reentry Visa

السلام عليكم
انا سجلت عشان أجاوب عليك
انا انصحك تروح لدبلن
ماتاخذ منك يوم

الأخ مبسوط
اهم شي تاخذ قطار الصباح في الفجر الله يعينك ..
تعبي الإستمارة .. وفيها يسألك .. " تبغى تروح وترجع لمرة وحدة ( 60 يورو ) .. أو لأكثر من مرة (100 يورو)
طريقة الدفع .. ماتقدر تدفع كاش .. لازم تروح البريد وتطلب منها " POSTAL ORDER" اللي هي حوالة بريدية .. بالقيمة اللي ذكرتها بالأعلى

محلهم في دبلن قريب وكويس .. أول ماتوصل محطة قطار دبلن اللي اسمها " هيوستن " اطلع وتحصل " لويس " اللي هو القطار السريع الموجود داخل المدينة
اشتري تذكرة روحة ورجعة لمدة يوم ..
اركبه لأتجاه الستي سنتر عند محطة اسمها آبي ستريت .. بعد ماتنزل تقطع الجسر وراح تحصل مكتب الاميقريشن قريب
اول ماتدخل أوقف في الطابور وراح يسألك موظف عن أوراقك اذا كانت ناقصة بيقول لك ارجع كملها .. وإذا كاملة بيعطيك رقم
تقريبا تنتظر كم ساعة " على حسب الزحمة " وأحيانًا في دقايق لين مايجي دورك
إذا وصل رقمك .. الموضوع ماياخذ دقايق
تعطيهم الجواز وهم يطبعون لك التأشيرة ويلصقونها على الجواز
أتمنى أكون ساعدتك ، وأي سؤال لا تردد

إلى الأخ مبسوط
طبعا تقدر ترسل أوراقك بالبريد ..وماتاخذ 3 أيام .. بس موضوعها يخوف .. لأنك بتبقى تعد الأيام والساعات لحد مايرجع لك جوازك .. فأنا أنصحك من واقع تجربة .. أنك تنقز على دبلن أفضل
إن شاء الله انت راح تخلص أمورك الساعة 11 الظهر تقريبا .. وبعدها عندك وقت تقضيه في دبلن لين الساعة 5 العصر " الموعد الأفضل لمغادرة دبلن إلى قالوي .. على الاقل ترتاح شوية في دبلن وتتمشى هناك

فيه مطاعم وأماكن ترفيهية جميلة ممكن تقضي فيها وقت .. بعد ما تخلص من مكتب الهجرة ..
أنا بصراحة ما أعرف عن خبرتك في دبلن .. لكن إذا أحتجت اي مساعدة فقط أسئل وراح أجاوبك إن شاء الله على قدر علمي

ام بخصوص إمكانية تعويض قيمة تأشيرة الدخول والخروج من قبل الملحقية .. فأقول التالي:
عند سداد قيمة التأشيرة في أي مكتب من مكاتب البريد المنتشرة " في حالتك سيكون مكتب البريد في قالوي في متناول اليد، وبإمكانك أيضا شراء الحوالة البريدية من مكتب البريد الذي ستجده بعد خروجك من " اللويس " " سيسلم لك الموظف المختص فاتورة صغيرة أحتفظ بها ..
لأسترجاع قيمة التأشيرة اذهب إلى مكتب الملحقية الثقافية في دبلن .. الذي ستجده في ظهر مبنى " مكتب الهجرة " وسلمهم الفاتورة مع صورة لـ جواز السفر وإن شاء الله راح يردون لك التعويض
وهذا وبالله السداد

بغض النظر عن المعلومات التي أضفتها في الردود اللاحقه.. ( برغم أهميتها)..
أنا أود التعليق على " فزعتك" التي جعلتك تتحمس بالتسجيل والرد..

وأقول..
والله أنك رجل.. أبن رجل...
ويا عل اللي خلفوك في الجنه..

وحقيقة أنا في جولوي ولا أعرف دبلن جيدا..

وقد واجهتني مشكلة الفيزا عندما ذهبت للسعوديه لظرف "طاريء" فقد تفاجاءة بأنه يلزمني أستخراج فيزا للدخول من جديد لايرلندا..
وذهبت للسفارة الأيرلنديه وعملت التأشيره.. و "كانت بهذله" بالنسبه لي في وقتها لإنني لست من الرياض.. وكانت الإجازة لمدة أسبوع فقط..

عموما أنا الآن.. أود أن أستخرجها... لإني ودي أروح لبريطانيا..
وودي أعرف بعد أش طريقة هالبريطانيين علشان التأشيرة..

والله جاني أحساس في الفترة الأخيرة اني "بنقالي"...!


لك كل الود.. وفائق الأحترام مرة أخرى..

الابلكيشن تطبعه من الانترنت لو بغيت تكون اوراقك خالصه ,او اذا دخلت هناك بتلقى( عند الشخص اللي يشيك على الاوراق اذا كامله او فيها نقص) اوراق الابلكيشن ممكن تاخذ منها وتمليها في اثناء انتظارك.
بالاضافه الى مبلغ ١٠٠ يورو تعمله كشيك في مكتب البريد اللي موجود قدام ٢يورو تقريبا اللي قبل الشوب ستريت
ورقة من المدرسة
وصورتين
وبطاقة الامقريشن
ان شاء الله هذا هي الطلبات ومااكون نسيت شي

تقدر تطلع الفجر بالقطار او الباص وانا افضله لانه يوقف بالضبط عن الاوكونيل ستريت يعني تنزل من الباص تقطع الجسر تمشي خطوتين الا انت عند مكتب الامقريشن ومايجي الظهر الا انت بجولوي. وان شاء الله مايصادفك زحمه .لان لو زحمه الله يعينك على الانتظار

بالنسبه لي انك تروح بنفسك افضل واضمن مثل ماذكر الاخ جزاه الله خير .. وبنفس اليوم

وبالتوفيق ان شاء الله

الله يسعدك يا أماني..
ولا يحرمنا هالمعلومات والطله الجميله...

ودائما.. وأنتي في الموعد..

لدي ورقة الجامعة.. مضى لها ما يقارب الأربعة أشهر..
فهل تفي بالغرض.. أم لا بد من ورقة جديده..؟

وهل يتم طلب صورة من "بطاقة الإقامة" الأيرلنديه..؟

وهل لديك خلفية فيما يتعلق بإستخراج الفيزا البريطانيه..؟
لأنه أذا كانت العمليه سهله.. "أعملها" سوا خلال روحتي لدبلن...

شكرا..