هيا ( نتناقش ) حول اقتناء ( السيارات ) وقيادتها في إيرلندا .. أريد شراء سيارة الحييين

وعليكم السلآم ورحمة الله وبركآته ..


يآ مرحبآ بأخوي عبـآد ..

آلسيآرة مفيدة جدآ خآصة للنـآس آللي مطولة في إيرلندآ
وآلنآس اللي تحب التنزه والأستكشآف ,

يعني عندك ايام الأجآزة السبت والأحد مستحيل تجلس كل مرة بالبيت لآزم تظهر تتمشى
فـ آلبآص مستحيل ينزلك عن الحديقة أو عند الأريآف ولآ حتى الترآم

ومن نآحية الورش .. يمكن فيه بس بعيد أو ورش الوكآلة ..

بعدين ترى سيآرآتهم مآتخرب .. هههههههههههههه
مكيف مآيحتآج .. آلجو مآشآء الله
آلشوآرع مآشآء الله مستحيل تكسر سيآرتك ..

غير عندك الكفر والزيت والبزين فقط ..


وعلى فكرة ترى اموري تمام التمام .. وبأحسن حآل وجزآك الله خير .

وآلله الموفق .

الله يسعدك ويوفقك ..

تشرفت بمرورك الكريم ..

كلام سليم ياخوي الملازم ..

كيفك مع العايلة .. ؟ بديت تطقطق

والله اذكر وحده من جماعتنا يوم كنت عند العايلة عندها سيارة شاحنتها من امريكا وطارتها عاليسار ، لو دريت انك بتحط الموضوع ذا كان استلمتها اسئلة ،،، <<<< من جماعتنا يعني بنت العجوز اللي كنت ساكن معها ( لحد يجي مطفي النور ) .

انا ماراح اجاوبك على اللي تحوم حوله من ضرايب وورش ومدري وش ،، انا بتكلم عن اقتناء السيارات بالنسبة لنا كمبتعثين .

طبعا اذا << اقول اذا فيه عزوبي ومنتف ( مثلي ) هذا يوسع صدره مع الباصات وشركات السياحه والهجوله <<< هو مهجول خلقه ،،، والراي انه يبلع العافيه ولا يفكر بسيارة ابدا .

لكن المتزوجين غالبا يفكرون بسياراات واكثرهم لم يفكر بعواقب ربما اثرت عليه من جوانب عدة ،، خلونا نحسبها بثلاثه وقائع :

من واقع اقتصادي :
مثل ماقلنا ماياخذ السيارات الا المتزوجين ، صح هم شارين راحتهم نوعا ما ، لكن يبقى هم البنزين والزيت واسعار المواقف في كل مكان والخوف من الوقوع في مخالفات يشكل هاجس كبير <<< قد يتم السيطرة على كل هذه الامور بأي شكل من الاشكال لكن انظر للواقع الاخر ،،،،،:

بواقع تعليمي :
هدفنا مثل ماتعرفون نتعلم انقليزي وهذا مايجي الا بكثرة الاحتكاك مع الانجليزيين ، فاقتناؤك للسيارة قد يعيق ذلك الهدف بشكل كبير ، يعني مو مثل لما تكون بباص ويجي اجنبي يتكلم معك وتاخذ وتعطي ،مو مثل لما تكون ماشي بالسيتي وتسمع اللي حولك وتكلم هذا وتعطي مع ذاك .... فانت اخذت السيارة ، ماتركبها الا لهدف معين تروح له وتجي للبيت ، وما معك احد يمكن الا خوياك السعوديين او زوجتك او اهلك
، ماراح يكون فيه ممارسة ماكفاك تجلس مع اهلك وكلامكم كله عربي تجي تخربها في حياتك برا ! ربما اتضح شيئا مما اقصده ولعل البعض يستطيع ( ايضا ) التغلب على المشكله ذي ،، لكن تعال للواقع الاخير :

بواقع صحي :
طبعا حنا مو بالرياض ولا بالمدينة ولا غيرها من المدن الكبيره عشان نضطر ناخذ سيارة ، ليه مانستغني ونخلي الوضع اكسرسايس << اعمال رياضية ،،، وش اللي يمنع ماتتمشى وتستانس وينعكس هالشيء عليك نفسيا وجسديا ،، طالما ان المدن هنا تقدر تصل لاي مكان مشي على رجولك ليه ماتستغلها فرصه وتخلي المشي عالاقل كجزء من برنامجك اليومي ، حنا ماتعودنا ناخذ تمارين رياضيه منتظمه لما كنا عند اهلنا، ليه ماتخليها فرصه الان دام الاجواء تساعد والمنطقه حلوة وصغيرة يمكن تبي مكان يشق عليك نوعا ما خذ باص وتوكل على الله وانت تبي تمشي فماراح تحتاجه كثير .

خلاصة الكلام قبل لاتفكر بسيارة فكر ( بتمعن ) في العواقب ،، ولعلي ابرز عنوانا لردي هذا مثل ماقاله الله عز وجل في الخمر والميسر ،،،،

( واثمهما اكبر من نفعهما )


وعلى الخير نلتقي ،،،