السلام عليكم . استفسارات بسيطه لو تكرمتو

معقوله مافيه رد ...؟


( تمت المشاركة باستخدام تطبيق مبتعث )

حياك الله يا الغالي

شوف بدري للحين عشان تقلق بامور مثل ذي


وللمعلوميه لا تقلق باي معلومه براسك دامك نويت الجيه ان شاء الله

اهم شى وانت جاي احجز فندق قبل تجي وانت هنا دور بنفسك السكن المناسب وبتحصل كثير سعودين تسالهم عن الاماكن وكذا

دبلن صغيره وما تضيع فيها باذن الله

من ناحيه الانضمام ان شاء الله يضمونك بعد ما تجيب 5 ونص وقبول نهائي جامعي


من ناحيه التخصص لا اعلم عن الماستر بس لا تشغل نفسك فيه خلص لغه وخلي تركيزك على اللغه لمده سنه بعدها شوف التخصص حقك


لا تقلق ولا تشيل هم كثير

فقط وقت السفر جهز نفسك وطلع فيزتك واحجز فندق وانت كذا امورك في السليم

والباقي كل شى بتعرفه وانت هنا لانه البلد صغيره وبتعرف كل شى خلال اسبوع واقل بعد


بالتوفيق لك ان شاء الله

الله يطمن بالك حبيبي وانا متحمس لها حيل ان شالله .

بالذات اني احب الثقافة الاوربية والتاريخ . ولكن السكن هو اكثر شي مشغل بالي . ولاتنسى انه لو تبي تاخذ فندق راح يكون مكلف حيل وماتدري تحصل ولا لا وانت بالفندق .


( تمت المشاركة باستخدام تطبيق مبتعث )

في انتظارك مشاركة الاخوان للي لهم خبره في دبلن ..


( تمت المشاركة باستخدام تطبيق مبتعث )

يا هلا فيك أخوي، دبلن صغيرة وهادئة والشعب الايرلندي محترم ولا يتدخل في الخصوصيات وطبعا لو حصلت بعض الحالات الشاذة تظل قليلة.

بالنسبة للسكن أنا عند بداية وصولي في 2012 سكنت مع عائلة لأقل من 3 أسابيع وبعدها حصلت شقة في مدة أسبوعين تقريبا وانتقلت لها، كانت الشقة بسعر مناسب وفي منطقة دبلن 8 قريبة من السنتر. بعد انتهى عقدي رجعت لإجازة طويلة نسبيا قبل بداية الماستر في سبتمبر الماضي ولما رجعت سكنت مع عائلة لثلاثة أسابيع تقريبا وكان موضوع البحث عن شقة جدا صعب، طبعا في موقع مشهور وهو Daft.ie - Property for sale and houses for sale or rent in Ireland لكن المشكلة ما كان في شقق متوفرة بشكل كبير والأسعار كانت خيالية، وبعد معاناة حصلت شقة في موقع متميز في دبلن 8 ولكن سعرها مرتفع مقارنة بمستوى الشقة.

أنا المرة الأولى وصلت في مارس 2012 بينما المرة الثانية كانت في سبتمر فاحتمال أن السر في التوقيت خصوصا أن سبتمر يكون بداية السنة الدراسية. اعتقد من الأفضل أنك تحجز لك عائلة في أول ما تجي لأنك مو بالضرورة تحصل سكن في وقت سريع يعني اعطي نفسك فرصة ثلاثة أسابيع إلى شهر.

المكافأة تكفي وتزيد إن شاء الله وبالنسبة لي أغلب المكافأة تروح للسكن والكهرباء!

بالنسبة للايلتس فاعتقد صعب تحصل على قبول مشروط للماجستير بـ 5.5 لأن حسب علمي أغلب الجامعات تطلب 6.5.


موفق

اخوي ماقصرت على المعلومات الله يعطيك العافيه . بالنسبه لي مع اختي فاصعب اسكن مع عائيله وانا اصلن معي عائيله .


( تمت المشاركة باستخدام تطبيق مبتعث )

ما لك إلا تحجز فندق وتحاول تسابق الوقت في التواصل مع الجهات اللي تعرض الشقق بموقع daft.

بالتوفيق

انا أيضا قادم الى دبلن بعد العــيد ان شاء الله

اكتر شيء مقلقني موضوع السكن ... وراح احجز فندق لمدة أسبوع على الأقل

عموما الله يسهل أمور جميع المبتعثين يارب

اللهم امين



اشوف رجينسي يمدحونه ولكن شكله بعيد عن معهد اطلس فا شكلي ابي اشطب عليه مالي الى دبلن ٤ او ٦


( تمت المشاركة باستخدام تطبيق مبتعث )