اسـتفسارت الامقريشـــن ؟

ماعندى خلفيه عن اللى يدرسون على حسابهم لان وضع المبتعثين غير

عشان تاخذ الجواب الاكيد

تقدر تشوف الموقع حقهم وتشوف المتطلبات او تروح لهم بنفسك عند الكاونتر اللى يوزع ارقام اسال عن اللى تبغاه

اخواني ممكن احد يفيدني عن استفساري حيث إن بطاقة الامقريشن تبعي خلصت من شهرين تقريبا وابغي اجددها الحين هل هناك غرامة او لا ؟؟؟ وبالنسبة الى دفع رسوم الإقامة هي طبعا على حساب الملحقية ماهمني رفعوها والا نزلوها هههههه بس لإني بسوي شيك درافت للرسوم كم اعمل قيمة الشيك اذا صارت مدة الاقامة اربع شهور ؟؟ انا كانت اقامتي قبل ماتخلص 5 شهور ب150 يورو ..الان هل ادفع 300 يورو نفس اقامة اللي مدتها سنه او ماذا ؟؟؟
وبالنسبة لرسوم الري انتري تغيرت والا لسه على حالها ؟؟
ياريت يفيدنا احد من الأخوة او الأخوات ربي يوفقكم .

ماسمعت احد عطوه غرامة من قبل
رسوم الاقامة ٣٠٠ فراح تكون ٣٠٠ سواء طلعو لك ٤ شهور ولا سنة حسب مااعتقد (مثل ماكانت قبل ١٥٠ سواء ل شهرين ولا سنة)
الري انتري مثل ماهي اما ٦٠ للسنغل او ١٠٠ للملتي

هل هو ضروري إحضار ما يثبت التأمين الطبي أو ممكن التغاضي عن ذلك من مكتب الهجرة!

الاغلب مايطبونه لكن احيانا بعض الموظفين يطلبونه
انا لمن رحت ماسالوني عنه اكتفوا بورقه المعهد وتعريف الملحقيه وكانت فيه سعوديه بنفس اليوم معاي وطلب منها الموظف شى يثبت انو معاها تامين
وطبعا ورتهم بطاقه التامين ومشي الحال ..... فاذا البطاقه معاك حقت التامين فخذها من باب الاحتياط

وفقك الله بكافة أمورك أختي الكريمة! تحياتي.

اكتشفت للتو ان ما عندنا تعريف من الملحقية مذكور فيه الهجرة!
الموجود لدينا موجه الى من يهمه الأمر ولكن كان بخصوص عقد الإيجار!!
وطبعا بأسم المبتعثة فقط والمرافق ما له أسم فيه فهل هذا يكفي لمكتب الهجرة!!!
أو لابد من طلب تعريف جديد من الملحقية مذكور فيه الهجرة وكم يستغرق ذلك الأمر!!!!
مع العلم اني مرافق دارس بالمعهد وعندي خطاب من المعهد يفيد بذلك والفيزا دراسية من السفارة!!!!!

اخوي الكهل لابد انك تطلب من الملحقية خطاب وراح يكون مكتوب انه لغرض استخراج الفيز .

بالنسبه لاخوي السائل هي نفس المبتعث اكيد لكن اللي راح يفرق انك تحتاج كشف حساب لانو ماعندك ضمان من الملحقية الا اذا جد جديد الله اعلم

عن طريق البوابه الالكترونيه اطلب من الطلبات طلب تعريف لغرض الفيزا
راح يوصل لك على الايميل والبريد نسخه منه ... واكتب بالملاحظات عند الطلب (( ارغب بتعريف للامقريشين للمبتعثه والمرافق ))
والورقه هي نفسها بتستخدم للمبتعثه والمرافق ...
تقريبا ياخذ يومين على ماتوصل بالايميل وحوالى اسبوع لوصولها للبريد
انا دايم اطبعها واستخدمها لكن اطبعها طباعه ملونه عشان يبان الختم ... لان طباعه ابيض واسود او تصوير قد يتم رفضها احيانا
او تقدر تنتظر لحد ماتوصل الورقه عن طريق البريد


موفق