هاااام للمبتعثين و المبتعثات بـ dublin و خصوصا اللي لهم أكثر من 6 أشهر أنقذوناااااااا

بالنسبه لتقسم ارقام الاحياء
يوجد نهر في منتصف دبلن ويقسمها الى شمال وجنوب
الارقام الفرديه لدبلن تكون شمال النهر والارقام الزوجيه تكون جنوب النهر
الستي سنتر عباره عن دبلن 1 و2 دبلن 1 في الشمال ودبلن 2 في الجنوب

كثيرين يقولون لك دبلن الفرديه خطره بالسكن والزوجيه جيده
والستي سنتر غير مناسب للسكن لان كله بارات ويكون الليل كله ازعاج من اصواتهم وتكون خطره بالمشى
بشكل عام انت حاول تبتعد عن الاماكن المشبوهه هذا اولا ثانيا انت بنظرتك للمكان راح تعرف هل هو مناسب للسكن او لا

انا مابعرف كل الارقام بعدها وقربها من الستي سنتر اللى عندي خبره فيه دبلن 2 و1 هي الستى سنتر فكل شى تلاقيه فيه
انا شفت اماكن سكن في دبلن 4 و 8 وكلها كانت تعتبر مناسبه
وبالنسبه للقرب والبعد يعتمد على موقع السكن مثلا انا سكني بدبلن 8 لكني قريبه جدا من دبلن 2 اللى هي الستي سنتر تقريبا مشى 10 دقايق
لكن في اماكن سكن بدبلن 8 تعتبر بعيده عن الستى سنتر

امان المكان غالبا يكون مبين على مبني السكن يعنى تكون العماره مجمع سكني كبير ومحد يقدر يدخل غير سكان العماره
لان باب العماره يكون مقفل وفيه بعضها لا ....

ان شاء الله يكون اللى كتبته مفيد لكم

مشكــورة يا أختي .... أفدتيني بموضوع شمال النهر و جنوبه و أيضا بموضوع الستي سنتر

اوافق الاخت في رأيها

انت رح شوف السكن بنفسك والمنطقة تبين اذا امان او لا
اول ماوصلت دبلن شفت بيت في دبلن 2 مافي جنبه اي خدمة
والمكان غير مريح مع ان البيت مرتتتب وايجاره كويس
لكن ماارتحت للمكان

لو شفت تقدر تحكم ..

اممم يعني تقولوا لازم أنزل أفرفر بنفسي ... الله يعين

مشكورة خيتي miss m على التعاون

ايه لازم تفرفر تشوف بنفسك
انا كنت ابحث عن طريق النت موقع daft وكنت ادق عليهم واخذ مواعيد منهم واروح اشوف الاماكن
فيه شقق بس شفت الحاره حقتها طلعت منها مافكرت حتى ادخل اشوفها وفيه بعضها يكون شكلها حلو لكن موقعها مو مريح
فموضوع السكن يبغاله فرفره شوي

حدد معهدك اول شئ وبعدين ابحث عن سكن لك

لا تبحث قبل ما تعرف معهدك وين

نصيحه ابحث قرب معهدك و هذا اهم شئ

وبنسبه للامان شئ نسبي يعني مو دايم مناظق الفرديه اخطر من الزوجيه


والازعاج يعتمد على مكان السكن بعده وقربه من البارات

وعليكم آلسسلآم ورحمة آلله وبركآته .. ,

وآلله يآ أخي مبآرك .. إذا آنت في آلسعودية بآقي مآ رحت .. ودي آنك ترآسلني على الخـآص ..

والفآئدة للجميع :

آلستي سنتر .. بآلعكس آنآ آقول آنه آمن مكآن لوجود آلقآردآ آللي هي الشرطة .. طبعـآ بآلنهآر وبآلليل ..
ولآ يمنع من وجود سكآرى في الليل وهذا في كل مكان في العالم .. حتى عندك في السعودية

لكن خذها قاعدة في كل مكآن بآلليل قلل آلطلوع إلا إذا كنتم جمآعة ,

آحسن مكآن في دبلن .. آنت بنفسك تحدده , يعني يمكن تلآقي مكآن منآسب لكن بعيد عن المعهد وبعيد عن موقف أو محطة الباص

وبالتوفيق .

والله اخي الكريم الاتفاق على راي واحد في هذه المسالة من المعضلات. بل تكاد تكاد تكون من المستحيلات والسبب بسيط جدا*
ألا وهو ان المساله كلها تعتمد على الشخص نفسه وحتى اكون واضحه اكثر
فيه ناس ماعندهامشكله أبدا انها تسكن في شقه مستواها ومستوى نضافتها اقل من العادي في مقابل انها تكون ملاصقه او قريبه جدا من المعهد
بينما ناس آخرين عندهم استعداد تام انهم يسكنون بعيد عن معاهدهم لكن يشترون راحتهم النفسيه بالمكان اللي راح يقضون فيه ثلاث ارباع يومهم الا وهو السكن ومشكلة البعد يحلونها بتوفر جميع انواع المواصلات
اما لامان ففيه ناس يتتلخص الأمان عندهم بان المكان لازم يعج بالناس اياً كانت أشكالهم وعلى العكس من ذلك راح تلقى ناس يقولولك ان هذه الاماكن تعتبر مزعجه ولاتصلح أجوائها للدراسه
وفيه آخرين يبغون يطلعون في اي وقت نهارا كان او حتى وقت متأخر من الليل ولا يريدون يتعرضون الى اي نوع من انواع المضايقات بل حتى لايريدون رؤية السكرانين او اصحاب المخدرات مع أني أرى ان هذا منظر يكاد يكون طبيعي جدا في بلاد مثل هذه نسأل الله السلامة*
وأخيرا اقدر أقولك أني من خبرت سنه سكنت في مكانين دبلن ٢ ودبلن ١ وبصراحه جميع من أعرفهم لم يتفقوا أبدا أبدا حين زيارتي أنا او مرافقي على راي واحد تجاه موقع سكننا
على *الرغم من التباين الشديد بين سمعة الموقعين فالثاني دبلن ١ *يصنف من مجموعة المغضوب عليهم والآخر على العكس من ذلك
وحتى ازيد من حيرتك فعلى الرغم مما يقول الناس عن دبلن١ الا انني شخصيا لم اجد راحتي الا بالسكنى فيه وهذا مصداقا لما قلت اعلاه
وفقك الله لما فيه خير.*

cs-girl / مرافق2010 / الملازم

أشكركم على التعاون .

الملازم سيتم التواصل معك على الخاص بإذن الله