الأخ : فيصل العبيد ،، والأخت : أماني حالمة ،، وجميع من هو في جالواي ..

اخوي ابو رهف !!

انا بقولك لكن لاتتضايق وتشيل هم !! هالمعهد سيء جدا ولي اصدقاء درسوا فيه واعرف ناس مازالوا يدرسون فيه !!
يقولون المعهد مو مؤهل لتدريس اللغة !! غير انه المبنى سيء جدا ومتهالك !!!

من ناحية الفنادق وااااجد !! لكن وش تبي الفندق خذلك بيت او شقة ازين لك !!

تحيااااتي لك !!

اخوي مثل ماقلت لك قبل هالمدرسة ماعرف عن مستواها ابدا واذا هي كويسه او لا لكن نظامها جنرال انجلش .ومدارس الجنرال التجارية بشكل عام نظامها تقريبا نفس الشي
بداية كل اسبوع (اثنين) يتم دخول طلبه جدد سواء او طلبة منتقلين من مستوى اقل . والطالب الجديد في اليوم الاول يعمل له اختبار لتحديد مستواه ثم يعلموك انت بأي مستوى وباي كلاس ويعطوك كتاب وتدخل معهم .

وهكذا واذا حسيت ان مستواك اعلى او اذا جلست فترة طويله بنفس المستوى , ممكن تسوي اختبار تغير المستوى وهذا الاختبار يعملوه في يوم محدد من كل اسبوع في الاغلب يكون الثلاثاء واذا عديت الاختبار تتنتقل من الاسبوع اللي بعده مباشرة . في الاغلب درجة النجاح تكون (60) وممكن تكون مختلفة من مدرسة لثانيه

في كل جمعه المتفرض يكون فيه اختبار للي درستوة خلال الاسبوع .

بالنسبه للفنادق .يعني مااعرف ايش قصدك بانها تناسب عائلات سعودية , لكن فهمت انا انها بعيدة عن البوب( البار) .

فيه كثيرة صراحة بس يعتمد اذا تبغاها بالسنتر ولا في جهة ابعد شوي لكن هذا اسم فندق وهو قريب جدا من محطه الباص اذا كنت ان شاء الله راح تجي لجولوي بـ الباص وكمان قريب من محطه القطار
واسمه Radisson Blu Hotel & Spa Galway
وهذا الويب سايت للفندق
radissonhotelgalway.com
وان شاء الله احاول اجيب لك اسماء فنادق اكثر ان شاء الله
ربي يوفقكم وييسر لكم الامور ان شاء الله

الأخ فيصل الله يعافيك ماقصرت وأنا سمعت كثير عن هالمعهد وأنا أسأل لأن الفرصة أمامي إلى الآن

والمشكلة الملحقية معتمدة هذه المعاهد فقط والضمان يكون عليها فقط :

English Language Centre
Bridge Mills Galway Language Centre
Galway Cultural Institute/ Galway Business school

،،،،،،

الله يجزاك خير ويوفقك يارب

وبالنسبة للفندق قصدي أول أسبوع أو أسبوعين فقط

أماني جزاك الله خير والله يوفقك يارب
معلومات كافيه ووافيه
وأتمنى أن يخدم هذا الموضوع الكثيرين

وشكراً جزيلاً لكم

الأخوة الاعزاء عندي سؤال بالنسبة لرخصة القيادة

هل الرخصة السعودية كافية او لازم امر ع الطيار وآخذ رخصة قيادة دولية

اذا ماعندك خيارات الا هالمعاهد انا من وجهة نظري ارشحلك Galway Cultural Institute/ Galway Business school
لانه افضلها وبالفعل الملحقية مقفلة االمعاهد الاخرى بسبب تكدس السعوديين فيها !!!

بالنسبة للرخصة السعودية اذا كانت الجديدة اللي فيها لغتين عربي وانقليش تمشيك هنا سنة فقط طبعا التأمين الايرلندي مايقبلها لكن ماعندك الا انك تراسل شركة تأمين امريكية
اذا وصلت وهنا لانهم يقبلون الرخصة السعودية !! بس مشكلتهم يتأخرون بالرد يعني ممكن تجلس ثلاث شهور اليييين يجيك التأمين هي حلوة فقط لانها ارخص من التأمين الايرلندي!!

طبعا افضلك تمر الطيار او اي مكتب سفريات وتسويلك رخصة دولية لانك راح تحتاجها اكيد !! وايضا التأمين الايرلندي يقبل الرخصة الدولية ويعطيك عليها تأمين لمدة سنة فقط لوكن بعد سنة لابد يكون عندك رخصة ايرلندية !!

لكن انت اذا وصلت هنا بالسلامة طلعلك رخصة ايرلندية ثلاثة اسابيع وتكون معك !! مايبيلك الا انك فقط تذاكر الاوراق اللي يعطونك و تجتاز اختبار الكومبيوتر من دون اختبار قيادة وعلى فكرة الرخصة الايرلندية
اللي هي اسمها البروفيشنال صالحة لمدة عشر سنوات ومقبولة في جميع انحاء العالم !!!

دمت بود !!