المدارس الإيرلندية

اعتقد ان اللذين لديهم أطفال قليل في هذا المنتدى وانا واجهت نفس المشكلة ولكن في مدينة ليمريك وتغلبت عليها بالعم قوقل الله يخليه والطلبات غالبا يجب مراسلة المدرسة القريبه من مقر سكنك واذا فرضنا انك سوف تسكن في الستي سنتر فعليك الاتصال هاتفيا او إرسال إيميل للمدرسة لمعرفة اذا كان لديهم امكانية واغلب المدارس الجيده لديها قوائم انتظار وقد تجد امكانية في المدارس الدينية مثل الكاثوليك والتي يكون فيها فصل بين الأولاد والبنات.
هذا رابط بمدارس قالوي الابتدائية وأرقام الاتصال

Listing of Education :: Primary School
اذا لم يتم تحديد مكان سكنك فمن الافضل تعبئة اكثر من ابليكشن وإرسالها للمدارس من الان حتى تضمن مكان لهم.
والجميع متعاون ويتم إرسال الانرولمنت فورم بالايميل مع العلم بان المدارس في اجازة حتى نهاية اغسطس
وبالتوفيق

ان شاء الله راح تلاقي مدارس للابناء ولا تحاتو من هالناحيه.
طبعا فيه مدارس اللغه فيها ايرش ولازم انتو تنتبهو من هالناحيه لانها صارت لناس سجلو ولدهم ومايدرون انها تدرس لغه ايرشيه !
وفيه مدارس انجلش بالنسبه للي اعمارهم في الابتدائي بسهوله ان شاء الله تلاقي لهم اماكن حتى وقت ماالدراسه بدئت ممكن يدخلوهم مافيه مشكله .لو عندك اكبر من هالمرحله شويه يمكن تلاقي صعوبه لان المدارس شويه ويكون عليها زحمه ويكون عندهم العدد محدود وقوائم انتظار مثل ماقال الاخ الكريم وفيه مدارس بنات ومدارس اولاد منفصله وفيه كمان مختلطه . اذا بتجي قريب يمكن تلاقي فرصه اكبر انك تلقى مكان لوكان عندك ابن في هالمرحله .
تحتاج للتسجيل في المدارس الجوازت وتعبي الابلكيشن عندهم وخلاص .
اذا كنت بتسكن في الامكان القريبه من gmit عندك مدرسة كاترينا كويسه وحبوبين .

بالتوفيق ان شاء الله