تنبيه لمن يريد فتح حساب في البنك

March 18th, 2012, 12:35 AM

السلام عليكم
حبيت اوضح لكم امر حصل معاي
بالنسبه لموضوع فتح حساب بالبنك
للعلم فقط
تعامل البنوك هنا بشكل عام متخلف
اغلبهم يطلبون اوراق واثباتات بزياده عن المعقول
اللي حصل معاي اني جبت قبول من معهد دلفين لفترة 3 اسابيع كتجربه للمعهد
اخذت خطاب لمن يهمه الامر من المعهد والملحقيه
وذهبت فيها للبنك
طبعا بعض البنوك ممكن يقولك هذا معهدك مانتعامل معاه
مو مشكله تروح لغيره
بس المصيبه ان الباقين قالو لي فترة 3 اسابيع مانفتح لك فيها حساب
لازم فترة دراستك اطول
اقل شي شهرين ؟!
حاولت افهم اني مبتعث واني راح اغير او امدد بعد نهاية الثلاث اسابيع لكنهم رفضو
باختصار ما اقدر افتح حساب !!
لكن احدى الموظفات انقذتني
وقالت ممكن نفتح لك حساب بشرط تجيب رقم pps
رحت قبل امس وقدمت عليه وراح يرسلونه لي على عنواني بعد اسبوع
مايستفاد من الموضوع هو
حاولو انكم تجيبون قبول لفترة شهرين على الاقل
واهم نقطه يكون مكتوب عنوانكم الي في ايرلندا على نفس ورقة لمن يهمه الامر
الي تاخذونها من المعهد
ان شاءالله اني وصلت لكم الفكره
طبعا هذا الكلام لاخواننا الي للحين ماوصلو لايرلندا
وبالتوفيق للجميع

• نشر عبر تويتر
• نشر عبر فيسبوك
• نشر عبر جوجل