مساعدة الى طلاب مدينة ليمريك و(جامعة ليمريك) تحديدا

فينكم يااهل ليمريك ؟!!!

^^^
سمعت انها مدينة الطعن...... ههههههه
لازم نلبس ملابس مدرعة ضد الطعن....... ههههههههه!
=======
بجد أنا عندي نفس التساؤلات تقريبا وخاصة بالنسبة للسكن المناسب خارج كامب الجامعة!
وهل سكن العوائل الخاص بالجامعة ممكن يناسب العوائل السعودية تفاديا للطعن خارج الجامعة....ههههههههههه
بصراحة جامعة ليميرك خيار مناسب لي وللمبتعثة الأساسية وننتظر الإجابات الشافية منكم ويعطيكم مليون عافية.

شكرا على مشاركتك اخيرا حسيت انو في احد بيفكر في دي المدينة
حتى انا سمعت وقريت في المنتدى بس لو نبى نسمع من غير مانجرب ولا نشوف ماكان فكرنا حتى بالبعثة لانو سمعت انو ماهي سهلة ؛)
وليمريك او دبلن واي مدينة حتى جدة لو رحت المناطق العشوائية او الفقيرة حيكون فيها جرايم وقتل اكيد وفي المنتدى وحدة جزاها الله خير حددت الاماكن الخطرة الي في المدينة وحتى الطالب مايحتاج انو يروحها ان شاءالله
(اعقلها وتوكل) دا مبدئي وازا مارتحت لكل حادث حديث
غير كدا ماني شايفة انها حتكون زحمة بالنسبة للدراسه كويس وياااارب تيسرها ليا
اتمنى الاقي رد على اجوبتي لاني حتى لما فتحت موقع البحث عن سكن ماكان في صور كافية اقدر اعرف نظام السكن كيف

وعليكم السلام ورحمة الله وبركآته ،،

الحمد لله منييحين ،، انتي ان شاء الله بخير ومرتاحة لليميرك =D


بالنسبة للإستفساارك عن مطآر شآنون ،، يبعد عن مدينة ليميرك حوالي ٢٧ كيلو متر ،، يآخذ منك تقريباً ٢٠ دقيقة بالسيارة من المطار للجامعة
التآكسي رآح يكون شوي غآلي وممكن يآخذ منك من ٢٤-٣٠ يورو مو أقل ،،
لكن في باص يآخذك من مطار شآنون لمحطة الباص بليميرك بـ ٦ يورو بس..
وفي باص ثآني يآخذك من مطار شآنون ويوصلك للجامعة نفسها أو بالستي سنتر ،، لو ما نزلتي بالمكانين ذول ما راح توقفي غير بدبلن

وهذي أوقات الباصات ،،

الرابط الأول اوقات الباصات اللي راح توديك للستي = ٦ يورو

http://www.buseireann.ie/pdf/1290185006-343.pdf

والرابط هذا تبع الباص التاني ،، مآني متأكد بكم بس ما راح تزيد عن السعر اللي قبله او حوله ويمكن أقل ،،

http://www.jjkavanagh.ie/images/stor...non-Dublin.pdf

======

بالنسبة للسكن بالمواصفات اللي طالبتها "قريب من الجامعة ومجمع وسيكيورتي" صعبة شوي

لكن في أكثر من منطقة سكنية وآمنة بعضها بسكيورتي وبعضها بدون ،،

فيه بالستي اكثر من مكآن وبسكيورتي وكذا ،، بس مو هذاك المشوار ،، كلها باص ربع سآعة بالكثير وانتي بالجامعة ،،


سكن الجآمعة مآ جربته بس أعرف أكثر من وآحد جربه ،،

فيه ٤ او ٥ قرى سكنية ،، وكل عمآرة فيها كم شقة والشقة فيها من ٤ غرف لـ ٨ غرف .. تختلف من قرية لأخرى ..

وتقريباً شهرياً تدفعي ٥٠٠ يورو للسكن شآمل الكهرباء والإنترنت وووممم والتدفئة وغيروا ،، عليك الأكل بس =D

ويختلف السعر من قرية لأخرى .. مدري ع حسب ايش ..


عندك في الستي أعرف هذي العمارتين ،،

Riverpoint, Limerick City, Limerick City Centre - Apartment to let

City Central, Bedford Row, Limerick City, Limerick City Centre - Apartment to let

عمارتين على مستوى عآلي وهدوء وسيكيورتي وكلوو ،،

اللي بالرابط الثاني أفضل لقربها من موقف الباص وفي منتصف الستي سنتر،،
أما اللي بالرابط الأول حلوة جداً وهادية ،، بس بعييدة عن موقف الباص بـ ١٠ دقائق تقريباً مشي ،،


أما بخصوص المدينة تعبت وأنا أعيد نفس الكلام وأكرر ×ـ×

عشان كذا بأقول لك أرجعي لمشاركاتي واتعبي شوي وأقرأي


وهذا رابط مفييد قريب هدية مجانية مع الرد ،،
#16


وبالتوفيق يآرب وإن شاء الله تتسهل أمورك ،،
ولو بدك أي شيء أسألي وإن شاء الله ما راح نقصر ،،


يلا سلآم بنآم منتهي ×ـ×

انا سبيشل عن جد الله يسعدك ويفتحها في وجهك ويسهلك كل امر عسير والله مراااااااااااااااااا اسعدتني صراحه وخصوصا الشقة التانية مراااااااااا دخلت مزاجي الله يكتبلنا هيا ازا فيها خير يارب مرا كنت محتاره الله يعطيك العافيه وان شاءالله كل الي حابب يدرس في دي المدينة يستفيد.. بالنسبة لسكن الجامعة حكون انا واخويا وماما يسمحو ولا فقط الطلاب ؟!! وشكرااا مرا تانيه
بالتوفيق للجميع يارب

وين ردي رديت امس رد بس مدري فينه ×ـ×

آميين ياارب ربنا يسمع منك ،، وإيآك يارب إن شاء الله تتسهل لك أمورك ،،

ايه وأنا أفضل العمارة التانية أحلى ،، وعلى فكرة .. ترين لو تكلمي المكتب اللي ماسك العمارة راح تحصلي شقق بتصاميم ثانية ويمكن أرخص .. لأن الشقق بالعمارة مو كلها نفس بعض .. يعني لا تستعجلي وتختاري هذي ع طول .. ممكن تحصلي شقق ثانية وبتصاميم افضل وارخص ..

بالنسبة لسكن الجامعة ما انصح صراحة تروحوا فيه .. لأن السكن عبارة عن شقق وفيها كم غرفة ويشتركوا بالمطبخ والصالة .. وباقي الوقت بتقعدي بالغرفة وكمآن ما راح تآخذوا راحتكم لأن المكتب اللي يأجر الغرف كل ثلاثاء يشيك على كل الشقق والغرف ويشوف النظافة وكذا .. ولا تنسي كمآن سكن طلاب يعني ازعاج وحفلات وصجة ورجة ما راح ترتاحوا أبداً .. فأفضل لو تسكنوا بشقة خصوصاً إن مامتكم معكم =)


والعفوو في الخدمة دووماً ،،

وأعتذر لتأخري بالرد بس رديت امس والنت كآن فيه مشكلة وشيكت الحين ما حصلته ×ـ×

^^^
كفيت ووفيت وبيض الله وجهك أخي الكريم!
بس أحب أوضح لك أني وكأني قرأت بموقعهم عن سكن خاص بالعوائل للدراسات العليا وبشقق مستقلة مكتملة تتكون من غرفة أو من غرفتين!!
السؤال هو هل إذا توفرت فعلا لديهم شقق عوائل مستقلة مكتملة هل تصلح لسكن العوائل السعودية لأنها آمنة وشاملة التكاليف مثل الكهرباء والغاز ووسائل الإتصال وأمن خارجي للمجمع!!!
نتمنى منك أو من لديه الإجابات الشافيه عن سيئات وحسنات مثل هذه الشقق إن توفرت لديهم ،، شاكرا ومقدرا تفاعلك المفيد والدائم،،، تحياتي وفائق تقديري.

من جد ماقصرت يعطييك 1000 عافيه ياارب وربي يسخرلك الناس الطيبة دايما بطريقك
طيب لو اتفاهمت مع المكتب انو مدة العقد تكون اقل من سنة او اقل من 6 شهور ف امكانية ولا لا لانو ماني حابة اتورط اخاف مارتاح واكون مرتبطة بمدة العقد :/
انا عندي استفسار وسامحنا لو تقلنا بالنسبة لسكن الدراسات العليا الي قال عنها الاخ الكهل الطموح ازا عنك فكره عنها ؟
ومشكوور مراا تانية

الله يعافييكم يارب ،،

بالنسبة للسكن تبع طلاب الدراسات العليا ،، فهو جديد راح يبدأ من ٢٠١٢ من هذي السنة الجديدة ..
وهنا معلومات عنه اذا تقصد هذا اخوي " الكهل الطموح "
The Postgraduate Residence (Opening September 2012) - University of Limerick

وصحيح مكتوب فيه انه ممكن يكون لبعض الطلاب وعوائلهم .. لكن زي ما قلت هو بس لطلاب الدراسات العليا ..
وعن المجمع صراحة ما اعرفه ولا قد رحت له .. لكن اتوقع يكون زي اي عمارة سكنية لك شقتك وسيكيورتي لكن هي برضو سكن للطلاب وبعضهم وحدهم وجنبكم قريب سكن طلاب ثاني ..

ما أعرف والله ,, هو لأنه جديد فما اعرف عنه اي شيء
.. أفضل حل إنك تروح بنفسك وتشوفها أو تراسل الموقع هذا اللي فوق وتسأل المسؤولين عن السكن عن اي شيء تبغى تسأل عنه ..




بالنسبة للمكتب يا تسنيم اللي ماسك العمارة هذيك .. راح يقولون لك اقل شيء ٦ شهور او سنة .. لكن لو تكلمتوا معهم وزنيتوا على رووسهم او كلمتوا صاحب المكتب اسمه " كريستن " وقلتوا له ما نبغى غير ٣ اشهر .. راح يوافق .. لأن قبل اخذت منه شقة وقلت له ما ابغى غير ٣ شهور .. ووافق لي .. مرة الآدمي طيب ومتعاون لا تشيلي هم ..



وبسس لو في شيء تاني لا تترددوا أبداً ..