بخصوص تصديق قبول المعهد

صباح النور

ايوا يتصدق القبول ارسله لهذا الايميل
Mdiaa@uksacb.org
بس الله يعينك استنى هم بإجازة اللحين

بالتوفيق

صباح الورد أخوي مخاوي .

يا خوي أنا جبت قبول من معهد Galway Cultural Institute بغالوي طلعت التأشيرة وقرار الابتعاث بدون تصديق .
كلمة وحدة بالملحق بايرلنا أسمه نور السامرائي مشرفة على ما عتقد وارسلة القبول له وقالت بالقبول هذا تطلع قرار الابتعاث والتأشيرة ولما تجي ايرلنا تفتح ملف ونرسل لكم الضمان المالي حق المعهد، ومنها طلعت قرار الابتعاث والتأشيرة ، ولا جابو لي طاري أي تصديق على القبول .
يعني القبول الي معك راح تستخرج به التأشيرة وقرار الابتعاث.
اذا في شي جديد مادري عنه أنا بداية الدراسة 04/02/2013 وارسلو لي قبول المعهد بتاريخ 12/11/2012 وتم اصدار الفيزة 10/12/2012 وقرار الابتعاث تم اصداره بتاريخ 15/12/2012
هذا والله يوفقك ،،،،

^
^
فعلا انا سمعت ناس ماصدقوا قبولاتهم

لكن الاغلب صدقها زي ماقالولنا بالملتقى

لكن الان يتضح ان الامر يمشي بدون تصديق

اهم شي المعهد مايكون متكدس

بالتوفيق لنا جميعا

- - - مشاركة محدثة - - -

^
^
فعلا انا سمعت ناس ماصدقوا قبولاتهم

لكن الاغلب صدقها زي ماقالولنا بالملتقى

لكن الان يتضح ان الامر يمشي بدون تصديق

اهم شي المعهد مايكون متكدس

بالتوفيق لنا جميعا

^
^
فعلا انا سمعت ناس ماصدقوا قبولاتهم

لكن الاغلب صدقها زي ماقالولنا بالملتقى

لكن الان يتضح ان الامر يمشي بدون تصديق

اهم شي المعهد مايكون متكدس

بالتوفيق لنا جميعا

^^^
الملحقية أنتهت إجازتهم ومداومين اليوم!

شكراً لتفاعلكم وشكراً لردودكم كلُ باسمه

الحمد لله ارسلت أمس القبول لإيميل الدكتور محمد ضياء وقبل شوي جاني الرد ومرفق معاه القبول مصدق من الملحق الثقافي


بس حاب أسأل إذا فيه أحد عنده معلومة أكون له من الشاكرين

أنا ابدخل جوازي الاثنين إن شاء الله عشان التأشيرة فيه سؤال واللي هو

هل أروح مباشرة ازين التأشيرة وإلا لازم أروح قبل للوزارة عشان الخطاب الموجه للسفارة من الوزارة كما سمعت << السفارة من الوازارة ووين عادل أمام السفارة في العمارة

لازم تاخذ خطاب من الوزارة موضح به اسمك والمرافقين ان وجود. ومنها تروح لسفارة بعد ما تعبي الابلكيشن وتطبععه وتجيب صورتين لوجهك الحلو مكشوفة الراس. وتقدمها على الاستقبال واحد بكستاني وياخذ الرسوم 360 ريال تقدمها الصباح ويكلمونك العصر تستلم الفيزة بنفس اليوم.
امل ان وصلت لك المعلومة لاني اكتتب من الجوال.
وتقبل تحياتي واي استفسار بالخدمة.

أشكرك أخوي مرافق طموحاً على ردك ويعطيك العافية


يا شباب لاهنتوا ممكن عندي كم سؤال اللي هم

1- ممكن وصف المكان اللي اطلع منه تأشيرة لإيرلندا بالرياض ؟ وهل هو السفارة نفسها أو مكتب التأشيرات ؟

2- ممكن أيضا وصف المكان اللي اخذ منه الخطاب الموجه للسفارة وقرار الابتعاث بالرياض ؟ وهل هو الوزارة نفسها أو وكالة البعثات أو مبنى آخر ؟

3- ممكن أيضاً أعرف هل أخذ امر الإركاب من نفس المكان اللي أخذ منه الخطاب الموجه للسفارة وقرار الابتعاث أو غير ؟ وإذا كان غير هل ممكن الوصف بالرياض ؟

4- إذا طلعت أمر الإركاب كيف أقص التذكرة وأكد الحجز هل هو نفس المكان أو غير ؟ وإذا كان غير هل ممكن الوصف بالرياض أو أقدر أقص التذكرة من مكان ثاني ؟


أعرف طولت عليكم بأسئلتي ولكن أحتاج جداً للإجابة لإني ماني من أهل الرياض ولا أدل

شكراً لكم جميعا وتقبلو فائق تحياتي حبايبي

أخوي مخاوي الناس لناس والكل بالله الحين اشرحلك الي صار معي أنا ماني من الرياض بس أعلمك الي سويته . شغلك كله بوكالة الابتعاث برنامج خادم الحرمين الابتعاث الخارجي الي بحي الغدير قريب من طريق الملك فهد، تروح لهم وتجيب معك قبول المعهد وصورة الجواز والضمان المالي الي أرسلوه لك ،تدخل وتلقى على طول قدامك الاستقبال تقول أنا من المرحلة الثامنة وبي خطاب لسفارة الأيرلندية يعطيك رقم ووتروح للموظف الي رقمك عنده وتستنى لين يجي رقمك وتطلب منه خطاب لسفارة الأيرلندية وانت واقف يخلصك كلهم خدومون وما يعطلون احد ، اهم شئ تجئ بدري على الساعة ثمان الصبح على شان تخلص الخطاب وتطلع على طول لحي السفارات وتروح لسفارة أيرلندا (ونت داخل مع بوابة حي السفارات بعد التفتيش ثاني دوار تأخذ يمين يكون مركز الدفاع المدني على يمينك وتأخذ دوار إجباري قدامك وبعده تشوف لوحة السفارة يمين حوالي ميتين متر بعد الدوار) اهم شئ تكون أوراقك كاملة الصور والابلكيشن طابعة وقبول المعهد وتقدمه على الاستقبال فترة استقبال استخراج الفيز من ثمانية ونص صباحا لين العاشرة ونص صباحا يعني خلك متواجد بالوقت هذا بعد ما يستلمون منك الجواز يقولون لك على الثلاثة العصر يكلمونك يقولون تعال خذ الجوازات بعد ما تأخذ الفيزة تروح بكرا الصبح لنفس موقع الوزارة الابتعاث الي بحي الغدير الي خذيت منه خطاب السفارة وتصور الفيزة والجواز وقبول المعهد وتقدمها عليهم وتجلس حوالي ساعتين ويصدرون لك قرار الابتعاث تأخذ صورة من قرار الابتعاث وصورة من الجواز وتقدم على أمر الإركاب بنفس المبنى وطلع التذاكر كذالك من الطيار الي بنفس المبنى ، يعني شغلك يبي له يومين إذا أوراقك كاملة . أمل أن وفقة وجاوبت على تساؤلك ، ولا تتردد بأي استفسار