استفسار بخصوص اسعار السكن في دبلن وعن المواقع

حبيبي المعهد ترى ياخذ عمولة من العايلة .. ولا العايلة يمكن تاخذ من 600 ل 750 ولكن المعهد له عمولة شهرية من العائلة بالاضافه الى عمولة يقول لك عليها ياخذها اول مرة عشان حجز العائلة حوالي 60 يورو ياخذها اول شهر بس ..

اعتقد الافضل تاخذها من المعهد لمدة شهر على الاقل لأنك لو ما عجبتك العائلة تقدر تغيرها بعد ما توصل بس لو تحجز بنفسك عائلة ممكن تتورط شوي .. بعض الشباب يحجز العائلة عن طريق المعهد وبعد ما يسكن معهم يتفق معاهم بسعر أقل ويصير يدفع لهم مباشرة

هذا اللي عندي والله ييسر أمرك

الله يعطيك العافية وماقصرت ..

انا والله ما عندي علم، لكن بما انك مبتعث جديد حبيت اسآلك عن الابتعاث.

انا طالب بكلريوس في امريكا و بتخرج الترم هذا انشالله و ودي اطلب ترقية بعثه للماجستير في ايرلاند. هل الابتعاث مفتوح لدرجة الماجستير في ايرلاند؟

شكرا

أخوي انا بعد على نفس المعهد رايح توكل على الله واحجز السكن عن طريقهم بعدين اتفق مع العائله

على الاشهر اللي بعدها

بنسبه للتذاكر اشوف افضل طيران هو الفرنسي تقريباً من الرياض الى دبلن 10 ساعات

حاليا مفتوح للدفعة الثامنه ، ولو بتطلب الابتعاث للماجستير يمكنك يخلونك تسجل مع الدفعه التاسعة

- - - مشاركة محدثة - - -



انت قالوا لك نفس السعر بخصوص العائلة ؟

بخصوص الطيران انا اخذت على الاتحال مع انه اطول وقت لكن يسمح لك بالحقيبه الى ٣٠ كيلو
الفرنسية ٢٣ كيلو

الله يا زمن أنا ابتعثت قبل ٣ سنوات أخذ المعهد مني حجز للعايلة 520 يورو كانت عائلة ممتازة جداً بس بعيدة كثير عن المعهد جلست عندهم شهر حتى حصلت سكن خاص فيني 700 يورو غير الفواتير .... أنصحك تحجز شهر مع العيلة وبعدين تدور سكن خاص لك خلا الشهر بالتوفيق

الله يعطيك العافية ، وهذا اللي بيصير ، باخذ لي من المعهد عايلة اول شهر وبعدها اذا اعجبتني العايلة بحاول اتفق بيني وبينهم والا اشوف لي عايلة ثانيه كم شهر بعدها اطلع سكن خاص ..


مشكور على رأيك ومشورتك ..

اخذو مني 980 مع حمام خاص بالغرفـه

السكن في دبلن16

الله يعطيك العافية ، وجاري التفاهم معهم حاليا وان شاء الله تتيسر اموري