مساعدة فزعتكم جامعات تقبل درجه 5 ايلتس مع العلم ان الرايتنق 6

الاكثر الجامعات تقبل 5
بس بعظها على حسب التخصص حقك على ما اعتقد

فاونديشن تنقبل على طول

والله الموفق

الدرجه المطلوبه للبكالوريس 5 ونص ,,,
الدرجه المطلوبه ل الماستر 6ونص وبعض الجامعات 6
والبري ماستر 5 ونص ,,, وموضوع الايلتس ما اعتقد يتساهلون فيه ,,, الا اذا كان عدد المتقدمين قليل جدا وهذا احتمال جدا ضعيف

اذا بكالريوس ٥ ونص واذا ماستر من ٦ الى ٦ونص او ٧ على حسب التخصص مثل ماذكرت الاخت سي اس ربي يجزاها خير
صعبة جدا تلقى قبول بـ٥ ..وهنا بالذات الايلتس اهم من كل شي عندهم بس مااعرف اذا تبغى فاونديشن مثلا!مو متأكدة من الدرجة .

وماشاء الله تبارك الله حلو الريتنج عندك ٦ لانه هو الاكثر عقبة عند السعوديين
فـ تقدر تقدم تختبر وتجيب ان شاء الله درجه اعلى

وربي يوفقك ان شاء الله

احد الزملاء تم قبوله في الماجستير ومعه ايلتس 5 فقط، لكن السبب في هالشي انه معاه خبرة عملية فوق 14 سنة ،
و عمل مقابلة شخصية مع course leader , وتم قبولة بالجامعه بدون فاونديشن ولاشي،،

السر في هالموضوع هو كالتالي:

تراسل بشكل مباشر course leader و تشرح له كل امورك، و اذا قدرت تكلمه بالهاتف او تفابله شخصيا فبكون افضل وافضل
لان للاسف من واقع خبره ان اغلب الجامعات الايرلندية ما يتجاوبون معاك بشكل مباشر عبر الايميل،

اذا اقتنع فيك course leader فأمورك باذن الله محلولة،،

ومع ذلك، دامك ماشاء الله اخذت 6 في الرايتنق، و معدلك 5، فانا اشوف انك تعيد الاختبار مرة ثانية، لعل وعسى باذن الله تجيب 6 او على الاقل 5.5

وعسى الله ييسر امرك