الأعضاء الإشتراك و التسجيل

الملتقيات
ADs

شقة حلوة ورخيصة ب1000 يورو شهرياً , بنطلع منها بعد أسبوعين .

شقة حلوة ورخيصة ب1000 يورو شهرياً , بنطلع منها بعد أسبوعين .


NOTICE

تنبيه: هذا الموضوع قديم. تم طرحه قبل 4654 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بنت الجزيره
    بنت الجزيره

    مبتعث جديد New Member

    بنت الجزيره أيرلندا

    بنت الجزيره , أنثى. مبتعث جديد New Member. من السعودية , مبتعث فى أيرلندا , تخصصى عربي , بجامعة القصيم
    • القصيم
    • عربي
    • أنثى
    • بريده, دبلن
    • السعودية
    • Jun 2011
    المزيدl

    July 3rd, 2011, 02:19 AM

    السلام عليكم ورحمة الله وبركاته :

    ندخل للموضوع مباشرة ,,

    واعذروني إن كان فيه اطالة ( لأنه وصف مفصل جداً ).

    سؤال بديهي : ليش بتطلعون من الشقة دامها رخيصة وحلوة ؟

    ج / حصلنا سكن قريب جداً من مسجد كلونسكي , وبحكم أني مرافقة مع زوجي وحالياً ماعندي دراسة ,

    قلت نبي قريب من البقالة ومن المسجد ( لو سبحان الله نحتاج شيء وزوجي بالمعهد ) .

    ( والا بصراحة البيت ممتاز , وبمنطقة آمنة ) .

    مواصفات عامة :

    الحي ( FOSTERBROOK ) بالجهة المقابلة لجامعة UCD .

    ولا أدري بالضبط بأي منطقة من دبلن , لكن أظنها دبلن 14 .

    وبحثت باسم الحي ( FOSTERBROOK ) لقيته ب( google earth ) .

    للمعلومية ( ساكنين لنا 3 أسابيع تقريباً , وقبلنا سعوديين لهم 3 أشهر , ماواجهوا أي مشاكل ) .

    آمنة وراقية بنفس الوقت .

    يمر قريب منها باص 46a .

    مشياً إلى المسجد نصف ساعة تقريباً , على السيارة أقل من 10 دقايق .

    مواصفات البيت :

    بالدور الأول , مع وجود درج ومصعد .

    بها نظام حماية ( ليزر ) ما يفتح إلا لأهل الشقق اللي بالعمارة .

    تفاصيل البيت كالتالي :

    1- صالة مع مطبخ صغير ( واسعة وحلوة ) .

    بها طاولة طعام + كنبتين .

    2- غرفة نوم ( متوسطة ) .

    3- غرفة أخرى ( أقل من المتوسط ) .

    ( كل غرفة بها سرير مزدوج ) .

    4- بلكونة مطلة على حديقة + نافورة .

    5- دورتين مياه ( متوسطة وصغيرة ) .

    طبعاً الغرف مفروشة .

    ميزات أخرى :

    المطبخ مكمل ( فرن + ميكروويف + غسالة صحون + غلاية ماء + آلة تحمير توست + طاحونة كوب + ثلاجة وفريزر ) .

    فيه ( صحون , أكواب , ملاعق , سكاكين ) .

    فيه منشر وغسالة وكواية ملابس وطاولة كوي .

    التأمين مدفوع 1000 يورو , ولا نحتاجه ( بحمد الله ) .

    ما فيه ازعاج سيارات ( لأنه داخل الحارة ) .

    عيوب ( حسب نظرتي ) :

    1- ما فيه جيران عرب , لكن بنفس الوقت ( ما عندهم أي مشاكل ) .

    2- كل صاحب شقة له موقف مخصص ( فما أدري لو جاء ضيوف وين يوقفون سيارتهم ) .

    3- مافيه أسواق أو بقالات قريبة تروح على رجليك .

    4- الباب بين البلكونة والبيت يحتاج ستارة .

    وجزاكم الله خير .

    باستطاعتنا نطلع من البيت ولا نخبر أحد ( التأمين رايح رايح ) .

    لكن من باب ( لا يؤمن أحدكم حتى يحب لأخيه ما يحب لنفسه ) .

    ويمكن فيه أحد ما حصل بيت مناسب .

    لذلك ما ودنا نشوف ردود تضيق الصدر .

    اللي ما أعجبه البيت , أو ما أعجبه الحي , أو أي شيء آخر ( يوضح وجهة نظره بدون تجريح ) .

    ولكم منا جزيل الشكر .

    للاستفسار أو إذا أحد بيشوف البيت .

    جوال زوجي

    0873682445

    ابو فارس .

    والسلام عليكم ورحمة الله وبركاته .
  2. حياك الله يا ( رسمه ) ,,
    المسجد القريب منا ( مسجد كلونسكي ) وهو على ما أظن أكبر مسجد في ايرلندا ,,
    مشهور ومعروف بهالاسم ( لو تسألين أي أحد عنه ) .
    للأسف ما أعرف أوصفه بالضبط .

    وبصراحة ما عندي معلومات كافية عن المساجد الأخرى في ايرلندا .
    وجزاك الله خير .
    7 "
  3. المشاركة الأصلية كتبت بواسطة بنت الجزيره
    [SIZE=3][FONT=Times New Roman]االتأمين مدفوع 1000 يورو , ولا نحتاجه ( بحمد الله ) .
    والسلام عليكم ورحمة الله وبركاته .


    الله يجزاك خير ..

    هذا الكلام اللي نبي نسمعه من الإخوان والأخوات ..

    ما هو شغالين استغلال في بعض ..

    قبل كم يوم أبلشني واحد يبيني أسكن مكانه .. ويمدح في الشقة مدح ..

    اكتشفت انها خااااااااااااايسة .. بس الدبوزيت مربط الفرس !!

    الله يسهل أموركم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.