مع قرب حلول شهر رمضان الكريم ( المطاعم الحلال ) .. والمطاعم ( التي تدّي إنها حلال ) !

July 7th, 2011, 12:14 AM

السلام عليكم ..


قبل شوي اشتريت من مطعم ( زيتون ) المشهور باسم زيتونة .. والذي يقع في أعلى التنبل بار من جهة الوسط ..

المهم سولفت مع أحدهم وتجمعوا عليّ ..

قال: وير ار يو فروم ؟

فأجبت : وت دو يو ثنك ؟ ( وش تتوقّع ) ؟؟

فقال فوراً: سعودي اريبيا ؟؟!!

طبعاً مع أهلي .. وهو عارف كل شي ..

وقبل ما أجي انشغلت مع واحد وسبقوني أهلي للمطعم ( فيقولون تعاملهم زفت , لأن مظهر أهلي سعودي , حجاب سعودي ) ..

المهم .. بعد ما قال سعودي .. قلت صحيح ..

قال ( فوووووراً ) : أوووه ريتش .. ريتش .. ريتش ..

قلت : يور فنقرز نوت سيم ..

لكن أنا الحمد لله حالي متوسط ( نورمال ) ..

المهم سولفنا شوي ..

وقال لنا فرع ثاني في شارع نسيته ( يوصل دلفري ) ..

ومع الحديث .. قال: سم بدي جيلس ساي ذس رستورانت نوت حلال !! ( بعض الناس الحساد يقولون من الحسد مطعم زيتونه ليس حلال ) !!

سبحان الله !!

الحين ما مرّ على الموقف يمكن إلا ساعة تقريباً .. جيت وفتحت النت ولقيت موضوع يتكلم عن المطاعم الحلال ..

لقيت مطاعم كثير ( هنا في المنتدى ) ..

والأغرب إني لقيت رد في الموضوع عن أن صاحب المطعم إيراني وأن المطعم ليس حلال , وأنهم يستترون بالحلال فقط للكسب ..

http://www.mbt3th.us/vb/forum124/thread161096.html

هذا الموضوع ..

قبل لا تدخلون في الموضوع ..

أنا ما أحط في ذمتي شي .. والمطعم ماعندي أي خلفيّة عنه ..

أنا أبي من اللي عندهم معلومات مؤكدة عن مطعم زيتونة , وكذلك ( المطعم اللبناني اللي خلفه مباشرة ) .. وغيرها من المطاعم يعطينا خبر ويؤكده لنا بالدليل ..


الغريب إن شخص من جيراني جاني قبل كم يوم وقال : وش رايك نرفع دعوى على بعض المحلات اللي في الستي سنتر ؟

قلت ليه ؟

قال يدعون أنهم حلال , وهم هندوس كذابين !!



طبعاً أنا لست متأكد .. لامن هذه ولا من تلك .. ولا أحط في ذمتي شي ..

أترك الموضوع لأهل الخبرة ..

وأهل الدراية ..



أنا يقهرني يوم يستهينون فينا ويدعون أنهم حلال علشان ياخذون ما في أيدينا من مال !!

بعد الجمعة اللي راحت عند الكلونسكي .. يوم شفت اللي رافعة لوحة ( شاذّة وأفتخر ) أمام بوابة المسجد .. عرفت إن ما لنا إلا الرجوع إلى الله وبقوّة ..

وأن لا نبتغي العزة إلا بالإسلام والغيرة عليه ومحاولة شدّ بعضنا البعض ..

نرحب بالنقاش ..

• نشر عبر تويتر
• نشر عبر فيسبوك
• نشر عبر جوجل