الأعضاء الإشتراك و التسجيل

الملتقيات
ADs

شرح ~ استخراج الفيزا للدارسين على حسآبهم الخآص ~

شرح ~ استخراج الفيزا للدارسين على حسآبهم الخآص ~


NOTICE

تنبيه: هذا الموضوع قديم. تم طرحه قبل 4533 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية DoCToR1
    DoCToR1

    مبتعث مستجد Freshman Member

    DoCToR1 أيرلندا

    DoCToR1 , ذكر. مبتعث مستجد Freshman Member. من السعودية , مبتعث فى أيرلندا , تخصصى طب بشري "بإذن الله" , بجامعة Trinity "بإذن الله"
    • Trinity "بإذن الله"
    • طب بشري "بإذن الله"
    • ذكر
    • Dublin, Dublin
    • السعودية
    • Sep 2011
    المزيدl

    November 1st, 2011, 11:41 AM

    السلأآم عليكم اخوآني ..

    اخبآركم ؟ ان شآء الله بأتم صحه وعآفية ..

    من اسبوع تقريبا وانا ادور بالأنترنت الشروط المطلوبه [ لاستخراج الفيزا الايرلندية للخارجين على حسآبهم الخآص ] ..

    ومآ لقيت موضوع يفيدني بدرجة كبيره !

    او باختصآر يعطيني الزبدة والي المفورض اسويه ..

    فحبيت اقولكم تجربتي .. وانا توني رآجع من السفآرة


    توكلت على الله ومشيت السآعه 8 لحي السفآرآت عندنآ بالريآض .. كنت اقول بنفسي مآ ابي انتظر وزحمه ومدري ايش خلني أول وآحد

    طبعا مكآن السفآرة الي مآ يعرف ..
    حي السفآرآت البوآبة من الدآئري الشمآلي .. تدخل بعد التفتيش على الدوآر رقم(1) .. تروح معه قدآم ..
    يجيك الدوآر رقم(2) وتروح معه يمين باتجآه الدوآر رقم(10) .. مع الدوآر رقم(10) تروح يسآر ..
    وبعدهآ مع أول لفه تجيك يمين خش معهآ (وبتحصل لوحه مكتوب عليها سفارة ايرلندآ)
    بعدين يجيك تقآطع روح معه يمين .. والسفارة بتكون على يدك اليسآر ..
    [ اتمنى الوصف وآضح ] :$


    المهم وصلت .. والله اشوف سيآرتين عند بآب السفآرة قلت عز الطلب مآ فيه زحمه
    بعدين اكتشفت اني جآي افتح البآب
    فتح لي البواب البوابة .. سلمت وشآف شكلي [ توني قآيم من النوم ومآلي خلق ] بدآ يطقطق انقليزي [ كم كلمه يجدعهآ ] رديت عليه بشي صدمه بس صرآحه مآ اذكر وش قلت ككككككككك بس اذكر عيونه طآرت كككككككككك


    المهم دخلت جوآ .. الا الدنيآ فآضية مآ فيه احد .. فيه رجآل من الجنسية الهندية بالاستقبآل .. قآل هآت اورآقك .. [ طبعا انا مآخذ كل شي معي ] .. وجلس يآخذ الورق الي يبيه .. وطلب مني الفلوس والجوآز وكتب لي ايصآل واخذ رقم جوآلي وقآلي خلآص

    الموضوع على بعضه مآ كمل 10 دقآيق


    أهم مآفي الموضوع بعد هالقصة
    الأورآق المطلوبة .. [ والي للأسف المكتب مآ نبهني على أغلبهآ ! وكآن بتصير لي سآلفه :| بس الحمد لله تيسر كل شي ] ..

    -------------------------------------------------------===-------------------------------------------------------





    1- جوآزك الأصل ولآ تقبل الصورة .. لأنهم بآخذون الجوآز ..

    2- صورتين مكشوفة الرأس .. الوجه بآين وبدون نظآرآت [ لأني قرأت انه لآزم تكون العيون وآضحهه ] .. وحسب علمي يستثنى فقط تغطية الرأس للنسآء لأسبآب دينيه .. [ وحبذآ التأكد لأني مآ سألت صرآحه ] لكن قريتهآ وقت مآ كنت ادور بالنت ..

    3- قبول المعهد [ وقبول الجآمعه ان وجد ] .. وقبول المعهد لآزم يكون مبين فيه مدة الدرآسة وتكلفتهآ ..

    4-
    ايصال الدفع عن طريق البنك او فآتوره مرسلة من المعهد بأنك سددت حساب المعهد <~ هذآ كثير من النآس قآلوا لي مهب لآزم لكن كلمت على السفآرة وبنفسهم قآلوا لي جيب الايصال .. ولو ان البعض قآلوا لي مهب شرط انك تسدد من هنآ حسآب العهد ..

    5- حجز الفندق / شقة .. او ورقة اثبات انك بتسكن عند عآئلة .. [ بالعربي لآزم اثبات مكآن سكنك ] ..

    6- حجز رحلة السفر الى ايرلندآ .. وطبعا الحجز مهب لآزم يكون مؤكد .. يكفي حجز مبدئي ..

    7- كشف حسآب الشخص الي انت طآلع على حسآبه " بالانقليزي"

    8- ورقة تعريف من العمل للشخص الي انت طالع على حسابه وتعريف براتبه [اذا كآن موظف] .. " بالانقليزي "

    9- ورقة مكتوبة بخط اليد او مطبوعه وعليهآ توقيع الشخص الي بيتكفل بجميع مصآريفك .. ويكون كآتب انه رآح يتكفل بكل شي وهو المسؤول و انه رآح يكون [ SUPPORT ] لك .. <~ الكلمه زي مآ قآلوهآ لي بالسفآرة LoL طبعآ الورقة أيضا " بالأنقليزي "

    10- صورة لجوآز الشخص المتكفل فيك هنآك .. [ الي معك كشف الحسآب حقه ] ..

    11- طبعا ومن أهم الأشيآء الأبلكيشن الي عبيته اون لآين لطلب الفيزآ ..



    *
    المتطلبآت الي باللون الأحمر هي الي مآ نبهني عليهآ المكتب الي عبآ لي الأبلكيشن حق الفيزآ ..
    *وهذآ رقم السفآرة للي حآب يتوآصل معهم او يستفسر عن شي معين .. [ 4882300 ] ~

    -------------------------------------------------------===-------------------------------------------------------


    اتمنى اني مآ نسيت شي .. واتمنى كل شي وآضح ..
    طبعا حآليآ انتظر الرد على قبول استخرآج الفيزآ ..

    وبإذن الله اول مآ يردون علي ابلغكم ان كآن فيه رفض اذكر لكم الأسبآب ..
    وان كآن بالموآفقه .. فيكون تأكيد بإذن الله اني مآ نسيت شي ..

    واعذروني ان كآن الموضوع مكرر .. لكن صدقا ..
    بحثثثت وبحثثثت ومآ حصلت موضوع يتكلم بالتفصيل ..
    وخآصة للخآرجين على حسآبهم ..
    فحبيت اكتب جربتي .. لعل وعسى تفيد شخص كآن في مثل حآلتي ..

    ان أصبت فمن الله .. وان أخطأت فمن نفسي والشيطآن ..
    وصلى اللهم على نبينآ محمد وعلى آله وصحبه أجمعين ..






    حبي واحترآمي ~
  2. المشاركة الأصلية كتبت بواسطة شيـ ثانيـ
    الله يعطيك العافية يا دكتور 1 ماقصرت بس ايش اسم المكتب اللي جاب لك القبول
    الله يعآفيك ويبقيك يَ غآلي ..

    المحل في شآرع الثلاثين العليا .. اسم المحل [ الشرق العربي للخدمآت التعليمية ] ..

    يشتغل فيه سعودي .. اسمه [ ابو بكر القحطآني ] .. رجآل والنعم ومآ قصصصر معي ابدا ..

    مدري اذا الادارة تسمح لي احط الرقم ..

    لكن على كل الأحوآل اذا كنت تبي رقم الرجآل كلمني على الرسآيل وابشر ..

    بالتوفيق ~
    7 "
  3. تدري يا DoCToR1
    أن موضوعك هذا كنت ابحث عنه زيك من زمان ..
    والحمد لله ان الله يسرلي اشوف موضوعك
    .
    الله يجزاك كل خير ويوفقك ما قصرت صراحة كتبت كل شيء بالتفصيل..
    الله لا يحرمك الاجر.امين
    .
    وانا بإذن الله ماشي لإيرلند في فبراير .
    الله ييسر دعواتكم .
    7 "
  4. بدآية حبيت ارفع الموضوع .. عشآن الشبآب يستفيدون منه ~


    اخوي البلسم .. [ اعتذذذر يَ غآلي اني مآ رديت عليك في وقت سؤالك .. فمنك العذر والسموحه ] ..

    بالنسبة للوقت كآتبه بالموضوع [ حدود 4 ساعات ] ..

    وبالنسبة للابلكيشن .. [ مكتب سوآلي اياهـ ] ..

    اذا كنت للحين مآ خلصتهآ توآصل معي وابشر بالي يرضيك ~

    والسلآم عليكم ~
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.