سؤال بخصوص شركات الجوال السعودية أرجو لكل من يدخل الرد

والله ماعندي معرفه..
بس الي اعرفه انو موبايلي كويسه اذا سويت خدمه التجوال الدولي<<طبعأ شحن

<< ابد ما يسوق لهم ههههههـ

السلام عليكم ..
وأسعد الله أوقاتك بكل خير ..


أخوي الله يعافيك من باب تجربه لشركة موبايلي وكما تميزت داخل السعوديه تتميز بالخارج انا عندي خط مفوتر (وقد يكون هناك اختلاف بين الخط المفوتر ومسبقة الدفع)
استقبال المكالمات من السعودية مجاناً وعلى جميع الشبكات الايرلنديه ..
لكن في حالة انك تريد الاتصال للسعودية من موبايلي افضل شبكة من ناحية السعر هي TELEFONICA O2
والتسعيره كالتالي : للاتصال داخل ايرلندا بـ3 ريال للدقيقة وللاتصال الى السعودية بـ5 ريال للدقيقة والرسائل النصية بـريالين ..

ونصيحه حدث بيانتك لدى البنك برقمك اللي بتستخدمه ان شاء الله في ايرلندا عشان ماتنجبر تحدث عن طريق النت وتتصل على البنك وطلعه ونزله ..
أتمنى اني أفدتك ولو بقليل ..


دمت بود ..
aso0o0l

انا معاي شريحه الاتصالات فاتوره قبل لا اسافر ايرلندا طلبت منهم يفعلون لى خدمه الدولي
استقبل الرسايل والمكالمات مجانا وتكون التكلفه على المتصل عليك بنفس التكلفه وانت داخل المملكه
واذا بغيت اتصل تحسب 6 ريال للدقيقه
انا ادق على اهلى وهم يدقون على هناك وادفع كل شهرين قيمه رسوم الاشتراك في الفاتوره
(( اذا كنت من عملاء التميز في الاتصالات فهذي الطريقه مضمونه بس ما بعرف ادا ماكنت عميل تميز هل لك الميزه هذى او لا ))
تقدر تتصل عليهم وتستفسر لاني انا اتصلت وسالتهم قبل لا اسافر

أسمعها مني وانا اخوك
رح لأقرب فرع موبايلي واسأل الموظف عن ارخص رسوم شهرية لخط فاتورة اتوقع يكون ٢٠ريال مثل خطي..
ولما تطلع الرقم اتصل على ١١٠٠ قل لهم فعلوا التجوال ..
وتصير تستقبل على كل الشبكات في ايرلندا مجاناً واذا بغيت احد بالسعودية دق دقة وسكر ...
وكل شهر شف حدا اخوانك او من المعارف يسدد ال٢٠ او تسددها عن طريق حسابك بالنت ..
وانتبه ترا الشحن على الاقل لازم تكون شريحتك مطلعها قبل مدة مو متأكد سنة ولا سنتين من هالكلام ..
الكلام عن تجربه والله يوفقك وبالسلامة ..*

أهم شي ..


زين ... زين ... زين ((( لا تقربها ))) أسوأ شركة في الشرق الأوسط ومدغشقر وأمريكا وأوروبا الغربية ..


الدقيقة 16 ريال

الاستقبال 3 مدري 6 نسيت ..

سيئة جداً ..


الاتصالات وموبايلي ( أؤيد الاتصالات ) موبايلي من أغبى الشركات ..

مثل ما قالت الاخت cs الاتصالات السعودية استقبال مجاني للمكالمات و الرسائل بجمهورية ايرلندا ،

انصحك انك تحول جوالك الى باقة "ايزي" لانها بدون رسوم شهرية ، و تستفيد من جوالك بايرلندا
لكن على اساس ان جوالك السعودي يكون تحت خدمة شبكة فودافون او o2 و الاسعار كالتالي/

الاتصال الى السعودية 6 ريال للدقيقة
المكالمات المحلية بايرلندا 3 ريال للدقيقة
و الاستقبال مجاني للمكالمات

للفائدة اذهب الى موقع الاتصالات السعودية
www.stc.com.sa

وبتلاقي كل المعلومات اللي تحتاجها .. و عسى الله يسهل امرك

ألف شكر للجميع

وأخص بالذكر شاطــح - aso0o0l - cs-girl- Aosk-shg -Eng. Alqahtani

لمستخدمي موبايلي أرجو إفادتنا لأني طلعتلي خط موبايلي واجد