هذي سالفتي يمكن تفيدكم / فيزا - قبول معهد - قبول جامعه !!

December 25th, 2011, 03:16 AM

السلام عليكم ورحمة الله وبركاته


لقيت مواضيع كثيره بخصوص الفيزا وقبول المعهد
وقلت دام ان الحمدلله تسهلت اموري وطلعت لي الفيزا وجاني قبول معهد
قلت اكتب لكم اللي سويته يمكن احد يستفيد من كلامي ...


اول شي بخصوص قبول المعهد جاتني رساله عالايميل من الملحقيه انها بتوفر لنا قبولات لغه
ويوصلك القبول خلال 10 اييااااام شي مرره حلووو وانبسسطت

عاد قمت رحت لاقرب محل نت عشان ماعندي طابعه وعبيت اوراق الملحقيه اللي راسلينها فالايميل
وطبعتها ووقعت عليها وسويت سكان للاوراق اللي طلبوها وارسلتها لهم ..

وبعد 8 ايام تقريبا ارسلولي القبوووول الحمدلله ... وانا اخترت موعد وصولي لايرلندا فالبيانات يوم 9
وحطولي الدراسه تبدا يوم 9 ، يعني فالخانه اللي مكتوب فيها متى الوصول المتوقع لايرلندا
حط تاريخ بداية الدراسه


المهم جاني القبول والحين ناقصني الفيزا
رحت لكم مكتب اسالهم تجيبون لي فيزا ايرلندا قالو مانتعامل معها
وادخل المنتدى استفسر عن الفيزا ويرد علي اخوي القيصر الله يجزاه خير
ويقول ماتحتاج تروح لمكتب ولا شي عب الابلكيشن ورح السفاره علطول

وعبيت الابلكيشن سهل واضح فيه موضوع موضح كل شي عن بيانات ابلكيشن الفيزا
والاشيا اللي ماعرفها استخدم مترجم قوقل

المهم عبيتها .. ويطلع لي رقماحفظه لاعبيت الابلكيشن عشان اقدر ارجع للمعلومات

ورحت محل نت ودخلت عالابلكيشن وطبعته


ويوم جا بكرى الصبح الساعه 9 رحت السفاره فاضيه مافيه احد دخلت علطول لقيت هندي
واسولف معه يسولف عربي وعطيته الابلكيشن وقبول المعهد والجواز والضمان المالي اللي ارسلوه الوزاره عالايميل
لان فيه ناس تقول لازم خطاب ومدري ايش خرااابيط مايحتاج خطاب ولا شي من السفاره ..
وعطيتهم السجل الاكاديمي مع ان ماتوقع يحتاجونه
بس قلت اخذ كل احتياطاتي .. قلت للهندي متى تخلص الفيزا قال بكرى او بعد بكرره

والمهم ارجع البيت ويوم جا العصر نمت واصحى القى مكالمات لم يرد عليها من رقم غريب
اتصلت ويرد الهندي قال جوازك خلص تعال خذه بكرى الصبح


وبعدها رحت الوزاره بطلع قرار ابتعاث ، عطوني ورقه اعبيها فيها تعهدات اني ماكون موظف ومدري ايش تعهدات كثيره
وطلبو مني صورة جواز والسجل وهالخرابيط وطلبو صورة لبطاقة الملتقى وباقي الاوراق ..
ويوم عطيتهم كل شي بعد نص ساعه نادا اسمي قال دام تخصصك البكالوريوس مو نفس الماستر
لازم تجيب لنا قبول جامعه ونعطيك قرار ابتعاث حاولت من هينا وهنااك ومارضو قال جب قبول جامعه ونعطيك

وقلت خيرره ، ورحت لمكتب قال اجيب لك قبول مشروط خلال شهر ..
وطلب مني عشان قبول الجامعه سجل اكاديمي وشهادة التخرج وتوصيات من الجامعه عطيته ثنتين
وورقة تكتب فيها الغرض من الدراسه هو سواهـ لي ..

وان شاء الله يجيني القبول وتتسهل الامووووور عشان اطلع قرار ابتعااث





ودعواتكم الله يسهل اموووري

• نشر عبر تويتر
• نشر عبر فيسبوك
• نشر عبر جوجل