معهد english language academy

أتمنى من الاخوان والاخوات يفيدوك

بس بما أن تخصصك أمن معلومات ياليت تفيدنا عنه من ناحية البرمجه, يعني فيه برمجه بشكل مكثف والا شوي ؟؟
وعطنا عنه نظره شامله لو سمحت ..

وشكرا

هذا المعهد يقع على شارع أوكانل , على زاوية ( شبه تقاطع ) وهو سئ جداً جداً جداً حسب كلام الشباب الذين درسوا به ( والله أعلم ) ..

يقال إن بعض المدرسين ليس مؤهلاً لـ ( مخارجة ) نفسه في اللغة فما بالك بتدريسها !!

أحد الإخوان قال لي ( أمس ) إن المدرس عندهم يقول ( They is) فرد عليه طالب برازيلي , فحاول يصرفها .. وفي الأخير قال : هذي لهجة عامية عند الآيرش !!

والأخ له ( معرّف ) هنا , إذا أراد أن يدعم الموضوع ويكمل جزاه الله خير ..

المعهد أنا ذهبت لهم , وكان كلامهم غريب , يقولون اللي على فيزة طالب مانقبله !!!! ومدري وش قصدهم ..

سعره رخييييييييص جداً , ومن أرخص المعاهد في إيرلندا كلها ( في الجنرال )

وفي الأخير .. المعهد يعلمك من 20 - 30 % فقط .. والباقي على (( الدوووووفرة )) ..

أتمنى لك التوفيق

اخوي ياليت تعطينا رابط الموقع لانو في اثنين تقريبا لهم نفس الاسم واحد منهم معترف فيه والثاني غير معترف فيه

الي غير معترف فيه انا اعتبره واحد من افضل المعاهد الي درست فيها ومستغرب انو الملحقيه غير معترفه فيه

والله يا اختي كلي وفااا
اللي اعرف ان نظم معلومات او نظم معلومات اداريه او نظم معلومات الحاسب الالي IS , MIS , MIC < رموز التخصصات السابقة الذكر
بالإضافه الى الشبكات وامن المعلومات او امن الشبكات كل هذي مافيها برمجه كثيره يعني اذا انت فاهم اساسيات للبرمجه بتقدر تفهم وتبحر بمجالهم

وانا ارشح اذا تخصصك مو قريب من الحاسب انك تاخذين اي شي له علاقه بنظم المعلومات لانه يجمع مابين الاداره والحاسب

وهذا مجرد رأيي الشخصي

وبالتوفيق للجميع

........................

لاحول ولا قوة الا بالله

والله حاز على التربيل باد عندك وبجداره

بس يالغالي صعب نحكم على معهد كااامل بسبب غلطة مدرس واحد

المعهد كـكل عموما يعني متمكن من ناحية التعليم يكثف الواجبات كويز او اختبارات قصيره ... إلخ

وبالنسبة لفيزة الطالب اذا مايقبلونها اجل اجيهم بفيزة إيش ؟؟

وبالمناسبه كلامك صحيح سعر المعهد مغري والمعاهد كلها اللي بالعالم ماراح تعطيك اكثر من 30 % والباقي انت و شطارتك

وبالتوفيق للجميع


.......................

ياهلا وسهلا فيك يالغالي

هذا رابط المعهد


http://www.elaireland.com


والمعهد معترف فيه حالياً بس مادري اذا هو نفسه اللي انت قلت عنه او لا

واسأل الله التوفيق للجميع

..........................

اخوي عباد ياريت تتاكد لي هل فيها سعوديين كثير ولالا. وكيف تدريسه

لانه واحد كان يسألني عن المعهد ذا الي على راس اوكانل

ومشكور

انت تسأل ؟؟؟

ولا وش تبي بالضبط !!!

عطيتك كلام الناس اللي درسوا فيه .. وعطيتك تجربتي معهم وكلامهم لي !!!

تبغاني أمدحه لك .. حاضر ..

لكن أنا اعتقدت انك تبي المشورة ..

هلا أخوي القيصر ..

أوكانل عليه أكثر من معهد ..

واحد جهة النهر .. وواحد في الحهة الثانية .. قريب مواقف التكاسي على يمينك بعد ماتعدي التكاسي والنهر وراك .. وهو اللي أتكلم عنه ..

قالولي لو فيزتك فيزة طالب ممنووووووع تدرس فيه , وقالولي حنا ما اعتمدنا من ملحقيتكم , لكن تفاجأت إن فيه حوالي أربعة سعوديين , أحدهم ( زهراني ) هو اللي روالي الحادثة , وإذا تريد رقمة أو مقابلته تامر أمر ..