ممكن مساعدة اخواني بخصوص طلب تعويض الفيزااااااااااااااااااااااااااااااااااااا؟؟؟

بالنسبة لسوالك عن الفيزا (( انا قدمت الطلب عن طريق البوابه طلب تعويض للفيزا وارفقت سكان من الجوازات وختم الدخول والفاتوره وكانت فاتورة واحدة لي انا واخوي المرافق ... وارسلت الورقه بالبريد للملحقيه في لندن وتم تعويضي عليها ... هذا قبل لا يفتحون ملحقية ايرلندا )) فانت قدم الطلب وقدم الفاتورة للملحقية بنفسك لكن ما ادري هل بيعوضونك او لا لان الاصل مو معاك ...

طلب تعويض الاقامه تطلب تحت مسمى رسوم تسجيل الشرطة
طلب ري انتري فيزا تحت طلب رسوم فيزا (( واطلب منهم وانت تسويها يعطونك ايصال لها ))

بعد تقديم الطلب والموافقه عليه تصلك رساله على البريد برقم الطلب ويطلبون منك ارسال اصول الفواتير فتوديها لمكتب الملحقيه في ايرلندا
عادي تحطهم كلها مع بعض بنفس الظرف

مشكوره اختي CO GIRLS انا سويت مثل ماقلتي بردك ردوا بالرفض يقول الرد لكل طلب ايصال مستقل ؟؟؟مدري ايش قصدهم وانا الايصال انا وزوجتي واحد طيب كيف انتي قبلوا وانا ردوا بالرفض ؟؟؟ طيب الشي الثاني انتي تقولي اودي الفواتير الاصلية الملحقية اللي عندنا بدبلن مع ان اغلب الاخوة يقول ان الملحقية هنا ماعندها اي صلاحية بذلك هي مجرد مكتب للمساعدة بفتح ملف او لنسخ اوراق او ماشابة ..كل مايختص بالتعويض وخلافة عن طريق ملحقية ايرلندا ببريطانيا فقط ...هل انتي اختي تعرفين احد من الاخوة المبتعثين او المبتعثات سلم الفواتير شخصيا الى مكتب الملحقية في دبلن ولا ارسلهم الى ملحقية بريطانيا ؟؟؟؟؟؟
ايضا ايش ذنب اللي مايدري وسلم الايصال الاصلي للسفارة الايرلندية عند تسلم الجوازات ؟؟؟

انا شخصيا عبيت طلب تعويض ري انتري فيزا عني وعن بنتي في ايصال واحد ولما قدمت كتبت لهم عالشي في الملاحظات ووافقو عليه
وبالنسبة للاصول فانا ارسلتهم على عنوان الملحقية في ايرلندا وعوضوني عادي ..

مشكورة اختي سمر طيب معنى كلامك اني اقدر اسلم الفواتير شخصيا للملحقية في دبلن 2 لان محل سكني قريب منهم ولا لازم بالبريد ؟؟...والسؤال الاهم هل موظفي ملحقية دبلن 2 هم من يدققون الفواتير ويطابقونها وإلا هم بس وسيط يستلم الفواتير ويرسلهم الى الملحقية في بريطانيا ؟؟ لاني اذا هم يراجعونها ممكن اقدر اكلمهم عن ايصال السفارة الايرلندية بالرياض موعندي لاني سلمته للسفارة يوم استلم الجوازات بس عندي سكان للايصال سويته قبل اسلمهم الايصال وطبعا عندي صورة من الايصال ..ان شاء الله يتعاونون ويعوضوني ..باقي الايصالات والفواتير الاصلية حق بطاقات الامقريشن والري انتري الحمدلله كلها موجودة .

الافضل انك ترسلها مباشرة لندن
لاني سويت مثلك واعطيتها الملحقيه وهم ارسلوها بالبريد للندن واخذت وقت كثير على بال ما عوضوني ندمت اني ما ارسلتها بنفسي
وسوولي زيك انا حطيت الطلبات كلها مع بعض وارسلولي كل واحد لحال معن احنا فاتورة وحده
قمت سويت لكل واحد طلب لحال ولما جتني على الاميل كل واحد رساله فيها الرجا ارسال اصل الفواتير
طبعتهم وحطيت الفاتورة معهم واعطيتها الملحقيه

ياخوي روح بنفسك للملحقيه ومعاك كل شي من جوازات وايصالات واعطيها الشباب هناك يساعدونك خاصه محمود الله يوفقه

بنسبه للايصال الي سلمته السفاره على اي اسااس ياخوي عطيتهم الايصال .؟

وان شاء الله يساعدونك بس انت اشرح وضعك لهم ومايقصرون معاك بتوفيق لك اخووي

اختي كبرياء مبارك عليك الشهر ...انا من وديت اصل الفواتير الى الملحقية صار لي قريب شهر والى الان مانزل التعويض توقعته ينزل مع المكافاة بس للاسف مانزلت التعويضات وحالة الطلب في البوابة لسه بإنتظار ارسال الفواتير مع اني مثل ماقلت لك وديتهم الملحقية قبل 27 يوم ؟؟؟؟

اختي مبارك عليك شهر رمضان , انا اتوقعت لو اعطيتهم مكتب الملحقية في دبلن يكون اسرع خصوصا بعد نصيحة الاخت كبرياء جموح لو ادري انها بتطول كذا ارسلتهم لندن افضل لي ..رغم ان ارساال البريد من دبلن الى لندن لا يستغرق اكثر من اربعة ايام بالكثير فليش المكتب هنا ياخذ هالمدة الكبيرة ماادري ... ؟؟؟ انتي بعد كم يوم نزلت لك التعويضات وهل يكتب تنبيه في البوابة وتتغير حالة الطلب لاني الى الان من شهر ومكتوب الطلب في الملحقية ويرجى ارسال اصل الفواتير وانا معطيهم الموظف في المكتب من 28 يوم يعني بيكملون شهر ؟؟

كل عام انتي بخير . بعد كم اسبوع عوضوك اختي الكريمة سمر ؟؟؟