الإيميل خطأ

هل المعهد هذا في دبلن 2
لاني كاني شفته بهالمنطقه
اذا صح علي
بامكاني زيارة المعهد واعطائك ايميل او رقم للتواصل معهم

مكتوب على الأكسبتانس لتر:
34A, Bachelors walk, Dublin1

أتمنى تكون عرفته

اها
عرفت المكان
ان شاء الله بكره وانا طالع من صلاة الجمعه امره واخذ البيانات وارد لك اذا الله عطاني عمر

الله يعطيك العمر و الصحة و العافية ..

أجل مرة وحدة خليني أستشيرك ..

وش رايك إني أبدأ بالسكن مع عائلة لأسبوعين أو ثلاثة لين أثث شقة أو سكن محترم لي ؟؟ و هل المعهد يوفر السكن و بالسعر المناسب ؟؟
و الله يا أخوي عدووول بارك الله فيك لو تكلمهم هذا الموضوع تكون قدمت لي خدمة ما راح أنساها لك

و بالتوفيق

باك

اذا انت عزوبي مع عائله وربي افضل لك كثير
اما اذا معك اهلك فالوضع يختلف ..

وصلت المعهد اليوم واخذت ورقه مكتوب فيها بيانات الاتصال بهم ..

وهذا رابط تحميل الورقه
الوجه الاول
http://www.m5zn.com/uploads/2011/6/2...0dnpimbdkc.jpg
الوجه الثاني
http://www.m5zn.com/uploads/2011/6/2...r73u8xna1f.jpg

واذا مو واضحه اقدر اكتب لك المطلوب

وبالتوفيق

بارك الله فيك يا أخ عدووول .. ما قصرت و بيض الله وجهك.
خلاص راسلتهم و راح أكلمهم بعد و عسى خير

بس فيه شي مهم , ودي أعرف خريطة واضحة لدبلن تشرح كل شي لأني في المنتدى ما لقيت شي و اما جوجل فأكيد بالنسبة لي مب واضح لأني ماقد رحت هناك ..

و شكرا

يا اخي الكريم لا تشيل هم دبلن واضحة جدا والشوارع الرئيسية مرة ما تتوه معى حركة الباصات واللويس وغيره
اصراحة اوضح من قوقل مافي بس اول ما توصل خذ خريطة وهي مجانية في مداخل الفنادق او المكاتب السياحية او المحطات مهمة جدا جدا لا تمشي الا بها
بالاضافة لي خرايط اللويس وال قطارات هذا بعد ما تستقر وتبغا تستكشف الاماكن
بس اول ماتجي خذ يومين طبعا التاكسي يوصلك لمكان اقامتك وبعد اعرف مكان معهدك اي واحد ممكن يدلك وخلص امورك
وحتلقى انك عرفت المنطقة الي انت حتكون فيها
بس نصيحة اي شي يصعب عليك اسال اي واحد في الشارع لا تتردد حتلقى الف يساعدك وممكن حتى يوصلك
اذا ماتعرف تتحاور معاهم اكتب في ورقة

تحياتي

أولا أشكرك يا أخت قطرة المسك الصافي على ردك ..
و الحمدلله إني ماني شايل هم الي جاي لأن الي ما تاه في لندن أكيد إن شاء الله ما يتيه في دبلن ..
بس المشكلة لندن خرايطها واضحة مرررة و معالمها معروفة جدا, لكن دبلن جديدة علي تماما.
و بالنسبة للتاكسي فهذا أكيد خلال أول يوم أو يومين عشان أعرف على الأقل مقر المعهد و السكن .
بس ليش تقولين إذا ما تقدر تتفاهم معهم ؟؟ لهجتهم صعبة ؟؟ أنا أذكر لما تخرجت من الثانوية قبل سبع سنين تقريبا رحت للندن و ما واجهت أي صعوبة في الحوار معهم .. و لا الإيرلنديين لهجتهم مختلفة مرة ؟؟

لا بالعكس لهجتهم واضحة وماهي صعبة بالنسبة ليا احسن من البريطانين
لا بس انا قصدت بالنسبة للي ما يعرف يتكلم انجليزي كويس ويوصل المعلومة
لكن طالما انك تتكلم كويس مارح تتعب باذن الله
عموما لما تجي حتلقى دبلن جدا واضحة وزي ما قلت الخرائط الى تلقاها في المحطات والفنادق تبين كل شي حتى الاماكن السياحية في دبلن والاشياء المشهورة
تحياتي