يا جماعة الخير,, الوقت صار عدوي ((فزعتكم يالاجاويد ))

اسمع تقصد البعثة اللمك ولا شلون بعثة اللمك قفلت الامس وشكر اخوي واكيد رحو يقلبلونه معدله ممتاز

وعليكم السلام والرحمه
وانت بخير وصحه وعافيه
اذا قدمت وكانت الشروط متوفره ان شاء الله مقبوله , ولا تخاف للحين مافات شي اهم شي ترجم اوراقها من شهاده وجواز ,عشان يوم التدقيق تجيبها معك ,
اما الفيزه والقبول الجامعي انتظر لين يتم القبول النهائي وعقب طلعها
هذا اللي اعرفه والله اعلم
وبالتوفيق يااااارب

ايه قدمتها على المرحلة السابعة للبعثة خادم الحرمين الشريفين

ما قصرت الله يرزقك الجنه .. الشروط بإذن الله متوفره ..لاكن وش الشهادات المطلوبه و ترجمتها من وين .. وبالنسبه للقدرات والتحصيلي من وين اجيب الشهادات مع العلم ان الدرجة تؤخذ من الموقع حق القياس
ويوم التدقيق هل اللي بيدققون اجانب عشان نترجمها ولا كيف يعني .. وش الهدف منها .. وش الخطوات القادمة بعد التسجيل بالموقع .. وبالنسبه للتقديم على الجامعات ,,, انا يوم دخلت على صفحة الطلب لقيت استمارة التقديم للجامعات الأجنبية
هذي وش الهدف منها وكيف استفيد منها ... والله يعطيكم العافية ,,, يا جماعة اعذروني على اللخبطة اللي انا فيها لاكن الموضوع جاني فجأة ولا اعرف ادبر الامور زين لذلك تحملوني الله يخليكم ,.

والله ياخوي انا حالي حال اختك توني مقدمه وماعندي خبره ,, بس بقولك لاتخاف عندك وقت كافي تخلص فيها امور اختك , لا تتلخبط وانا اختك ان شاء الله بتلاقي كل شيء من الالف الى الياء
والاعضاء هنا مايقصرون فيهم الخير ,وراح يجاوبو على كل اسئلتك
وبالتوفيق

اخوي حط رجل على رجل

واذا جاء القبول راح يعلمونكم كل شيء

سواء بالجوال او الايميل

اخي الكريم اسأل الله لك ولأختك التوفيق والسداد
مبدئيا ترجمة الشهاده والأوراق الاخرى ضروريه ليس من اجل التدقيق فالمدققين هنا سعوديين ولكن من اجل مراسلة الجامعات هناك
ثانيا الاوراق المطلوبه منك ستجدها مرفقه بحالة الطلب عند قبولك فأحرص ان تكون كاملة
عموما كل خطوه بعد اتمامك الاوراق سيتم إبلاغكم بها اول باول لاتشيل هم
اما الفيزا والتاشيره وخلافه فهي من اسهل الأشياء ماتاخذ وقت بالكثير يومين وهي جاهزه
أنا اللي أشوف انك تسأل عنه وهو الأهم قبول الجامعه ياليت اذا تقدر تلقى قبول وانت هنا قبل لا تسافر احسن لان هذي كانت مشكلتنا خلال السنه الي فاتت ماكنا ندري ننتبه لدراستنا والا ندورلنا قبول
وفقكم الله لما فيه خير وأي سؤال إحنا حاضرين
دمت بخير

السلام عليكم
اخوي شاكرلك اهتمامك وردك الله يعطيك العافية ,,
لاكن التخصص طب بإذن الله .. وانا على ما قريت وسمعت ان الحصول على القبول صعب تقريبا ً ,,,
الآن قصدك اخوي اني اراسل الجامعات اللي بإيرلندا وارسل لهم الشهادات المترجمة الى ان احصل قبول من جامعة معينة ,,
اليست هذي وضيفة مكتب التجسير (على ما سمعت ) ,, يتصلون عليك بعد التدقيق بفترة (اذا انقبلت) ويقولونلك تم قبولك وراح تدخل جامعة كذا وكذا وتبدأ بتاريخ كذا وكذا ,, واذا ما اعجبتك الجامعة اللي هم اختاروها لك ,, تروح تراجع معهم حتى يغيرون لك الجامعة ..ام قصدك اني اقدم مبدئياً على الجامعات الايرلندية وان حصلته اتواصل مع مكتب التجسير واعطيهم قبولي في الجامعة ,, وهم يزبطون وضعك !!
لاني صراحة ما فهمت عليك (قبل ما تسافر) **كيف ..!؟ يعني انت سافرت على اساس معهد انجليزي وتحدد بعدها التخصص اللي تبيه ,,؟
وشاكر لك تعاونك والله يجعله في موازين حسناتك ..

والله اخوي أنا مبتعثة ونعم كما تفضلت هذي وصيفة مكتب تجسير ومكتب نهج لكم المشكلة انهم فقط جابولنا قبولها معاهد اللغة وعشمونا بالجامعة لكن لم نرى شي حتى هذه اللحظه قبولي اللي معاي أنا اللي جايبته بنفسي من خلال تقديمي عالجامعات وحوستي بالمواقع طبعا و لو كنت ادري بهذا الشي انه متعب نفسيا وخاصة انه بياخذ من وقت دراستي كان ريحت نفسي وتعبت شويتين وانا عند اهلي وبديرتي قبل أسافر واتغرب
أنا ادري انه قسم الطب خاص شويتين لكن والله ثم والله لو كنت مكانك لكنت رحت لأي مكتب استشارات تعليمية موثوق هنا بالديره وعطيتة أوراقي وقلتلهم شدوا حيلكم وكل شي بحسابه ولا استنيت لا نهج ولا تجسير ولاغيرهم
وعلى فكره مااحد قايلك لو جبت قبول لا ماينفع لازم حنا نجيب بل على العكس بتريحهم واهم شي بترتااااح انت وأختك
عموما عشان تكون عارف انه لو كانت اختك طالعه تدرس جامعة تختلف عنها لو طالعة تدرس ماستر او دكتوراه
ارجع واقول اي سؤال أنا حاضرة