سبق وان تم منعي من الحصول على الفيزا البريطانية ماذ اكتب في الابلكيشن واسئلة اخرى

اجل اموووورك تمام

قدم فيزه واذا جاك سوال هل تم رفض لك فيزا او شى حط لا لا لا كل شى لا لا عادي

لانها ما عندك اي رفض سابقا جاء على جوازك

لا تقول ايه جاني رفض او شى كذا




حتى لو جاك سوال هل لديك جواز سفر غير الي عندك او شى كذا حط لا لا لا هذا اول جواز لك

بالتوفيق لك يارب وامورك تمام ان شاء الله مافيه شى

الله يجزاك خير اخوي وبارك الله فيك، معليش ازعجناك على هالصبح وشكرا جزيلا


( تمت المشاركة باستخدام تطبيق مبتعث )

اسمح لي اتدخل

اولا القيصر مشالله عليه فاهم وامش على كلامه


اذا انهم ماستلمو جوازك خلاص ماتعتبر انرفضت فيزتك

رفض الفيزا معناه انهم استلمو جوازك ومعاملتك كاملة بعدها رفضوها ومعها خطاب فيه اخطار بالرفض او سبب الرفض
او مثل ماقل القيصر ختم او شي من ذلك

من كلامك انك رسميا ماقدمت فيزا من الاساس
لانهم رفضو استلام المعاملة من الاساس ،، طيب كيف بيعرفونك اذا انهم ماخذو اسمك او بصماتك اوشي يدل عل هويتك !
علما بانهم اول ماعندعم بصمات اتذكر رحت بريطانيا حوالي عام 2003 ماكان في بصمات
واتذكر كان مقدمها لي مكتب الفيفا وكانت سياحيه

طيب عزيزي سؤال ولك حرية الاجابه
بصراحة ماهو سبب تعاملهم معك بهذي الطريقة او رفض استقبال طلبك ،، لان للامانة السفارة البريطانيه من اسهل السفارات وارقاهم تعاملا وانا رايح بريطانيا كذا مرة اخرها قبل سنة ،، وحت في المطار للامانة ولله تعاملهم ممتاز

ارجو ان ماتفهمني غلط بس قد يكون وقتها حصل في سوء فهم

بخصوص السبب انا مادري بالضبط حتى اذكر لقيت سعودي مقدم على تأشيرة لمدة ٦ شهور وكان عنده مشكله بأن اوراقه فيها نقص ويقول تعاملو معه بنفس الطريقة ،واللي تعامل معاي بهذة الطريقة هو موظف واحد بس لكن الشهادة لله كان فيه عندهم موظف سعودي متعاون جدا الله يجزاه خير ويوم رجعوني رحت للسعودي وقلت له ان الموظف رجعني وانا مادري ايش السبب قام السعودي وراجع اوراقي وقالي عندك نقص كذا وكذا،الله بجزاه خير ويفوفقه دنيا واخره،وكان فيه واحد بريطاني ثاني محترم ومتعاون ،بعني الموظف اللي قابلني هو بس اللي معصب مادري ليش وكان وقتها صيف وكانت السفارة زحمة ومليانه ناس يمكن هالبريطاني معصب من الزحمة هههههههه تبي الصراحة انا المرة هاذي فكرت اروح بريطانيا لكن خفت يصير معاي نفس الموقف وهذا اللي خلاني افكر بايرلندا على العموم الحمد لله على كل حال وعسى ان تكرهو شيئاً وهو خير لكم،الله ماكتب اني اسافر ذيك السنة وان شاء الله تعالى ابسافر السنة الجاية،وموكل الله سبحانه وتعالى"ومن يتوكل على الله فهو حسبه"


( تمت المشاركة باستخدام تطبيق مبتعث )

كان المفروض وقتها تشتكونه للقنصل لان مايحق له يتعامل كذا معكم حت لو كانت اوراقكم ناقصة
بس مافات مات

لكن اذا انك الحين تبي تقدم على ايرلندا ماشوف داعي انك تذكر هذا الموضوع ولاتجيب له طاري من الاساس
ولو قالو لك شي قلهم اساسا ماستلمو معاملتي ونتو قايلين ( هل رفض لك طلب فيزا من قبل )
وماتوقع لهذي الدرجة في تنسيق بين الدولتين

اللي اعرف ان هناك بعض المشاكل او الجنج اللي اذا سويتها في بريطانيا تمنع من الدخول لمدة محددة ماتصل عشر سنين
ونت من الاساس ماسويت شي ولا عليك شي ( حسب كلامك ) وقبل كل هذا ماستلمو منك شي

اذا بخاطرك بريطانيا انا اقول قدم وانسى هذيك المرة ولو صار شي اشرح لهم وماتوقع ان بيرفضونك

^^^

ما فات مات!
وصار ذكريات!!
أنس الموضوع بسلبياته وإيجابياته!!!
--------
عموما انا قدمت على الفيزة الإيرلندية وكان عندي رفض أمريكي قبلها بست سنوات وبجواز قديم!
كان جوابي على السؤال المذكور بلا النافيه! وما جبت طاري الرفض الامريكي ولا هم كذلك بالسفارة بالرياض أو الهجرة بأيرلندا!! أيرلندا عوافي وتساهيل!!! والسلام ختام..

انا على بالي وصلك خطاب رفض مو كل السفارات تختم بالرفض بس يرسلو لك اسباب وعلى بالي دخل بالإجراءات تبع الفيزا..

دام كذا امورك تمام انشالله لكن نصيحة لمن رفضت فيزته واستلم خطاب او ختم رفض انه يكون صريح ويذكر السبب سواء نقص أوراق او خلافه ويتلافى نفس الخطأ وانشالله يمشونه لأن في ضرر كبير لمن يطلع لهم ان فيه جواب مغاير للواقع..

بالتوفيق سواء ف ايرلندا أو يو كي.

( تمت المشاركة باستخدام تطبيق مبتعث )

بارك الله فيك اخوي الغالي على ردك كفيت ووفيت الله يحفظك،وعلى قولتك هم نا استلمو مني الاوراق وبالتالي لا يوجد رفض اساسا،الله يجزاك خير،شاكر ومقدر اخوي


( تمت المشاركة باستخدام تطبيق مبتعث )

الله يعطيك العافية ريحتني الله يريحك دنيا واخرة،لكن بما انك تدرس بايرلندا،انا ودي ادرس لغة انا والمدام مادري تنصحني فيها وشكرا مقدما.


( تمت المشاركة باستخدام تطبيق مبتعث )

الله يوفقك ويسهل امورك
تحياتي لك