شرح طريقة تسجيل المواليد في إيرلندا

بارك الله فيك وكتب لك الاجر اتمنى مثل هالمواضيع يتم تثبيتها وشاكر لك اخوي

طيب اخوي اولا اشكرك ع الموضوع وثانيا ابيك تحمل اسألتي الكثيره وثالثا ابيك تراعي الفرق الزمني انا الان في 2013 وانت كاتب الموضوع في 2011 هل الانظمه تغيرت او نفسها ؟؟
انا بولد بعد شهرين وابي احجز رحلتي بعد عشر ايام من اليوم المتوقع للولاده باذن الله يمديني اخلص الاوراق قبل موعد رحلتي والا راح تاخذ اكثر من 10 ايام ؟؟ .. يعني شهاده الميلاد تاخذ اسبوع بعد الولاده واذا طلعت اروح بنفس اليوم واختمها من وزاره الخارجيه هل راح يكون في نفس اليوم الختم والا بيقولون لي ارجعي بعد اسبوع ؟؟ وبعد ما اختمها منهم اروح للسفاره السعوديه عشان يطلعون لي كرت عبور هل يطلعونه وانا واقفه عندهم بنفس اللحظه والا بيقولون روحي وتعالي بعد اسبوع ؟؟

وبالنسبه للاعانه اللي تقول تصرف للمواليد في ايرلندا اقدر لو اني مثلا سافرت قبل مايوصلني بريدهم وقبل ما اعبي الابلكيشن هل استطيع اذا رجعت من السعوديه بعد شهرين هل استطيع اني اعبي الابلكيشن وارسله لهم والا لازم انتظر بريدهم واعبيه قبل اسافر للسعوديه؟؟
وبالنسبه للحصول على الجواز الايرلندي هل الطفل اذا حصل على الجواز الايرلندي يقدر يحصل على الجواز السعودي او مايسمح له الا بواحد ؟؟ وماهي الميزه في الحصول على الجواز الايرلندي؟؟ هل استطيع اخراج الجواز الايرلندي من السفاره الايرلنديه للطفل في الرياض لان ودي اخلص بسرعه من هنا وارجع للسعوديه وودي اكمل باقي الاجراءات في السعوديه .؟؟ استطيع ان اكملها هناك والا لازم كل شي انهيه من هنا قبل اسافر؟؟؟

ودي اسافر باسرع وقت للسعوديه عشان كذا ودي اعرف الاجراءات كم تاخذ بالضبط لان ودي احجز الرحله الان ؟؟ انا ودي اخلي طفلي عند امي ماراح اجيبه معي الا بالكرسمس اذا رجعت بالكرسمس وبغيت اجيبه اطلع له فيزا من السفاره الايرلنديه في الرياض ومتعدده اقدر والا ما اقدر ؟؟ لانك تقول لازم ورقه من الجي بي والطفل انا اذا جبته بخليه بالسعوديه يعني ع وقت الكرسمس ماراح يكون عندي ويمكن الجي بي يرفض يطلع لي هالورقه لان الطفل بالسعوديه مو موجود معاي ؟؟ هل ورقه الجي بي مهمه اذا جيت بطلع له من السفاره الايرلنديه بالرياض تاشيره متعدده الدخول لايرلندا والا مو مهمه هالورقه ؟؟

بالنسبه للفقره 8 اللي هي اضافه مرافق عن طريق البوابه اقدر اسوي الخطوه هذي اذا رجعت لسعوديه هناك ؟؟ طبعا لازم اترجم شهاده الميلاد المصدقه من الخارجيه الى العربيه بس من وين راح اختمها اذا كنت في السعوديه ؟؟ وهل لازم النسخه المترجمه يكون عليها ختم السفاره السعوديه ووزاره الخارجيه اللي في ايرلندا ؟؟ والا ختم السفاره السعوديه ع النسخه المترجمه يكفي عشان ارسله للملحقيه ؟؟
والف شكر لك ادري اني طولتها عليك

* الإجراءات هي نفسها لم يتغير فيها شيء إلى الآن .

* أولاً موعد الولادة ممكن يزيد عن الموعد المتوقع بأسبوع أو أسبوعين أو ينقص وأنتم أبخص بهذي الأمور ، ولكن السفر بعد الولادة بعشرة أيام سيكون متعب جداً جداً على الأم والطفل ، من غير الإجراءات التي بعد الولادة يجب أن تتم كاملة ( إجراءات تسجيل المولود وإستخراج شهادة الميلاد وتصديقها وكذلك مراجعات المولود بعد الولادة لدى المستشفى وكذلك إستخراج كرت عبور للسفر للسعودية )

* إذا طلعت شهادة الميلاد فالتختيم من وزارة الخارجية ومن السفارة وأنتم واقفين عندهم في نفس الوقت

* كرت العبور من السفارة سهل بسيط ويعتمد على الموظف اللي هناك ، والعادة تقدرون تستلمونه في اليوم الثاني وأنتم وضحوا لهم أنكم مستعجلين عليه

* بالنسبة للإعانة الخاصة بالمولود هنا :
فسوف يرسلون لكم البريد ويقولن لكم لابد أن تردوا عليه خلال 90 يوم من تاريخ الإرسال فسواء أرسلتوه قبل السفر أو بعد العودة كلها سيان عندهم .. لكن الأمر المهم هل سوف يصرفون لكم الإعانة أو لا ؟؟
في الواقع أن نسبة 90% من الشباب اللي قدموا أوراقهم وأرسلواها لم يتم الموافقة على طلبهم لعدة أسباب منها أن الأب والأم جاؤا لغرض الدراسة هنا وليس الإقامة ، وكذلك أنه لابد أن يكون دخول الوالدين لإيرلندا قبل ولادة المولود بثلاث سنوات وغيرها من الأسباب .. فالذين شملتهم الموافقة نسبة قليلة جداً جداً

* الجواز الإيرلندي : ( آخر ماسألت عنه هذا الأسبوع )
يحق للمولود في أيرلندا الحصول على الجواز الأيرلندي عند بلوغه سن 18 سنة مباشرة .. أما قبل ذلك فما عندي معلومة أكيدة

* إذا قررتوا ترجعوا الطفل معكم في الكرسمس فأرسلوا الطلبات للسفارة الأيرلندية في الرياض لتستخرجوا فيزا دخول لإيرلندا
نفس الفيزا اللي طلعتوها لكم أنتم أول مرة وليست فيزا متعددة لأن الفيزا الكتعددة تستخرج من هنا من دبلن وليست من الرياض .. ومايحتاج ورقة من الجي بي ولاشيء وقب لترسلون الأوراق للسفارة اتصلوا عليهم وتأكدوا أن جميع الأوراق المطلوبة معكم

* ترجمة شهادة الميلادد ضرورية جداً جداً وتختيمها من السفارة من هنا قبل ماتنزلون لأنكم راح تحتاجونها في الأحوال المدنية عشان تضمون المولود لكرت العائلة والأحوال يطلبون ختم السفارة في أيرلندا عشان يضمون المولود ، وبنفس الورقة المترجمة والمختومة من السفارة تقدرون تضيفون المرافق بها

* الإجراءات هي نفسها لم يتغير فيها شيء إلى الآن .

* أولاً موعد الولادة ممكن يزيد عن الموعد المتوقع بأسبوع أو أسبوعين أو ينقص وأنتم أبخص بهذي الأمور ، ولكن السفر بعد الولادة بعشرة أيام سيكون متعب جداً جداً على الأم والطفل ، من غير الإجراءات التي بعد الولادة يجب أن تتم كاملة ( إجراءات تسجيل المولود وإستخراج شهادة الميلاد وتصديقها وكذلك مراجعات المولود بعد الولادة لدى المستشفى وكذلك إستخراج كرت عبور للسفر للسعودية )

* إذا طلعت شهادة الميلاد فالتختيم من وزارة الخارجية ومن السفارة وأنتم واقفين عندهم في نفس الوقت

* كرت العبور من السفارة سهل بسيط ويعتمد على الموظف اللي هناك ، والعادة تقدرون تستلمونه في اليوم الثاني وأنتم وضحوا لهم أنكم مستعجلين عليه

* بالنسبة للإعانة الخاصة بالمولود هنا :
فسوف يرسلون لكم البريد ويقولن لكم لابد أن تردوا عليه خلال 90 يوم من تاريخ الإرسال فسواء أرسلتوه قبل السفر أو بعد العودة كلها سيان عندهم .. لكن الأمر المهم هل سوف يصرفون لكم الإعانة أو لا ؟؟
في الواقع أن نسبة 90% من الشباب اللي قدموا أوراقهم وأرسلواها لم يتم الموافقة على طلبهم لعدة أسباب منها أن الأب والأم جاؤا لغرض الدراسة هنا وليس الإقامة ، وكذلك أنه لابد أن يكون دخول الوالدين لإيرلندا قبل ولادة المولود بثلاث سنوات وغيرها من الأسباب .. فالذين شملتهم الموافقة نسبة قليلة جداً جداً

* الجواز الإيرلندي : ( آخر ماسألت عنه هذا الأسبوع )
يحق للمولود في أيرلندا الحصول على الجواز الأيرلندي عند بلوغه سن 18 سنة مباشرة .. أما قبل ذلك فما عندي معلومة أكيدة

* إذا قررتوا ترجعوا الطفل معكم في الكرسمس فأرسلوا الطلبات للسفارة الأيرلندية في الرياض لتستخرجوا فيزا دخول لإيرلندا
نفس الفيزا اللي طلعتوها لكم أنتم أول مرة وليست فيزا متعددة لأن الفيزا الكتعددة تستخرج من هنا من دبلن وليست من الرياض .. ومايحتاج ورقة من الجي بي ولاشيء وقب لترسلون الأوراق للسفارة اتصلوا عليهم وتأكدوا أن جميع الأوراق المطلوبة معكم

* ترجمة شهادة الميلادد ضرورية جداً جداً وتختيمها من السفارة من هنا قبل ماتنزلون لأنكم راح تحتاجونها في الأحوال المدنية عشان تضمون المولود لكرت العائلة والأحوال يطلبون ختم السفارة في أيرلندا عشان يضمون المولود ، وبنفس الورقة المترجمة والمختومة من السفارة تقدرون تضيفون المرافق بها

الله يجزاك خير اخوي ماقصرت .. يعني الوقت بيروح ع شهاده الميلاد وبعدها الاجراءات تاخذ يومين ع الاكثر
انا رحت للسفاره وسالتهم كانو جدا متعاونين وقالو لي انه في نفس اليوم اذا جينا بدري يطلع الكرت يعني باذن الله ان طلعت الشهاده الباقي سهالات

الاخ سفيرنا .. اتصلت على موظفه تسجيل المواليد في المستشفى واخبرتني انه سوف ترسل الاوراق يوم الخميس القادم لانه هناك زحمه .. وانا رحلتي الى السعوديه يوم الاحد اللي بعده .. تتوقع يمديني اخلص الاوراق كلها يوم الخميس والجمعه والا أجل رحلتي .. يعني متى راح استلم شهاده الميلاد يوم الخميس والا الجمعه لتن حسب كلتمها بترسلهم يوم الخميس يعني بنفس يوم الارسال اقدر استلم الشهاده او اليوم اللي بعده .. وكذلك الخارجيه يطولون والا اخلص من عندهم بسرعه والسفاره برضو لانه بكذا ماراح يكون عندي الا يوم واحد فقط لانجاز الاوراق قبل الويك اند والرحله

وش رايك نكنسل الرحله او يمدي نخلص الاوراق بأذن الله ؟؟

اختي ام امل مبروك ماجاك ان شاء الله مع كل تقديري لك ما ادري ليش هالعجله المبالغ فيها اذا ابنك ماصار له اكثر من عشرايام مولود خليه يرتاح في مسقط رأسه مثل مايقولون اهلنا قبل ( يعني خلي راسه يركد ) ليش ارهاقه بطيارات وترانزيت ومشقه وهو ماكمل اسبوعين ؟؟؟ لا اتدخل بخصوصياتك ولكن المنطق يقول كذا يعني بعد شهر من ولادته توكلوا على الله ونزلوا ....بالنسبة لسؤالك ما اعتقد تقدرين تخلصين بيومين وعندك ممكن يوم ونص فقط لان تقولين بيرسلون لك الشهاده يوم الخميس وبعدها تروحين مكتب التسجيل والتوثيق لاختيار الاسم النهائي ويلزم توقيع احد الابوين او الابوين معا في مكتب استخراج شهادة الميلاد وبعدها بتروحين الخارجيه قريب حديقة الستيفن قرين تصدقينها بعدين تترجمينها باحد المكاتب المعتمده للترجمه بعدها ترجعين تصدقينها قصدي الشهاده المترجمه من الخارجية الايرلنديه بعدها تتوجهين للسفاره السعوديه يعني ما اعتقد يكفيك يومين والله اعلم .

اخوي مدريدي .. جزاك الله كل خير .. لاتلومني الغربه قشراء مع اول مولود بدون الاهل .. الله يعين بس
ممكن سوال .. الحين الشهاده المترجمه لازم اصدقها مره ثانيه من الخارجيه ؟؟
اللي اعرفه ان المترجمه تصدقها السفاره .. زي ماذكر اخوي سفيرنا انه اصلا الاحوال بالسعوديه تطلب ختم السفاره السعوديه عشان تضيف المولود لكرت العائله ..

جزاك الله خير عالتوضيح

السلام عليكم جميعا ومبروك لكل من جاه مولود أو مولوده بإيرلندا ...
ع العموم ... حبيت أشارككم تجربتي اللي عانيت فيها من مكتب تسجيل المواليد اللي للأسف موظفينه يشتغلون بمزاجهم وتعاملهم سيء
بالنسبة لل PPS# طلبوه مني ومن أم طفلتي ورفضوا إنهاء الاجراءات بدونه وبعد مارحت مكتب الخدمات الاجتماعية لاستخراج هالرقم رفضوا هم بعد!!
وعطوني رسالة اني مااحتاج لا انا ولا ام الطفلة اذا كان السبب تسجيل مولوده وبعد مارجعت مكتب تسجيل المواليد بالخطاب مرة ثانيه رفض الموظف نهائيا اكمال الاجراءات بدون هالرقم ورجعت مره ثانيه لمكتب الخدمات الاجتماعية الي يطلع الpps #
وبعد أخذ ورد وبعد ماكلمت المدير وشرحت له وضعي واني مسافر بعد ١٠ ايام تجاوب معي وعبينا الابليكيشن وبانتضار الارقام ان شاء الله

يعني باختصار لازم تطلع ال pps # للأب والأم ولازم تعطيهم سبب مقنع علشان تطلع هالرقم زي بتطلع رخصه او اي شي ...
اذا كان قبل مايجيك مولود وان جاك مولود خذ ورقة من المستشفى تثبت انه انولد بايرلندا...

وفيه شي ثاني انا اخذت ورقة تثبت زواجي من السفاره لان عقد الزواج مو معي علشان تسجيل المولود
(وكان في شخص قبلي كمل اجراءاته بهالورقه ) وانا بغوا يرفضونها وقالوا حنا نتعامل مع كل شخص حسب ظروفه

الي يبي يسافر قريب يطبع حجزه معه علشان يخلصونه ويسهلون اجراءاته

والله يوفق الجميع ...