ممكن مساعدتكم ياطلاب ايرلندا

أخوي صاعد للقمة: أنا أعرف تماماً إنك سمعت كثير ناس قالوا لك إن الوظيفة بشركة أرامكو تعتبر حلم للكثيرين وأكيد إنك ستضمن أيضاً من خلال عملك إكتساب اللغة بمشيئة الله فإذا إستطعت أن تحصل على إجازة من عملك وتكمل دراستك فهذا أمر جيد دون أن تترك عملك في شركة رائدة .
وعموماً أنصحك بالإستخارة ثم التفكير المتأني والمشورة فإذا عزمت فتوكل على الله.

بالنسبة لإيرلندا ماأقدر أفيدك كثير لأني طالب جديد هنا لكن عموماً أقدر أقولك إن الجو بارد وممطر في أغلب الوقت معاهد اللغة في المملكة أفضل من معاهد إيرلندا (وجهة نظر مبدئية وتقدر تقول أني مصدوم من مستوى المعهد اللي أدرس فيه).

يعطيك العافيه اخوي ع ردك والله يقدم الي فيه الخير ان شاء الله
المشكله بارامكو ماتعطيك اجازه وهذا مشكلتنا الي مو لاقين لها حل

خلك بارامكو وكمل دراستك بالسعودية او ON LINE وعلى الاقل خلص البكلريوس وباقي قدامك العمر طويل ان شاء الله لنا ولك بس استخير وشوف ظروفك ومدى احتياجك للوظيفة .

ياخي مشكلة الشعب السعودي لا يعلم ان ارامكوا ايام الامريكان غير ارامكوا ايام السعوديين الوضع اختلف كثيرا

اصبحت ارامكو سيئه جدا

اخوي اذا عندك قدره وطموح استخر وربك يسهل امرك

ولكن ضع في بالك انك رايح تدخل مغامره والبحث عن العلم وانت المسؤل الوحيد عن نجاحك او اخفاقك لا سمح الله


امنياتي لك بالتوفيق

يعطيك العااافيه اخوي ونا حاط في بالي ذا السي والله يوفقني ان شاء الله ويوفق الجميع

عصفور باليد احسن من 10 بالشجره .... صراحه موظف بارامكوا ولغتك لا باس بها ... نصيحتي لا تخسر وظيفتك

صح الدراسه شى حلو بس الوظيفه احلى خصوصا هالايام الواحد صعب يحصل عليها .... ولا يغرك كلام الناس يعنى

مساله تترك الوظيفه لاحتمال انك تنقبل بالجامعه او لا برا وباحتمال بعد كذا تلقى وظيفه احسن

لو حصلت لك بعثه من العمل بيكون شى كويس .... لو حصل انك تضمن الوظيفه وقت دراستك فهذا شى جيد

استخير ربك بالنهايه واللى فيه الخير راح يحصل

مشككوره اختي ع مروورك وربي يعطيك الف عاافيه

اخوي اذا راح يدربونك و يعطونك وظيفه براتب فوق 5000
والله الصراحة اقولك خليك على ارامكوا

يعطونك مميزات مافية شركة تعطي زيها

مشكوور اخووي ع مرورك ونورتنا