دبلن - استفسار عن البرامج في اللاب , تاريخ صلاحية الاكل , التفتيش فالمطار

وين الردود !!!!!!!!!!!!

وعليكم السسلام ..

حياك الله ..

المحمول آحسن وآضمن انك تحطينه في الشنطة الكبيرة .. وماراح يفتشونه .. وفيه بعض الشباب محموله بيده ولا فتشوه .. لكن للإحاطة

القهوة والشاي وكيذا .. ما اضن تلاقينها .. يعني جيبيها معك احسن

واعرف واحد من الشباب جايب معه من السعودية فصفص باجة وبساكيت وكيذا .. في الشنطة ولا فتشوها

والباقي يفيدونك اهل الخبرة
.

هلا اختي ///
تطمني وريحي بالك والله مافي تفتيش لذيك الدرجه انا كان معي الللاب والله ولا افتكروا فيه ابد اصلا اذا جاو يفتشون يقوولون لك شيل الللاب من الشنطه يعني مراح يسالونك اي شيء ولا حتى الاكل ماسألونا عن شيء كل شيء سهاله والله /// بس انتي للأحتياط حطيهم بنفس حطي ورقه باسم المنتج والتاريخ ///

اما من ناحية القهوة ما اظن تحصلينها هنا بس البهارات والهيل موجوده في بقالات الحلال ان شاء الله تحصلينها بس جيبي معك قليل احتياط بس القهوه لا جيبي معك كثير
ومن ناحية النقاب بيطلبونك تشيلينه عند التصوير والتطبيق لان لما توصلين ايرلندا بالمطار لازم يصورونك فلازم تشيلين النقاب ///

والله يوصلكم سالمين يارب

أقووووول جيبي اللي تبيه والله لو تحملي كل السعودية بشناطكـ ما أحد دري ولا يدروون وش السالفة والله ..

جيي قهوة هيل وشاهي و 10 لاب توبات وكلها برامجها مسروقة .. وإذا جاكم شي راجعيني .. أنا المسؤول ..

ولا يهمكم كلام الناس أنا أتحدى إذا فيه أحد في المنتدى يقول انهم فتحوا شنطته !! .. ,,

وتاصلون بالسلامة (الله الله بالبهارات حقات الكبسة ترا ما فيه)

وأي استفسار انا حاضر

الله يجزاكم خير , ويسعدكم وييسر اموركم يارب

والله ريحتوني بردودكم الله يريح قلوبكم ..

توصلين بالسلامه الاستقبال طيب في المطار وناس حبايب ماعندهم التعقيدات الي موجوده في المطارات الاوربيه الاخري

وتوصلي بالسلامه

للمعلوميّة ..

أتوقع يركزون على الأجبان كما سمعت ..

كذلك لو كثرت المواد الغذائية ..

أنا ( محاكيك ) ضيعوا شنطتي فيها لاب توب وبعض المواد الغذائية والأغراض المهمة = قيمة 10,000 تقريباً ..

ولا أخذت منهم لا حق ولا باطل ..

الشي المهم اللي تخافين عليه حطيه في يدك .. انتي مانتي واقفة به في الطيارة !!

على العموم حتى لو ضيعوا شنطتي .. يمكن أنا أتحمل جزء من المسؤولية لأني ماأعرف اتكلم انجليزي ..

ابنتظر ليييين أتعلم وابلعن والديهم بالانجليزي .. وشنطتي والله ثم والله ما أنساها لو بالمحاكم !

يكفي إن فيها ( فنجال ) كوب له ذكريات عزيزة عليّ , شريته من ( مركز هيف ) قبل ما يخسر ويقفل ذيك الايام يوم حاول يسوي زي بندة

المهم ..

المواضيع هذي اللي تذكرني بالأحزان رجاءاً لا عاد تعودينها ..

وعليكم السلام والرحمه ,,

نصيحه لا تحطي اللاب توب والشهادات في الشنطه الكبيره ,,
خليهم عندك على طول

وتوصلين بالسلامه ..~

هههههه فنجال من مركز هيف،
ويحاول يقلد بنده هههههههه

ياعيني على رواق اهالي ايرلندا، جايكم ان شاء الله