استفسار عاجل يا اهل دبلن ,, ممكن ؟ :]

في دبلن رقم كم
وهل العمارة لها سكرتي

يا أختي الكريمة اذاكانت الشقة على نفس الشارع بمعهد ألفا انا ما نصح فيها , فيه مجمع قريب من المعهد يوجد عائلات سعوديات على شارع سمر لكن ان شاء الله آمان والخيار لكي وما خاب من استشار .

نهر شانون الشقه بدبلن 1 و لا ما لها سكيوريتي


مبتعث متفائل اي سمعت بهالسكن و شفت اخت حاطه موضوع انها عارضه شقتها للي يبي يستأجر و تواصلت معها بس انه السكن بشارع سمر هل اللي هو المشكله كلها فيه يعني اخطر ولا ؟

اذا فيه شقه عجبتك اسالي اهل البلد ...... روحي لها بتاكسي واسالي عن المنطقه هل هي امنه بس

أختي أنا ساكن في المجمع حق السعوديين ومافي مانع من المساعدة إذا حابه شقة هناك

بالتوفيق

السلام عليكم ورحمة الله

أنا وحدة من اللي ساكنين بالمجمع الموجود في شارع summr hill ولنا أربع أشهر ساكنين
أنا أنصح جميع السعوديين الراغبين في سكن في دبلن الإبتعاد عن هذي المنطقه ..
أولا : المكان خطر جدا للسكان والمواطنين فما بالك بنحن المسلمين المحجبين ..
من أول أسبوعين لنا في هذي العماره كان تحتنا بار مفتوح وبعد فترة البار تقفل ووطلعت بالجرايد أن فيه جريمة قتل صارت فيه
ثانيا المكان وسخ يعني الشوارع الله يكرم القارئين كأنها زباله روائح وشي موطبيعي
ثالثا : المراهقين المتواجدين فيه ماعندهم أدب أبدا يرمون الناس بالحجارة والزجاج حتى أهلهم أوسخ منهم تلاقيهم طالعين في الشارع في عز النهااااار وهم شاربين ودايخين ..

رابعا : العتب على بعض السعوديين الموجودين في هذا السكن الله يهديهم المكان خطر ومازالوا يعرضون على الناس اللي ماتدري عنه بعض الشقق ..إما شققهم أو شقق غيرهم ,,,

أنا من تجربه شخصيه قبل يومين راكبة الباص في الطابق العلوي ولما وصلت للشارع ولا فيه واااحد شااااارب وسكراان ولما شافني قام يصارخ ويزاعق هذا ومعي زوجي ,, وفي عز النهار الساعة خمس العصر ..
يعني بالمختصر المفيد الناس اللي ساكنة في هذا الحي ناس أستغفر الله حثالة المجتمع ....

نصيحة من كل قلبي عشااان ماتتوهقون مثل ماتوهقنا أبعدوا عن(( السمر هل))....

أختي اقول لك بكل صراحة نحن شعب دائما نذم الشي ولا نعلم او نمدح بإفراط ولا نعلم
انا سافرات دول عديدة واعظم الدول امريكا وبريطانيا وشفت مناظر لم اشاهدها في دبلن يعني الي هنا ارحم
بالنسبة للبار ارجو منك تزودي بنسخة من الخبر للاثبات ذلك او اتركينا ندرس انجليزي احسن بعدين نروح نحلل الجرايد ونقل كلام لا نعلم صحته
انا تكلمة مع راع العمارة وعلمني بالتفصيل عن سبب اغلاق البار للابد والموضوع بعيدا كليا عما تطرقتي له.
بعدين أنا لا اعلم ماذا تقصدي بالزبالة ؟؟؟؟؟

والسعوديين الي تعتبي عليهم في العمارة تراهم ساعدوا ناس كثير وصلوا هنا ولا يعرف يتكلم حرف واحد وهذا ليس منه .
عموما ارجوا عدم أعطى الموضوع فوق ما يحتاج
وكان الاجدر ان لا تعنبي على اخوانك السعوديين

بالتوفيق

توكلوا على الله .. ثم شوفوا فيه غيركم عوايل سعوديين .. ثم شوفوا العمارة لها سكيورتي ( ترقدون مرتاحين ما تخافون غير من الله ) .. ثم وقعوا العقد .. ثم إذا حبيتوا تروحون مكان ثاني ترى الديبوزت ماهو عشرة آلاف !

الله يوفقكم ..

سلام عليكم

أنا عتبت على الإخوان لأنهم يذكرون هذه المنطقه بأنها آمنه ... ولم يذكرون خطورتها ..
المكان فعلا غير آمن ...
ونقول جزاااهم الله كل خير أيضا على مايقدمونه من خدمات لأخوانهم السعوديين ..
وأنا أعرف الأغلبية ومعظمهم تعرض لموقف ليس النساء فقط بل الرجال أيضا ...

أنا وضعت تجربتي في الموضوع ,, وأنت ضع تجربتك إذا أنت من أهل العمارة بدون سب أو تجريح وثانيا أنا ما منعتك من دراسة الإنجليزي أدرس وترجم وتعلم الأدب أيضا ...