تحويل المبلغ من السعودية الى ايرلندا ؟ الله يرضى عليكم

وعليكم السلام اخوووي

فيه الويسترن يونيون يوصلك سرريع ان شاء الله
ووتقدر تستلم المبلغ في مكتب البريـــد تعبي استماره ببيانات معينه وتجيب معك الجواز واعتقد فيه مكاتب اخرى تستلم منها بس ماعندي فكرة عنها

وأعـــــانكم الله جميعا ان شااء الله

الله يعطيك العافيه أختي

هذي اللي استلم منهم المبلغ من هنا

لكن اللي بيرسل لي من السعودية وش وجهته ؟
وكيف اعرف ان المبلغ بيوصلني على الاماكن اللي قلتيها
ولازم العنوان حقي هون
والا بس يدفها لدبلن وانتهينا !

وضحي لي لو سمحتي

احترامي

اللي اعرفه انك تستلمهم من وسترن يونيون
وكذلك بالسعودية يرسلوهم من وسترن يونيون مكاتبهم منتشرة يروح ويعطيهم المبلغ ويقولهم ايرلندا دبلن ويعطيهم اسمك مثل الجواز ويمكن رقم تلفونك بدون عنوانك .. بيعطوه ورقة فيها رقم .. تاخذه وساعة بالكثير تروح للمكتب بجوازك وتوقع وتستلم الفلوس وبالتوفيق

الطريق ياعزيزي انه احد يودع مبلغ بأسمك مثل ماهو بالجواز بويستيرن يونيون فرع السعوديه وراح يعطونه ايصال فيه اسمك ورقم سري
بنفس الوقت تروح لأي فرع لويسترن يونيون او وكلائهم بأيرلندا وتديهم اسمك والرقم السري وتصطحب معاك جوازك وتستلم المبلغ

رسوم التحويل عن طريق ويسترن هي 20 دولار على المحول+ فرق العمله
الافضل تحول عن طريق البنك اذا عندك رقم خساب والتحويل ياخذ 48 ساعه
الويسترن التحويل ياخذ دقيقة :-D

عذراً الاستلام مو لازم بنفس الوقت تقدر تستلمها بعد شهر بس اقصد بمجرد يودع المبلغ بأسمك وعندك الرقم السري اللي استلمه اخوك بعد التحويل تقدر تسحبه من اي فرع لويسترن يوتيون حول العالم

- - - مشاركة محدثة - - -

عذراً الاستلام مو لازم بنفس الوقت تقدر تستلمها بعد شهر بس اقصد بمجرد يودع المبلغ بأسمك وعندك الرقم السري اللي استلمه اخوك بعد التحويل تقدر تسحبه من اي فرع لويسترن يوتيون حول العالم

^^^
أعتقد إن في طريقة سريعة إذا عندك حساب هناك ومعك بطاقة الصراف هنا تسحبها كاش من الصرافات الايرلندية لكن تأكد من وجود شعارات على بطاقة الصراف السعودية موجودة على صرافات أيرلندا!
إذا تأكدت من كل ذلك خل أحد يودع المبلغ بالحساب السعودي واسحب المبلغ هنا باليورو ولكن تأكد ان المبلغ متقارب واعمل احتياط لمبلغ العمولة على ذلك هناك من 50 الى 100 حسب نظام البنك السعودي!!
وإذا ما عندك حساب إستعن بصديق!! لديه حساب هناك ومناسب لإتمام العلملية المذكورة،، هذا والله أعلم ،، تحياتي.

هالطريقه حلوة بس مشكلتها انه يحصل عليك فرق العمله مرتين من البنك الايرلندي ومن البنك السعودي "البنك السعودي يبيع لك اليورو بالريال والبنك الايرلندي بيشتري الريال باليورو" ورسوم العمليه البنك الايرلندي حيصل رسوم عمليه والبنك السعودي كذلك فتكون انت الخحاسر الاكبر والحلقه الأضعف ولا تحتقر المبالغ اللي يحصولنها لانه راح يبيع لك العمله بسعر غالي ويشتري بسعر مره رخيص ارخص من سعر السوق لو تشتريها
افضل طريقه اذا كان عنده حساب في بنك ايرلندي انه يحول مباشره من البنك السعودي للايرلندي ورسوم التحويل ٢٠ ريال في اغلب البنوك وفرق العمله ياخذها البنك السعودي عند التحويل لان يبيع لك الريال باليورو وخلاص دايركت بحولها لك يورو

^^^
الرجل مستعجل!
والتحويل بين البنوك يستغرق وقت لا يقل عن 5 أيام!!

الله يعطيكم العافيه كلكم
ماقصرتوا والله

لكن انا كنت ناوي اعطي اخوي رقم الحساب لانهم ماياخذون منه الا ٦٠ تقريبا
ولو بيرسلها على مكاتب هنا يمكن يأخذون منه مبلغ جامد

لكن المشكلة ان البنك يطول ! والمكتب بأخذها بنفس اليوم والوقت

الله يعين