مساعدة المبتعثين في مدينة ماينوث... ارجو المساعده

مافيه ولا رد

يعني مافيه اي مبتعث هناك


تكفون حاسه9 اني تورطت

حتى لو مشاركه معنوية

وعليكم السلام ورحمة الله وبركاته

ان شاء الله تلقين اللي يرد عليك بالجواب الشافي

بالتوفيق

صراحه انا اول مره اسمع فيها ماينوث في ايرلندا شكله مافيها سعودين كثير وذا كان كذا افضل لك

انا ادرس في جامعة ماينوث

الجامعه جميلة وكبيره وفيها حرم جامعي كبير يرد الروح ( أشجار وخضار ويشقها نهر من النص )
التخصصات فيها كثيرة وسهل الحصول على قبول فيها

بالنسبة للوضع فيها ممتع من كل النواحي هي مدينة صغيرة فيها كل شي ماتحتاجي أي شي من خارجها

الامان فيها جدا عالي

بالنسبة للسكن عندك خيارين :
١- السكن في ماينوث نفسها ( شقق فخمة والايجار فيها رخيص قدام باب الجامعه )
٢- السكن في دبلن ( تستخدم القطار مدة ٢٠ دقيقة وانت عند الجامعه )

الفرق
١- السكن في ماينوث
في ناس تحب تسكن جنب الجامعه مايتاخر او يتكاسل عن محاضرة و هدوء ويركز طول الأسبوع والفله الويكند ( بالذات انه ارخص من دبلن )
وتستفيد من كل خدمات الجامعه المجانية ( نادي و مسبح وملعب كوره و مكتبة وغرف مذاكرة )
واذا حب الأسواق والسينما والزحمه وكذا يروح في الويكند بالقطار ٢٠ دقيقة وانت في قلب دبلن
ارخص وأركز للدراسة لانه مافي كثير سعوديين وكذا

٢- السكن في ددبلن في ناس تحب تسكن في دبلن جنب المحلات الحلال والأسواق والسعوديين والمعاهد ( فكرتها الجامعه من الصباح للعصر فقط)
باقي اليوم ارجع للبيت طفش خليني في دبلن اقدر اتمشى في السيتي أروح سينما أروح الجيران وكذا


القرار لك لكن يعتمد على أشياء

هل انت متزوج او لا
عندك أطفال او لا مرافقك يدرس او لا

انت بتدرس بكالريوس او ماستر
أعطيني وضعك واسالتك بالضبط وأنا أنصحك وسأساعدك بكل ما اعرف الى أن تستقر أن شاءالله

اتمنى أكون افدتك

طالب معرفة الابتعاث , اصعب فراق

الله يعطيكم العافيه ومشكورين على الدعم المعنوي

طموح للأبد

اولاً يعطيك العافية

ثانياً انا جايه مع اخوي والوالده وكلهم مرافقين لي

مافيه احد راح يدرس الا انا

دراستي ماستر ان شاء الله تخصص رياض اطفال

ابي اسال عن المدينه نفسها كيف خاصة ان معي الوالده واخوي وماراح يدرسون يعني هل فيه اماكن لهم يرحون يجون يغيرون جو

السكن كيف هل فيه مجمعات بسفتي او لا

الامان في المدينه

بما انك هناك وش تنصحني فيه

وشكراً..

انتي عندك قبول تهائي يعني راح تبدئي الماستر بدون لغه ؟

بالنسبة للسكن أنصحك لا تستعجلين الى أن تجئ وتشوفي بنفسك وتقرري

انا بالنسبة لي المدينة هادئة وصغيرة وفيها كل شي تحتاجينه سوبر ماركت ملابس اكسسوارات مطاعم كل شي ماعدا سينما في دبلن
لكن زي ماقلت من قبل القطار ٢٠ دقيقة وانت في قلب دبلن ( السينما ماراح تكون كل يوم ممكن في الويكند )

بالنسبة للمجمعات في مجمع تقريبا في وسط المدينة مقابل الجامعه وتحته سوبر ماركت كبير وساكن فيه سعوديين و سيكيورتي عالي وبوابات بأرقام سريه وكذا
Castlekeep House, Lyreen Manor, Maynooth, Co. Kildare - Apartment to let

هذا رابط للشقه والمجمع تأخذين فكرة بس ( اجاراته تقريبا ٩٠٠ نفس الفخامة والنظافة هذه في دبلن ب ١٢٠٠ الى ١٤٠٠ تقريبا

حتى لو اخوكي حب يدرس لغة في معهد صغير للغه صغير

البلد جميله والجامعة جميلة واذا كنتي ماستر فقط يعني سنة واحدة ممكن توفري في المكافأة
على العموم انا مستعد لإجابة جميع أسألتك
واذا حددتوا موعد السفر ممكن أساعدكم باللي اقدر عليه

اتمنى أكون افدتك

اخوي المعذره بس تقدر تفيدني بتخصصات ماستر انجليزي (معي بكالوريس انجليزي) في هذه الجامعه
وشكراا
اعتذر من صاحبه الموضوع على المشاركه في موضوعها

يوجد فيها اربع تخصصات
1- master in theater
2- higher diploma in English
3- Master in Irish Literature and Culture
4-MAster in Postcolonial and World Literatures

هذا اللي شفته في الموقع
تقدر تدخل على موقع الجامع http://www.nuim.ie/
او الموقع اللي تقدم منه على اغلب جامعات أيرلندا وتختار اسم الجامعه تضغط على شعارها وتكتب في البحث اسم التخصص تجيك
Postgraduate Applications Centre Ltd

اتمنى أكون افدتك