استفسار عن جو ايرلندا شهر 9 ميلادي ؟ + الحجاب والعباية ؟

قابت ( وبدون مبالغة ) أكثر من ثلاثين وحدة سعودية متحجبة ومتنقبة ..

مثل المصريات المطوعات في السعودية عندنا .. وكذلك بعض الأردنيات وغيرهن ..


المهم هؤلاء السعوديات في إيرلندا .. حجاب ونقاب ( والله ما أعرف اسمه بالضبط ) بس أبشرحه لك .. لأنه اختصاص البنات :

تكون لابسه عبايه على الكتف طبعاً ( لعدم البروز الملفت ) .. تقارب لبس الرجل السعودي للثوب الواسع الفضفاض .. بس ماهو مرة فضفاف .. أهم شي ما يبيّن تقاسيم الجسم .. تكون ملوّنة بألوان غير ملفته : أخضر فاتح .. رمادي .. بني .. بيج .. والأسود إذا كان النقاب مدري الحجاب بلون آخر حلو وغير ملفت ..
ويكون الغطاء اللي يلف على الرأس بلون آخر أو نفس اللون .. ويكون ما يوضع حول الفم من تحت العينين بلون مغاير عن اللونين السابقين أو بنفس الألوان .. أهم شي تناسق ..

يفضل العباية إلى الأرض .. لو ارتفعت قليلاً لعدم التعثر بها أو تسحيبها في الماء .. (( وأبرأ إلى الله ,, لست مفتيًا )) ولكن لغيرتي على بناتنا ..

هذا ما رأيته .. وهذا ما أؤيده .. وهذا ماتفعله محارمي هنا ..

( بالنسبة لأهلي شخصيًا ) عباية كاملة ملونة .. حجاب ونقاب كامل .. والحمد لله ما شفنا أي مضايقات وما سمعنا عنها .. وإن شاء الله ما نسمع ..

عني شخصيًا .. لا أويد رفع العباية إلى نصف الساق أو أعلى .. مع أنه لا يدل على شيء .. بالعكس ممكن يكون عادي ..

كشف الوجه أو جزء منه أو الأنف .. رأيته .. ولا أؤيده .. ولكن ربما يكون عادي وما فيه شي .. ورأيت بنات محترمات كثيرات كاشفات .. لكن هذه نظرة شخصيّة ..

الله يوفقني ويوفقكم للصواب ..

أنا أصف ما رأيت فقط ..

وكل البنات اللي قابلتهن ( أكثرهن ) محترمات .. سواء الكاشفات وجيههن أو المتحجبات حجاب كامل ..

والله أعلم ..



بالنسبة للطقس :

المتوقع والله أعلم .. جو رائع بعض الأيام ممطرة .. يبدأ الميل للبرودة إلى شهر 12 يجي البرد القارس !

الله يقرقسها على خير ..

دعواتكم وسامحونا .. ترى هذي آراء شخصيّة واجتهادات .. فقط

في شي سمعته ( يقولون في اتجاه لمنع الحجاب في إيرلندا ) وهذا كلام كذب وهراء وادعاءات وتبرير من بعض الذين يستحون من كشف بعض أخواتهم أو زوجاتهم ( بعض الضعفاء ) ..

ياخي محرمك لو كشفت ما خرجت من الملة .. وبالعكس ( يمكن عادي وما فيها شي .. الله أعلم ) كل يجتهد ..

وجيراننا كثير منهن كاشفات .. والله محترمات .. وكذلك في المعهد ..

والله أعلم

شكرا على الافادة والرد

ربي يسهل أمركم ويوفقكم يارب

ارتحت كثير ان فيه محجبات ومتنقبات الله يريحك

واللي تقصده تحت العينين يسمى اللثام او النقاب

الحمدلله اذا الواحد حط فبالة ان لبسه وحجابة عشان يرضي ربه بإذن الله مايضره شي

الله يحفظنا ويحفظ جميع المسلمين يارب

طيب الجو بيكون بارد شهر 9 ميلادي الين نهاية السنة الميلادية ؟؟ بجلس تقريبآ 4 شهور
هل نحتاج الى بلوفرات وجاكيتات والا برودة خفيفة ؟؟

برودة خفيفة لحد شهر 11 .. من إخره يبدآ البرد

أقول ..

يمدحون أبو فروة ( نبات يشبه الجوز ) ..

الله لا يهينك ,, في هالوقت جيبي معك ( خيمتين ) ... وحدة لك ووحدة للمحرم ..

والله ياهو برد في هالشهور الأربعة بالذات .. خصوصاً من شهر 11 إلى 1 وأنتي جالسة فيهم ..

تراك على حافة القطب يابنت الناس !!

ماعندي خبره بموضوع الجو بشهر 9 بس اتوقع بيكون بروده خفيفه عموما انتى خذي احتياطك باللبس خصوصا لمن تكونين متعوده على جو حار

بالنسبه للحجاب نسبه كبيررررره جدا محجبات ... وفيه كثير يلبسون العبايات الملونه والطرح الملونه وفيه عدد يعتبر كبير من المتنقبات حسب ماشفتهم
ومووضوع الحجاب جدا عادي وماهو مستغرب ... بس يفضل تبتعدين عن اللون الاسود عشان لا تكونين ملفته والحجاب مو مقيد بلون سواء كنتي بتتنقبين او بتتحجبين
اذا بتلبسين عبايه لا تخلينها تسحب شبر ونص من تحتك خليها بطولك بالضبط عشان لا ترتشح مويه وقت الامطار وتتعبك

الله يسهل

الله يسهل أمري وامركم جميعآ ويريح بالكم ياااااااارب



شكرآ لكم (f)

أنا جايه بعد أسبوعين ان شاء الله
بس سمعت انه أغلب السعوديات يلبسون حجاب الرأس مع لبس يكون ساتر وجاكيت Overcoat
هل هذا الكلام صحيح وإلا الأغلب عبايات؟؟

أغلبهن يلبسن عبايات ..
بس عبايات ساترة وملونة وغير مميزة بعرض أو طول ..

ستر + نقاب أو برقع , أو لثام محترم .. وبعضهن يكشفن وجوههن ولكن أقل ... وكلهن محترمات جداً