مساعده الله لايهينك

October 7th, 2013, 01:21 PM

السلام عليكم ,

اتمنى الجميع بـ صحه و سلامه ..
انا ان شاء الله قدمت على الابتعاث لدراسة الماستر ( ماليه ) في دبلن
واجراءات الابتعاث الحمدلله ماشيه كويس , باقي اخر شي القبول النهائي ,

عندي كم استفسار ياليت اللي عنده فكره يساعدني :

1- القبول حق الجامعه متى افضل اجيبه من هنا وانا في الرياض ؟ او اذا وصلت المدينه ؟
انا محتار بين جامعة ucd او dcu
هل فيه موعد معين للتقديم , ولا عادي اذا وصلت المدينه اروح لهم و اجيب القبول ؟

وبالنسبه للقبول راح يكون قبول مشروط بدرجة الايلتس
فيه موعد معين عشان اجيب الدرجه المطلوبه ؟
ولا عادي مثلا قبل بداية الدراسه اللي هي في شهر سبتمبر
مثلا قبل البدايه بيوم او بأسبوع او اسبوعين ؟


2- بالنسبه لـ معهد اللغه , افضل اخذ معهد تابع للجامعه اللي راح ادرس فيها يعني راح يكون فيه تساهل بالقبول مع الطالب اللي دارس في المعهد حقهم
او افضل المعاهد الثانيه الخاصه ؟

3- تقريباً راح يكون عندي وقت لدراسة اللغه 9 شهور قبل شهر سبتمبر القادم اللي هو بداية الدراسه
لغتي " متوسطه" نقول بإذن الله راح اقدر اطورها واجيب الدرجه
طيب لو لاقدر الله ما قدرت اجيب الدرجه المطلوبه قبل سبتمبر
مافي حل ثاني إني استطيع بداية دراسة الماستر غير شهر سبتمبر !
يعني مو معقوله مثلا جبت الدرجه في شهر 11
اجلس لحد شهر 9 الثاني فاضي بدون دراسه او شي !
هل في جامعات تبدا دراستها في شهر غير سبتمبر او اي حل ثاني


4- قريت عن البري ماستر وان ممكن تبدا في شهر جانويري , استفساري كم مدة دراسة البري ماستر
هل هو مثل مدة الماستر سنه ؟ او اكثر ؟
وعن قوة شهادته


واعذروني على الاطاله
والله يعطيكم الصحه و العافيه .
تحياتي

• نشر عبر تويتر
• نشر عبر فيسبوك
• نشر عبر جوجل