان بيجلس في لندن أكثر من 24 ساعة

لكن الظاهر ان المسألة حظوظ !!!

بالنسبة لاقتراحك اخي الكريم القيصر فهو ممتاز في حالة اني من سكان المنطقة الشرقية لأن الخطوط الهولندية ماتقلع الا من مطار الدمام وأنا أقرب مطار لي هو مطار جدة

أشكر الجميع على المرور والتفاعل

بالتوفيق لي ولكم