حوار تبعات مشاركة اخونا مبتعث 211 هل سبق لك ان تعرضت لموقف تمنيت انك لم تختار ايرلندا

اسمع وانا اخووك .. خلك من اللي يتكلم بأمور شخصية حصلت له ...
ان كان من مشكله في ايرلندا فهو قله الترفيه فقط .. اما الباقي زي العسسسل .. حنا عشنا احلى حياه هنا .. شعب محترم .. معاهد روعه .. جامعات تجد منها اربعه او خمسه من احلى مايكون

ابن ِ قرارك أولا على تخصصك فان وجد في جامعات ايرلندا .. حلو .. وان لم يوجد فتوكل على الله ودور لك دوله ثانيه ...

ونصيحه من اخ صادق يريد لك الخير ... لا تبني قراراتك لجل فلان قال كذا وعلان قال كذا .... ياخي اعتمد على نفسك وشوف الانسب لك .. انظر للدوله من كل النواحي وابدأ اولا بامورك الدراسيه .. وانظر في رغباتك واللي تحس انه راح يريحك لو جيت هنا .. والله مافيه احسن من ان تتخذ قرارك بنفسك في الامور هذي ... المواضيع اللي تتكلم عن المعيشة في ايرلندا تلقاها بأي مكان ..

تمنياتي لك بالاختيار السليم

خذها مني واشهد الله على مااقول

لم اواجه اي شي سلبي يجعلك تكره هالدوله..

ولايهمك بعض الصغار !!

اشكككككككككككككككككككككككككككككرك بعمق
والله وانا اخوك
الحمدلله انا ما اخترت ايرلندا الا وانا مقتنع 10000000%
الحمدلله عندي قبول في المعهد
ولله الحمد عندي قبول ماستر من DCU
اشكرك مره اخرى
على صراحة رأيك

اشكرك على ردك



وانا اخوك يكفي كلمة - اشهد الله على ما اقول-
تغني عن كل كلمة

شوف يالغالي انا بمدينة اسمها Galway بصراحة مرتاح نفسيا و لله الحمد و المنه
لي فيها الان حوالي ثلاث اسابيع ،، الامور طيبة و الحمد لله
و الشعب طيب و الامان و لله الحمد و المنه متوفر

مدينة حلوه و صغيره نوعا ما و متكاملة الخدمات

و هنا عندنا جامعتين او بالاحرى جامعة و كلية

وعندنا معهد مميز اسمه اتلانتك

و بصراحة انا مرتاح نفسيا و لله الحمد يارب

الجو روعه و الناس طيبة و يحبون يساعدون و الله بشكل ما كنت انا متوقعه

و بكل يوم تزيد معرفتي و حبي بهالمكان

اللهم لك الحمد و الشكر يارب

فمثل ما قالوا الاخوان لا تبني على قرارك من فلان او علان

استخير و استشير و توكل على الحي القيوم

و عسى الله يكتب لك و لنا و لكل مسلم كل خير

و اي استفسار بالخدمة بمدينة Galway

الناس يختلفون ..

منهم الصبور

ومنهم الجزوع

ومنهم الشكور

ومنهم الفزوع

ومنهم الثقيل

ومنهم الخفيف

... الخ

وكل يرى العالم من داخله وبحسب شخصيته ..

كما أن عامل الوقت مهم جداً ..

أنا أول ما جيت ( بدون مبالغة ) لو أطلقت العنان لنفسي لألفت ( ديوان المآسي للشاعر الحماسي ) ..

الآن أعيش ريلاكسينق وأحس إني صرت حكيم من حكماء إيرلندا .. عساهم مايسوون لي ( ميموريال تذكاري ) .. في أوكانل ولا هنري شارع الغاوين ..

البلد حليو .. وما عليه ..

بس قهرني بعض البزارين اللي أبوانهم مفلتينهم ( كدشات وسلاسل وغيرها ) .. الله يهديهم ولا يبتلينا

طيب ياباشا كيف الأسعرا انا بطلع وزوجتي بتكون طالبة ماستر وبكون انا مرافق ومعانا مولود ها فلوس البعثة تكفينا من الى ولا غالية ياليت تفيدني الله يرحم والدينك

المشكله ان اكثر الشباب يحسب ان الابتعاث فله ووناسه و سعة صدر من اول ما يحط رجله في بلد الغربه ..

قد يحدث لك موقف معين أو ترى مالا يحمد عقباه من سلوك أو مضايقات و غيره ..
و هذا شي طبيعي لا سيما انك خلال بضع ساعات بالطائره تحولت ١٨٠ درجه الى بلد يختلف عن بلدك في الدين و العادات و التقاليد و الثقافه و اللغه و المعيشه ...
يعني تبي تتأقلم بيومين أو اسبوع ؟؟ لابد من الصبر و سعة البال و أخذ الامور سهاله لين ما تتعود تدريجيا صدقني شوي الا و انت صاير من اهل البلد محافظ على هويتك الاسلاميه ..

زملائي في العمل تواجدو في ووترفورد و اثلون وقالوي وكورك ، كنت اسألهم عن ايرلندا ويمدحون كثير و يقولون طبيعه وخضره و أمطار وشعب طيب و الدراسه سهاله ووو حتى اقاطعهم عارفين انها طبيعه يعني دوله في اوروبا بتكون صحراء مثلا !! اعطوني المواقف السلبيه اللي حصلت لكم وسبحان الله كل واحد صار يقولي شي لين ما كرهت ايرلندا !! لكن ما تحسفت و قلت ابغير لا والله بل اخذت في بالي الاشياء السلبيه حتى احتاط من الصدمه النفسيه و أنا متأكد بإذن الله بأنها ما راح تحصل و ان حصلت حياها الله فكما ذكر الاخوه ليس هناك ورد بلا شوك << جعلنا الله و اياكم ممن يقطف الورود و يعود سالما الى أهله >>

ان شاء الله تعالى في الاول من سبتمبر القادم أكون معكم في قالوي (الله يصبرنا نترك عيالنا ثاني العيد) و نلقاكم على خير بإذن الله . مع الشكر الجزيل لكاتب الموضوع ولكم أحبتي .

الله يوفقك ويختار لك الخير أولا
ثانيا انا لي بس شهر ونص في دبلن
النقطة الوحيدة اللي ماحبيتها
الجوووو
اكره جوهم مررررررة

واي شي اخر عال العال