وش رايكم في الخطوط التركية .. ماهي الإيجابيات والسلبيات .. وكيف التغيير بين الطيارتين

السلام عليكم,
الله يسهل أمورك, بس أنتبه لشنط في الشحن انا مرتين يضيعون لي شنط بسبب الترانزيت علماً إني ااكد عليهم يكون استلام الشنط في أخر مطار. وفيه أكثر من شخص أشتكوى من مماطلاتهم.

إن شاء الله الأعضاء يجاوبونك على اسئلتك.

الخطوط التركية ليست فخمة وحتى اكثر الطائرات لايوجد بها شاشات الا شاشة واحدة لكل 9 ركاب في السقف

ولكن لو قالوا لي الاتحاد او التركية
راح اقول التركية

او التركية خطها جدا رائع 3 ساعات الى اسطنبول ثم وقفة ثم 4 ساعات الى جدة او الرياض (وكلها على مسار واحد)
الاتحاد 8 ساعات الى ابوظبي وتطير كمان من من فوق الرياض وترجع ساعتين او ساعة

التركية 30 كيلو بينما الاتحاد بالقانون الجديد 23 كيلو مع انها كانت 30

الاتحاد فخمة
التركية كما يسميها بعض اصحابي الباص

بالنسبة لي اهم شيء موضوع الكيلو و الوصول المبكر لاني مليت كثير من طول الرحلات
خصوصا الاتحاد وقفتها 6 ساعات في ابوظبي

بينما التركية غالبا ساعة حسب علمي لجدة وهي كافية بس اهم شيء تحرك نفس شوي سريع
و3 ساعات و 4 ساعات اقضي خلالها الثعبان في جوالي او اتكلم مع الي جنبي و3 ساعات تمر زي العسل وكذلك 4 ساعات الاخرى تمر سريعة

فاذا تبي فخامة الاتحاد
واذا تبي ترتاح في الخط وكيلوات اكثر التركية

والله يوفقك

أشكر مرورك الكريم ومداخلتك ..

أنا الاتحاد ضيعوا لي شنطة تساوي ( مادّيّاً = 8000 ريال .. ومعنوياً = 80000 ريال ) !!

الله يعين .. ماطلوني ثلاثة شهور وللآن ما أخذت لا حقّ ولا باطل !! ( لا بتوب وأجهزة وأوراق ... ) ..

الله يسعدك .. وشرفني مرورك ..

شرح واااااافي .. وكلام سليم ( مثل ماكنت أتوقع وأسمع ) بس شرح منظم ومعلومات قيمة ..



لكن ..

ماذا عن النزول من الطائرة والركوب في الأخرى ؟

سمعت إنهم يتوهونك ويتعبونك ويمكن تفوت الرحلة !!

المشكلة انهم مايحددون البوابة غالبا اويغيرونها احيانا حتى لو كانت مسجلة عندك

يعني اول ماتوصل على طول انزل من الطائرة وامشي واسئل الموظفين عن جدة وراح يخبرونك عن البوابة
وهي سهلة جدا ساعة تكفي ان شاء الله انك تسأل وتوصل البوابة

واذا تأخرت الطيارة الاولى وراح الثانية

يصير عندك خيارين
الاول انهم يطلعونك على اقرب طيارة خلال ساعة او ساعتين(اذا غير متوفر)
راح يسكنونكم في فندق ويمشونكم في اسطنبول وتكون طيارتكم في اليوم الثاني غالبا

وطبعا هذا كلة مجانا لانة موب غلطك هذا غلطهم

اذا حصل ان فاتتك الطيارة على طول تروح مكتب الترانفير وهم يسون لك كل شيء

والله يوفقك

مشكورين ما قصرتوا والله

اتوكل على الله ...
بصراحه مرا مريحه رحلاتها...
( مايحتاج ارد بعد القيصر ماشاء الله كفى ووفى)
وان شاء الله سهاله ترا التغير بين الطيارات
اهم شي ... وقت ماتوزن الشنط قول للموظف انها مباشره تروح لجده ولا الرياض يعني تستلمها بالسعوديه
قل لهم ( through)
وبس
ربي يسهل لكم طريقكم

قصدك في مطار دبلن أقول لموظف الشحن ( ثرو تو رياض ) صح ؟

الله يسعدك ويوفقك ..

معلومة قيمة وإرشاد مهم جداً ..

عساني ما أنسى بس

بالضبط زي ماقلت

توصلوا بالسلامه