مساعدة ايش طلبات الفيزا الايرلندية ؟

ياليت كل السفارات مثل السفاره الايرلندية و الله لك الحمد يارب

شف يالغالي الطلبات باختصار كالتالي/

صورة موقعه من طلب الفيزا و اللي انت راح تعبيه من هالموقع /
https://www.visas.inis.gov.ie/AVATS/OnlineHome2.aspx
و هو سهل للغاية

صورة شخصية واحدة لك
جواز سفرك الاصلي
خطاب قبول من المعهد
خطاب ضمان مالي من الوزارة او جهة عملك ان كنت موظف او مبتعث
اما في حالة انك دارس على حسابك الخاص فما ادري و الله وش طريقة الضمان
ياليت احد يجاوبك على هالاستفسار بالذات

وقت التقديم من الساعه 8 ونص الين 10 ونص فقط من كل يوم ما عدا الخمس والجمعه
وبنفس اليوم تستلم الفيزا و انت معزز و مكرم

لا مقابلة شخصية و لا خرابيط مثل بعض السفارات

و عسى الله يوفقك و يسهل امرك

باقي سالفة الضمان المالي فياليت احد يجاوبك عليه

يعطيك العافية ..

طيب لآزم أقدم أونلاين أول شي ؟

لازم
لأنك لازم تطبع الورق بعد ماتقدم وتوقع عليه وتسلمه للسفاره مع باقي الطلبات

يعطيكم العافية ..

طيب بالنسبة للضمان المالي ؟ انا دارس على حسابي الخاص .. كيف اتصرف مع هذي النقطة ؟
اكيد يطلبو كشف حساب .. ولكن هل لمدة معينة او مبلغ معين ؟

شف ياخوي

الطلبات كالاتي :

1- صوره بدون شماغ
2- كشف حساب للمده اللي بتقعد هناك
3- خطاب من ولي الامر يسمح بانك تذهب لايرلندا ويتحمل جميع مصروفاتك هناك
4- يبون صوره من التذكره
5- قبول من المعهد
6- تعبي الابليكيشن من الانترنت وتطبعه

ان شاء الله اني مانسيت شي

الله يعطيك العافيه نورتنا بس في ملاحظة بعض الاخوان يقول فيه كشف طبي تسويه وتسلمه مع الاوراق هل هذا صحيح ام غلط ..برغم اني قرات انو اغلب اللي طلعوا فيزا لايرلندا قالوا مافي اجراء طبي بس في اخ في منتدى المسافرون العرب قال فيه كشف طبي اعتقد انه غلطان والا لا ...ثانيا وهو الاهم انا ان شاء الله ناوية ابتعث ايرلندا بالمرحلة السابعه وبيكون مرافقي زوجي هل هناك اوراق ثانية غيراللي ذكرتها بمشاركتك ..وربي يسعدك

ليس هناك كشف طبي وحصلت عليها خلال ثلاث ساعات بعد تعبيئة الطلب أون لاين وتوقيعه بعد طباعته وضمان مالي + القبول وصورة لك وللمرافقين. ملاحظة عند تعبيئة الطلب للطالب الأساسي يكتب في الغرض من الزيارة دراسة وباقي العائلة يتم تعبيئة نموذج لكل واحد ويكتب مكان غرض الزيارة other (اخرى) ويكتب انهم مرافقين له خلال مدة دراسة في خانة التوضيح. ويطبع لك مرافق طلب ويتم التوقيع عليه

الكشف الطبي لتأشيرة بريطانيا .

طيب بالنسبة للنساء
ايش المتطلبات بالنسبة للصورة , يعني يطلع شوي من الشعر والاذن مثل الدول الاوروبيه
والا صورة مثل الجواز ؟؟
وتكفي صورة وحدة ؟؟